દેશભરમાં કોરોનાના કહેરના કારણે હાલ લોકડાઉનની સ્થિતિને છે. પરંતું લોકડાઉનની સ્થિતિમાં કેટલાક લોકો બહાર નીકળવા માટે વિવિધ કીમિયા અજમાવતા રહે છે. આવી જ રીતે રાજકોટનો એક શખ્સ નકલી પોલીસના વેશમાં રાજકોટની લટાર મારવા નીકળ્યો હતો. જો કે, સાચી પોલીસ સામે આવી જતાં આ શખ્સની પોલ ઝડપાઇ ગઇ હતી.
પોલીસને મૂર્ખ ન સમજતા!
એક રાજકોટવાસીની પોલ ખુલી ગઈ
પોલીસના કપડા પહેરીને નિકળ્યો ઘરની બહાર
ઘટના અંગે પ્રાપ્ત થયેલી જાણકારી અનુસાર, લોકડાઉનમાં બહાર નીકળવા રાજકોટવાસીએ અવનવા બહાના બનાવીને બહાર નીકળી રહ્યા છે. પોલીસના લોગોવાળું ટી-શર્ટ અને ખાખી પેન્ટ પહેરીને નીળતા એક જણની પોલ પકડાઈ છે. જો કે, પોલીસે ઉલટ તપાસ કરતા આ શખ્સ પકડાયો છે. પોલીસે હિતેન્દ્રસિંહ જાડેજા વિરુદ્ધ ગુનો દાખલ કરીને તપાસ શરૂ કરી છે.
ઉલ્લેખનીય છે કે, કોરોના વાયરસના ભારતમાં કહેરને અટકાવવા માટે કેન્દ્ર સરકાર દ્વારા સમગ્ર દેશમાં લોકડાઉનની જાહેરાત કરવામાં આવી છે. જેમાં લોકોને ખૂબ જ અગત્યના કામ સિવાય ઘરની બહાર ન નીકળવા અપીલ કરી છે. તેમ છતાં કેટલાક લોકો આ ચેતવણીને ગંભીરતાથી ન લેતા ગમે ત્યારે બહાર નીકળી પડે છે. આવી જ ઘટના રાજકોટમાં બની હતી પરંતુ ખોટા પોલીસના સ્વાંગમાં નીકળેલો યુવક સાચા પોલીસના હાથે ઝડપાઇ ગયો હતો.
ગુજરાતમાં કોરોનાના 95 કેસ
એકલા અમદાવાદમાં જ નવા 7 કેસ નોંધાયા. ગુજરાતમાં કોરોનાથી વધુ એક મોત થયુ છે. આ મોતને કારણે કોરોનાથી મોતનો આંકડો 8 પર પહોંચ્યો છે. જ્યારે પોઝિટિવ કેસની સંખ્યા 95 થઈ છે. ગુજરાતમાં ગઈકાલે કોરોનાનો એક જ કેસ પોઝિટિવ મળ્યો હતો. આવનારા ચાર પાંચ દિવસમાં ગુજરાતમાં આકંડા ઉપર નીચે થઈ શકે છે. જો કે એ પછી પરિસ્થિતિ સ્ટેબલ થઈ જશે એવું તબીબોનું માનવું છે.