સમગ્ર રાજ્યમાં કોરોનાનો કહેર યથાવત છે. ત્યારે રાજકોટમાં કોરોનાની રાહત જણાય રહી છે. રાજકોટમાં છેલ્લા 6 દિવસથી એકપણ કેસ પોઝિટિવ નથી આવ્યો. જિલ્લામાં કુલ 10 કેસ નોંધાયેલા છે. ત્યારે હાલ લોકડાઉનની સ્થિતિ ચાલી રહી છે તેવામાં શહેરમાં પાનના ગલ્લામાંથી અનોખી ચોરીની ઘટના સામે આવી છે.
લોકડાઉન વચ્ચે પાનના ગલ્લામાંથી ચોરી
સોપારી, તમાકુ અને સીગારેટનો જથ્થો ચોરીને શખ્સો ફરાર
માલવીયા નગર પોલીસે કાર્યવાહી હાથ ધરી
કોરોના વાયરસને લઇને લોકડાઉન ચાલી રહ્યું છે. ત્યારે ટોબેકોની આદત ધરાવતા લોકો મુશ્કેલીમાં મુકાયા છે. ત્યારે રાજકોટમાં એક અનોખી ચોરીની ઘટના બની છે. પાનના ગલ્લામાં ચોરીનો બનાવ સામે આવ્યો છે.
રાજકોટના મવડી રોડ પર પાનના ગલ્લામાં ચોરી થઈ છે. ચોર દુકાનનુ તાળુ તોડીને પૈસા કે ઇલેક્ટ્રીક વસ્તુ ના બદલે સોપારી, તમાકુ અને સિગારેટનો જથ્થો લઈને ફરાર થયા છે. માલવીયા પોલીસે ફરિયાદ નોંધીને કાર્યવાહી હાથ ધરી છે.
મહત્વનું છે કે, કોરોના વાયરસના કહેરને લઇને સમગ્ર દેશમાં 14 એપ્રિલ સુધી લોકડાઉન લાગૂ કરી દેવામાં આવ્યું છે. તેવામાં રાજ્યમાં પાન-મસાલા જેવી દુકાનો બંધ હોવાથી આનું વ્યસન કરતા લોકો મુશ્કેલીમાં મુકાયા છે. ત્યારે રાજકોટના મવડી રોડ પર પાનના ગલ્લામાંથી સોપારી, તમાકુ અને સિગારેટ જેવી વસ્તુઓની ચોરી થઇ છે. ત્યારે પાન-મસાલાના વ્યસની લોકો જ ચોરી કરી ગયા હોવાનું અનુમાન લગાવવામાં આવી રહ્યું છે. જોકે આ અંગે પોલીસ દ્વારા તપાસ હાથ ધરવામાં આવી છે.