કોરોના વાયરસને સમગ્ર દેશમાં તબાહી મચાવી છે. તેની અસરથી ક્રિકેટ, બોલિવૂડ સહિત સમગ્ર એન્ટરટેનમેન્ટ ઈન્ડસ્ટ્રી ઠપ થઈ ગઈ છે. જે ફિલ્મો બની ગઈ હતી તેને રિલીઝ કરવી અશક્ય છે અને જેનું શૂટિંગ ચાલી રહ્યું હતું એ પણ બંધ થઈ ગયું. આ જ રીતે ટીવીના વિવિધ લોકપ્રિય શોઝની પણ શૂટિંગ બંધ થઈ ગઈ છે અને શોના નવા એપિસોડ ટેલિકાસ્ટ થવાના બંધ થઈ ગયા છે. હવે લોકડાઉનનો સમય પણ ધીરે-ધીરે વધી રહ્યો છે.
લોકડાઉનને કારણે એન્ટરટેનમેન્ટ જગત ઠપ છે
ત્યારે હવે અમુક શોના મેકર્સને ઓનલાઈન સિલેક્શન પ્રક્રિયા શરૂ કરી છે
જેમાં આ શોમાં તમે ઓનલાઈન ઓડિશન્સ આપીને પાર્ટિસિપેટ કરી શકશો
જોકે, હાલ કોઈને નથી ખબર કે ક્યારે પરિસ્થિતિ સામાન્ય થશે. એવામાં ટીવી શોઝના મેકર્સએ એવી વ્યવસ્થા કરી છે જેમાં દર્શકોને ઘેર બેઠા જ તેમના ફેવરિટ શોઝ જોવા મળી શકે. કૌન બનેગા કરોડપતિ, ઘર ઘર સિંગર, માધુરી ડાંસ શો અને ડાંસ દીવાને જેવા ઘણાં મોટા શોઝ ટૂંક સમયમાં ટીવી પર વાપસી કરવાના છે. મેકર્સે આ શોઝના કમબેક માટે તૈયારીઓ કરી લીધી છે.
અમિતાભ બચ્ચન કૌન બનેગા કરોડપતિ સાથે ફરી એકવાર ટીવી સ્ક્રીન પર વાપસી કરવાના છે. આ કૌન બનેગા કરોડપતિની 12મી સિઝન હશે. સૌથી મોટી વાત એ છે કે, બિગ બીએ ઘરે જ કેબીસી12નું શૂટિંગ કર્યું છે. હાલમાં જ સોની ટીવીએ કેબીસીનો પ્રોમો શેર કર્યો છે. જેમાં બિગ બી લોકોને રજિસ્ટ્રેશનની જાણકારી આપી રહ્યાં છે.
રોડીજના ઓનલાઈન ઓડિશન માટે પણ વેબસાઈટ્સ અને ટીવી પર જાહેરાત આવવાની શરૂ થઈ ગઈ છે અને મેકર્સે પણ તેની ઓનલાઈન એન્ટ્રી મંગાવાનું શરૂ કરી દીધું છેય રોડીઝ ખૂબ જ ચર્ચિત શો છે એટલે જ એટલે જ એમટીવી લોકડાઉન દરમિયાન પણ આ નવા શોની સીઝનને રોકવા નથી માંગી રહ્યું.
નેહા કક્કડ અને તેના ભાઈ ટોની કક્કડ સાથે મળીને ઝી ટીવીના નવા શો ઘર ઘર સિંગરનો ભાગ બનવા તૈયાર છે. આમાં તેમની સાથે બહેન સોનૂ કક્કડ પણ હશે. આ શો દ્વારા આ ભાઈ બહને મળીને દેશના પહેલાં લોકડાઉન સિંગિંગ સુપરસ્ટારની શોધ કરશે. નેહા, ટોની અને સોનૂ કક્કડના આ શોમાં ન માત્ર કન્ટેસ્ટન્ટ તેમના ઘરેથી જ ઓડિશન આપશે પરંતુ ત્રણેય ભાઈ બહેનની લાઈફસ્ટાઈલ પણ ફેન્સને જોવા મળશે.
ડાંસ દીવાને
આ જ લિસ્ટમાં કલર્સના સૌથી ચર્ચિત શો ડાંસ દીવાનેનું ઓડિશન પણ ઓનલાઈન શરૂ થઈ ગયું છે. વેબસાઈટ વૂટ પર ડાંસર્સ તેમના ડાંસ વીડિયો અપલોડ કરી શકે છે. પણ એક વીડિયો 50 એમબીથી વધુનો ન હોવો જોઈએ. જોકે, આગળની પ્રક્રિયા મેકર્સ કઈ રીતે કરશે તે જોવાનું રહ્યું.