મહામારી / 1 અઠવાડિયાના કડક લોકડાઉનની જાહેરાત, કોરોના વકરતા આ દેશના રાષ્ટ્રપતિએ આપ્યો આદેશ

• રશિયામાં કોરોના વકર્યો
• છેલ્લા ચોવીસ કલાકમાં કોરોનાના નવા 37,141 કેસ
• એક દિવસમાં 1046 લોકોના મોત 
• રાષ્ટ્રપતિ પુતિને 1 અઠવાડિયાના લોકડાઉનની કરી જાહેરાત

રશિયામાં છેલ્લા કેટલાક દિવસથી કોરોનાએ ફરી વાર માથુ ઉચક્યું છે. એક દિવસમાં કોરોનાના નવા 37,141 કેસ નોંધાયા છે અને 1046 લોકોના મોત થયા છે.

રાષ્ટ્રપતિ પુતિને 1 અઠવાડિયાના લોકડાઉનની કરી જાહેરાત

દેશમાં વધી રહેલા કોરોનાના કેસો અને વેક્સિન ન લેવામાં લોકોની આનાકાનીને પગલે રાષ્ટ્રપતિ પુતિનને એક અઠવાડિયું લોકડાઉન જાહેર કરવાની ફરજ પડી છે. 

રાજધાની મોસ્કોના મેયર Sergei Sobyaninએ 28 ઓક્ટોબરથી તમામ બિન-જરુરી સેવાઓને બંધ કરવાની જાહેરાત કરી છે. ફક્ત સુપરમાર્કેટ અને ફાર્માસ્યુટિકલ ઉદ્યોગને ચાલુ રાખવાની મંજૂરી આપવામાં આવી છે. સ્કૂલો અને આંગણવાડીઓને પણ બંધ કરી દેવાઈ છે જ્યારે બાર્સ અને રેસ્ટોરન્ટ્સમાં લોકોની હાજરીની ઘટાડી દેવામાં આવી છે. 

ઓછા વેક્સિનેશનને કારણે રશિયામાં બાજી બગડી
ક્રેમલિને (રશિયાના રાષ્ટ્રપતિનું ભવન) જણાવ્યું કે ઓછા વેક્સિનેશને કારણે દેશમાં કોરોનાએ માથુ ઉચક્યું છે. લોકો વેક્સિન લેવામાં આનાકાની કરી રહ્યાં છે તેને પરિણામે કોરોનાના કેસોમાં વધારો થઈ રહ્યો છે.