લૉકડાઉન / જાણો હૉટસ્પોટ અને વિસ્તારને સીલ કરવામાં શુ હોય છે તફાવત, આ સમયે શું અને કેવી રીતે મળશે?

• કોરોનાનું સંકટ
• આ કારણે હૉટસ્પોટ વિસ્તારોને કરાય છે સીલ
• હૉટસ્પોટ અને સીલ કરાયેલા વિસ્તારોમાં શું અને કેવી રીતે મળશે

હૉટસ્પૉટ વિસ્તારની કેવી રીતે થાય છે પસંદગી?

જે વિસ્તારમાં અનેક પોઝિટિવ દર્દી મળ્યા હોય અને સંક્રમણ વધવાની સંભાવના વધુ હોય તે વિસ્તારને હૉટસ્પૉટ કહેવામાં આવે છે. તેમાં કોઈ પણ સાઈઝનો એક વિસ્તાર હોઈ શકે છે. મકાનથી લઈને સોસાયટી, કોલોની કે સમગ્ર સેક્ટર હોઈ શકે. કોઈ એક એપાર્ટમેન્ટને પણ હૉટસ્પૉટ માનવામાં આવી શકે છે.  હૉટસ્પૉટમાં રહેતા લોકોએ લોકડાઉનનો નિયમ પણ પાળવો પડે છે.

કોરોના હૉટસ્પૉટમાં શું થશે, શું નહીં?

• હૉટસ્પૉટમાં 100 ટકા લોકડાઉનનું પાલન કરવું જરૂરી.
• હૉટસ્પૉટમાં કોઈ પણ દુકાન ખુલી ન શકે.
• વિસ્તારના એન્ટ્રી, એગ્ઝિટ પોઈન્ટ પર બેરિકેડ હોય છે.
• લોકોને એક ફળિયામાંથી બીજા ફળિયામાં જવાની મંજૂરી નથી હોતી.
• હૉટસ્પૉટ માટે વિશેષ પાસ ધારકોને જ આ વિસ્તારમાં જવાની મંજૂરી મળશે.
• એમ્બ્યુલન્સ, ફાયર બ્રિગેડને પણ એન્ટ્રીની મંજૂરી લેવી પડે.
• હૉટસ્પૉટમાં મીડિયાના પ્રવેશને પર પણ પ્રતિબંધ હોય છે. 
• સપ્લાયની વ્યવસ્થા માત્ર હોમ ડિલિવરીના માધ્યમથી થાય.
• ફળ, શાકભાજી, દવા, રાશન હોમ ડિલિવરીથી મળશે.
• ઘરે ઘરે જઈને કોરોના સંક્રમણ અંગે તપાસ કરવામાં આવે છે.

શું હોય છે સીલ?

કોરોનાને ધ્યાનમાં રાખીને કેટલાક વિસ્તારોનો હૉટસ્પોટ કરવામાં આવે છે અને પછી તેને જરૂર પડતાં સીલ કરવામાં આવે છે. જ્યારે કોઈ વિસ્તારને સીલ કરવામાં આવે છે તેનો અર્થ છે અહીં કોઈ પ્રકારની અવર જવર થઈ શકશે નહીં. આ વિસ્તારમાં કોઈપણ વસ્તુની લેનદેનમાં હોમ ડિલિવરી સરકાર દ્વારા કરવામાં આવશે. ફ્રૂટ, શાક, દવા, કરિયાણુ અનેસ ડેરી પ્રોડક્ટ્સ પણ તમારા ઘરે જ પહોંચાડવામાં આવે છે. 

જાણો સીલ કરાયેલા વિસ્તારમાં કોણ જઈ શકે?

સીલિંગ વિસ્તારમાં ફક્ત પોલીસ, સ્વાસ્થ્ય કર્મીઓ, સફાઈ કર્મીઓ જઈ શકે છે. મીડિયાને આ વિસ્તારોમાં જવાની પરમિશન હોતી નથી. પણ જો કોઈ મીડિયાકર્મી અહીં રહે છે તો તે પોતાની ઓફિસ જઈ શકે છે અને ઓફિસ કામે અન્ય વિસ્તારમાં જઈ શકે છે. પણ આ વિસ્તારમાં અંદર જઈને રિપોર્ટીંગ કરી શકતા નથી. 

આ હૉટસ્પોટ વિસ્તારો કરાયા છે સીલ

હાલમાં મધ્યપ્રદેશના મુખ્યમંત્રી શિવરાજસિંહ ચૌહાણે ભોપાલ, ઉજ્જૈન, ઇન્દોરને સંપૂર્ણ સીલ કરવા નિર્દેશ આપ્યો છે. 14 જિલ્લામાં લોકડાઉન થશે. આવશ્યક ચીજવસ્તુઓની સપ્લાય સુનિશ્ચિત કરવાની જવાબદારી જિલ્લા વહીવટીતંત્રની રહેશે. કોરોના વાયરસને છુપાવનાર વ્યક્તિ સામે એફઆઈઆર અને શિક્ષાત્મક કાર્યવાહી કરવામાં આવશે.  તો સાથે જ ગુજરાતમાં અમદાવાદમાં હૉટસ્પૉટ જાહેર કરાયું છે. કોટ વિસ્તારને હૉટસ્પૉટ જાહેર કર્યો છે. હૉટસ્પૉટમાં 100 ટકા લોકડાઉનનું પાલન જરૂરી છે. આ વિસ્તારોમાં એન્ટ્રી, એગ્ઝિટ પોઈન્ટ પર બેરિકેડ લગાવવામાં આવે છે. આ સાથે જ કોઈ પણ દુકાન ખોલવા પર પ્રતિબંધ હોય છે.