લૉકડાઉન 3.0માં કયા ઝોનમાં કેટલી રાહત અને કેટલા પ્રતિબંધ અંગે ગાંધીનગરથી CMO સચિવ અશ્વિનિકુમારની પત્રકાર પરિષદ યોજી હતી. જેમાં તેમણે જણાવ્યું હતું કે, અમદાવાદ, સુરત, વડોદરા, રાજકોટ*, ગાંધીનગર અને ભાવનગરમાં પ્રતિબંધ યથાવત્ રહેશે. રાજકોટ ઓરેન્જ ઝોનમાં હોવા છતા કડક પ્રતિબંધ રહેશે. સાથે 6 નગરપાલિકાઓમાં પણ દુકાનો ખોલવાની મંજૂરી નહીં મળે. જેમાં બોટાદ, બોપલ, ખંભાત, ગોધરા બારેજા, ઉમરેઠ કોઈ છૂટછાટ નહીં મળે.
રાજ્યભરમાં પાન-મસાલાની દુકાન બંધ રહેશે
રાજકોટ ઓરેન્જ ઝોનમાં હોવા છતા કડક પ્રતિબંધ રહેશે
ગ્રીન ઝોનમાં ST બસ દોડાવવામાં આવશે
મુખ્યમંત્રીના અધ્યક્ષ સ્થાને યોજાયેલી બેઠકમાં લૉકડાઉન 3.0ના નિયમોમાં કેટલાક ફેરફાર કર્યા છે. જેમાં 6 મહાનગરપાલિકા અને 6 નગરપાલિકાઓમાં અગાઉની શરતો પણ યથાવત્ રહેશે. અમદાવાદ, સુરત, વડોદરા, રાજકોટ, ભાવનગર, ગાંધીનગરમાં લૉકડાઉનનું કડકાઈથી પાલન કરાવાશે. રાજ્યભરમાં માવા-પાનની દુકાન રહેશે બંધ. મોલમાં દુકાનો નથી તેવી દુકાનો તબક્કાવાર ખુલી શકશે. ગ્રીન-ઓરેન્જ ઝોનમાં બ્યૂટી પાર્લર, હેરકટિંગ સલૂન, ચાની દુકાનો ચાલુ કરી શકાશે. દરેક ઝોનમાં સાંજે 7 વાગ્યાથી સવારે 7 વાગ્યા સુધી ઘરમાં જ રહેવું પડશે. આ સમયમાં બિનજરૂર બહાર નીકળી શકાશે નહીં.
ઝોન મુજબ સમજો છૂટછાટ અને પ્રતિબંધ
રેડ ઝોનમાં છૂટછાટ
રેડ ઝોનમાં સમાવિષ્ટ જિલ્લાઓમાં માત્ર જીવન જરૂરી અને આવશ્યક ચીજ વસ્તુઓનું (દૂધ, કરિયાણા, દવા, શાકભાજી અને ફ્રૂટ) વેચાણ થઈ શકશે અન્ય કોઈ જ ઓફીસ કે દુકાને શરૂ કરી શકાશે નહીં.(ગાંધીનગર, ભાવનગર, વડોદરા, સુરત, અમદાવાદ અને રાજકોટ) રાજકોટ ઓરેન્જ ઝોન હોવા છતાં તકેદારીના કારણોસર ત્યાં રેડ ઝોન મુજબના નિયમોનું પાલન કરશે.
ઓરેન્જ ઝોનમાં છૂટછાટ
ઓરેન્જ ઝોનમાં સમાવિષ્ટ જિલ્લાઓમાં હેર કટિંગ સલૂન, ચા ની દુકાન, બ્યુટી પાર્લર અને ટેક્સી અને કેબ ફેસીલીટી શરૂ કરી શકાશે. કેબમાં એક ડ્રાઇવર અને બે મુસાફર(1+2) જ બેસી શકશે. (રાજકોટમાં આ છૂટછાટ નહીં મળે)
ગ્રીન ઝોનમાં છૂટછાટ
ગ્રીન ઝોનમાં સમાવિષ્ટ જિલ્લાઓમાં હેર કટિંગ સલૂન, બ્યુટી પાર્લર, ચા ની દુકાન અને ટેક્સી-કેબ ફેસીલીટી શરૂ કરી શકાશે. કેબમાં એક ડ્રાઇવર અને બે મુસાફર (1+2) જ બેસી શકશે. તે ઉપરાંત વધુમાં વધુ ૩૦ મુસાફરો સાથે ST બસ સેવા શરૂ કરી શકાશે. (30થી વધુ મુસાફર હશે તો ડ્રાઈવર કંડકટર સામે ગુનો દાખલ કરાશે)
રેડ, ઓરેન્જ અને ગ્રીન ત્રણમાંથી એક પણ ઝોનમાં હજુ બે અઠવાડિયા સુધી પાન-મસાલાના ગલ્લા અને લિકર શોપ શરૂ કરી શકાશે નહીં. જાણો તમારો જિલ્લો કયા ઝોનમાં છે.
ઉદ્યોગો, ST બસ, લીકર શોપને લઇને મહત્વની જાહેરાત
છ નગરપાલિકામાં લોકડાઉન યથાવત
બોટાદ, બોપલ, ખંભાત, ગોધરા બારેજા, ઉમરેઠ નગરપાલિકામાં પણ કોઈપણ પ્રકારની છુટછાટ આપવામાં નથી આવી.
શરતો સાથે ઉદ્યોગોને છુટછાટ
જૂનાગઢ, જામનગર મહાનગર પાલીકામાં ઉદ્યોગો ચાલુ કરી શકાશે. 156 નગરપાલીકામાં ઉદ્યોગની કામગીરી ચાલુ કરી શકાશે. જોકે કંપનીઓએ કર્મચારીઓને આવવા-જવાનો સમય નિશ્ચિત કરવાનો રહેશે. કર્મચારીઓનુ ટેમ્પરેટર માપવાનુ રહેશે. કર્મચારીની તબિયત ખરાબ હોય તો જાણ કરવાની રહેશે.
ગ્રીન ઝોનમાં STની બસ ચાલુ કરી શકાશે
રાજ્યમાં ગ્રીન ઝોનમાં ST બસમાં 30થી વધુ મુસાફરો બસમાં બેસી શકશે નહીં. ગ્રીન ઝોનમાં ટેક્સી અને કેબ સેવા ચાલુ કરી શકાશે. ટેક્સીમાં વધુમાં વધુ 2 પેસેન્જરને મંજૂરી આપવામાં આવી છે.
રાજ્યમાં પાન-ગલ્લાની દુકાનોને છુટ નહીં
રાજ્યમાં પાન-મસાલાની દુકાનો કોઈપણ ઝોનમાં ખુલી શકશે નહીં. ગ્રીન ઝોનમાં પણ પાન-મસાલાની દુકાનને મંજૂરી નહીં. લીકર શોપને 2 સપ્તાહ સુધી મંજૂરી નહીં મળે. વધુ કડક લોકડાઉન પાલનની જરૂરિયાત છે.