IPLIN
 

શટરડાઉન / સુરતમાં ક્લસ્ટર લોકડાઉન માટે SRP ઉતારાઈ, તો આ વિસ્તારોમાં સેલ્ફ LOCKDOWNની તૈયારીઓ

Team VTV 09:32 AM, 18 Jul 20 | Updated: 10:09 AM, 18 Jul 20
Follow us
lockdown in Surat for coronavirus in Gujarat

સુરતમાં કલસ્ટર વિસ્તારોમાં લોકડાઉનનો કડકાઇથી અમલ કરાવવા DYSP કક્ષાના અધિકારીઓ ફાળવાયા અને SRP પણ ફાળવાઈ તો વળી કેટલા વિસ્તારમાં સેલ્ફ લોકડાઉનનની તૈયારીઓ શરૂ થઈ ગઈ છે. છેલ્લા કેટલાક દિવસોથી સુરત કોરોના મામલે અમદાવાદથી પણ આગાળ નીકળી રહ્યુ છે ત્યારે હવે વણસેલી બાજી ફરીથી સુધારવા સુરતમાં લોકો જાતે જ લોકડાઉન કરી રહ્યા છે.

  • 5 DYSP કક્ષાના અધિકારીઓ ફાળવાયા 
  • SRPની વધુ બે કંપની ફાળવવામાં આવી
  • સુરતમાં સેલ્ફ લોકડાઉન માટે કવાયત
  • જીવન જરૂરી ચિજવસ્તુઓની દુકાનો જ ચાલુ રહેશે

 
સુરતમાં સેલ્ફ લોકડાઉન કરાવવા કવાયત હાથ ધરવામાં આવી છે. રાંદેર બાદ ઉધનામાં સેલ્ફ લોકડાઉન ( LOCKDOWN )ની શરૂઆત કરવામાં આવી છે. ઉધના મેઈન રોડ, પાંડેસરામાં દુકાનો સ્વૈચ્છિક બંધ રાખવામાં આવી છે. જીવન જરૂરી ચિજવસ્તુઓની દુકાનો જ ચાલુ રહેશે. અડાજણ, પાલનપુર પાટિયા વિસ્તારમાં સેલ્ફ લોકડાઉનની શરૂઆત થઇ છે. 

સુરતમાં કોરોનાનું સંક્રમણ અટકાવવા તંત્ર આક્રમક મોડમાં

સુરતમાં કોરોનાનું સંક્રમણ અટકાવવા તંત્ર આક્રમક મોડમાં આવી ગયું છે. કલસ્ટર વિસ્તારોમાં લોકડાઉન ( LOCKDOWN )નો કડકાઇથી અમલ કરાવશે. સુરતમાં કલસ્ટરનો વિસ્તાર નાનો કરાશે. અસરકારક કામગીરી અને સર્વે માટે વિસ્તાર નાનો કરાશે. 5 DYSP કક્ષાના અધિકારીઓ ફાળવાયા છે. SRPની વધુ બે કંપની ફાળવવામાં આવી છે. જુના ક્લસ્ટર વિસ્તારો અંગે પણ ફેરવિચારના કરાશે. 

હાલ શું છે સુરતમાં કોરોનાની સ્થિતિ?

સુરતમાં કોરોનાનું સંક્રમણ વધી રહ્યું છે. અમદાવાદ બાદ સૌથી વધુ સુરતમાં કેસ નોંધાઇ રહ્યા છે. આજે સુરતમાં 234 નવા કોરોનાના કેસ નોંધાયા છે. જેમાં સુરત કોર્પોરેશનમાં 177 અને સુરત જિલ્લામાં 57 કેસ નોંધાયા છે. આ સાથે સુરતમાં કોરોનાનો કુલ આંકડો 9141 પર પહોંચ્યો છે. સુરતમાં આજે 351 દર્દીઓ સ્વસ્થ થયા છે. જેથી કુલ સ્વસ્થ થયેલા દર્દીનો આંકડો 6080 પર પહોંચ્યો છે. તો આજે સુરતમાં 5 દર્દીઓના મોત થયા છે. આ સાથે સુરતમાં અત્યાર સુધીમાં કુલ 242 દર્દીના મૃત્યુ થયા છે. સુરતમાં હાલ 2819 એક્ટિવ કેસ છે.

સુરતમાં છેલ્લા 10 દિવસમાં 2683 કેસ, 48ના મોત

10 દિવસના આંકડા નોંધાયેલા કેસ  સાજા થયા મોત
2020-07-07 249 76 6
2020-07-08 273 181 5
2020-07-09 307 124 6
2020-07-10 269 118 4
2020-07-11 270 136 3
2020-07-12 251 138 5
2020-07-13 287 186 5
2020-07-14 291 247 5
2020-07-15 236 223 5
2020-07-16 265 191 5
2020-07-17 234 351 5
Grand Total 2683 1895 48
surat lockdown coronavirus in Gujarat સુરત ક્લસ્ટર લોકડાઉન કોરોના વાયરસ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ