કોરોનાના કહેરે દુનિયાની ઘણી વ્યવસ્થાઓ ધ્વસ્ત કરી દીધી છે. કોરોનાના પરિણામે લોકડાઉન જરૂરી બની ગયું પરંતુ તેના કારણે અનેક લોકોની આજીવિકાને મોટો ફટકો પડ્યો. જો કે, કોરોના સંકટે સર્જેલા આ પડકાર વચ્ચે કેટલાક એવા લોકો અડીખમ ઉભા રહ્યા કે જેમને પોતાની જવાબદારીનું ભાન ચેનથી સૂવા દેતું ન હતું. આજે આપણે વાત કરવી છે એ એક એવી યુવતીને કે જે જોબની રાહ ન જોઈ બેસી ન રહી, પરંતુ જરૂર પડી તો પોતાના પિતાના વ્યવસાયને ટકાવી રાખવા બનતી મદદ કરી છૂટી. કોણ છે આ યુવતી...
લોકડાઉનના સંકટ વચ્ચે મજબૂત બની ઉભી રહી સીમરન
પરિવારની આર્થિક સ્થિતિ ન થવા દીધી ડામાડોળ
નોકરી પહેલા પડકારનો સામનો
લોકડાઉનના કારણે અનેક લોકોની આજીવિકા અટકી પડી છે. અમદાવાદના નહેરૂનગરમાં રહેતા મોહિલે પરિવારની આજીવિકા અટકી પડી હતી. પરિવારની ડબલ ગ્રેજ્યુએટ થયેલી યુવતીએ પિતાની અનુભવ અને પોતાની હિંમત એકઠી કરીને આત્મનિર્ભર બનવાનો પ્રયાસ કર્યો છે.
કોરોના અને તેને પગલે આવી પડેલા લોકડાઉને જેમ અનેક લોકો સામે પડકાર સર્જ્યો તેમાં એક આ સીમરનની ગણતરી પણ કરવી પડશે. અમદાવાદની સીમરન નામની યુવતી છે જેમના પિતાની શહેરના લો ગાર્ડન ખાતે છોલે કુલચેની લારી હતી અને માતાની કટલેરીની દુકાન પણ હતી. પરંતુ ઘર જેના પર નભતું હતું તે વ્યવસાય જ લોકડાઉનમાં બંધ થઈ ગયાં. લોકડાઉનના ત્રીજા તબક્કા દરમિયાન તો ઘર ચલાવાવનું પણ મુશ્કેલ બની ગયું.
હા સીમરન પાસે એક ક્રૂઝમાં બ્યૂટી થેરેપિસ્ટ તરીકે નોકરીની તક ઉભી હતી પરંતુ લોકડાઉના કારણે તે ફરજ પર જઈ શકે તેવી સ્થિતિ ન હતી. પરિવારનું ગુજરાન ચલાવવા માટે તેણી ક્રૂઝમાં નોકરી ચાલુ થાય તેની રાહ જોતી બેસી ન રહી. તેના પિતાએ ઘર ચલાવવા માટે શરૂ કરેલા નવાસૂના ફ્રૂટના વ્યવસાયમાં તેણી મદદરૂપ બની રહી છે. હાલમાં સિમરન ફ્રૂટની લારી ચલાવીને પોતાના ઘરનું ગુજરાન ચલાવે છે.
સિમરન ડબલ ગ્રેજ્યુટ છે. શહેરની કે.કા શાસ્ત્રી કોલેજમાંથી અભ્યાસ પૂર્ણ કર્યો છે. શહેરના કે.કે.શાસ્ત્રા કોલેજમાંથી અભ્યાસ કર્યા બાદ સિમરનની નોકરી લાગી હતી. સિમરનને 23 મેથી નોકરી પર જવાનું હતુ. જોકે લોકડાઉન થતા સિમરનની નોકરી શરૂ થઈ ન હતી. નોકરી શરૂ ન થતા સિમરને ફ્રૂટની લારી ચલાવવાનું શરૂ કર્યું છે.
બીજી તરફ પોતાના પરિવાર પર મુશ્કેલી આવી ત્યારે તેણે જાત મહેનત જિંદાબાદ સૂત્રને જીવનસૂત્ર બનાવી દીધુ છે. મહત્વની વાત છે આપત્તિમાં ઘણા લોકો સરકાર પર નિર્ભર રહે છે અને ઘણા નિરાશ થઇ જાય છે પણ સિમરને સાબિત કર્યું છે કે, તમારામાં હિંમત અને જુસ્સો હોવો જોઈએ કોઈ કામ નાનું નથી.
જે રીતે આર્થિક અસર પડી મોટું લોકડાઉન ત્યારે સિમરન હવે જાત મહેનત ઝિંદાબાદના નારા પર કામ કરી રહી છે. મહત્વની વાત છે ઘણા લોકો સરકાર પર નિર્ભર રહે છે અને ઘણા નિરાશ થઇ જાય છે પણ સિમરને સાબિત કર્યું છે કે, તમારામાં હિંમત અને જુસ્સો હોવો જોઈએ કોઈ કામ નાનું નથી.