અમદાવાદ / સલામ છે આ પરિવારને, લોકડાઉન વચ્ચે દરરોજ 400 લોકોને પુરું પાડે છે 2 ટંકનું ભોજન

• શહેરના હાટકેશ્વર વિસ્તારમાં અસરાણી પરિવારની પહેલ 
• પરિવાર દ્વારા દરરોજ 400 લોકો માટે જમવાની કરાય છે વ્યવસ્થા
• દરરોજ બે ટાઈમ જરૂરિયાતમંદ લોકો માટે જમવાની કરાય છે વ્યવસ્થા

રાજ્યમાં લોકડાઉન હોવાના કારણે ગરીબ પરિવારોને સમસ્યાનો સામનો કરવો પડી રહ્યો છે. ત્યારે હવે અમદાવાદના હાટકેશ્વર વિસ્તારમાં અસરાણી પરિવાર દ્વારા અનોખી પહેલ કરવામાં આવી છે. આ પરિવાર દ્વારા દરરોજ 400 લોકો માટે જમવાની વ્યવસ્થા કરવામાં આવે છે.

400 લોકોને જમવાનું મળી રહે તે માટે પરિવારની અનોખી પહેલ 

આ પરિવાર દ્વારા દરરોજ બે ટાઈમ જરૂરિયાતમંદ લોકો માટે જમવાની વ્યવસ્થા કરવામાં આવે છે. એક પરિવારના સભ્યો દ્વારા વહેલી સવારથી રસોઈ બનાવવામાં આવે છે. રસોઈ બનાવીને પોલીસ અને જરૂરિયાતમંદ લોકો સુધી ભોજન પહોંચાડવામાં છે. 

હેમંત ચૌહાણે પોતાના જ ઘરમાં બનાવડાવી ખીચડી 

કોરોનાના કહેર વચ્ચે સરકાર દ્વારા તમામ લોકોને જમવાનું પહોચાડવાની ખાતરી આપવામાં આવી છે. આ કહેર વચ્ચે સામાજીક સંસ્થાઓ પણ લોકોની મદદે આવી છે. ત્યારે હવે ગાયક કલાકાર હેમંત ચૌહાણે જરૂરિયાતમંદ લોકોની મદદ કરી છે. તેમણે પોતાના ઘરે જ ખીચડી બનાવીને લોકો સુધી પહોંચાડી છે. આ સાથે જ તેમણે વીડિયો જાહેર કરીને જરૂરિયાતમંદ લોકોને મદદ કરવાની પણ અપીલ કરી છે.