દેશભરમાં કોરોના કહેર વચ્ચે જાહેર લોકડાઉન જાહેર કરવામાં આવ્યું હતું. જેને લઇને સાવચેતીના પગલે ગુજરાતમાં રાજ્ય સરકારની કચેરીઓ બંધ કરી દેવામાં આવી હતી. જો કે લોકડાઉન-2માં પરિસ્થિતિને નજરમાં રાખી 20 તારીખ પછી સરકારી કચેરી તેમજ અન્ય ઔદ્યોગિક એકમ શરૂ કરવા અંગે જણાવામાં આવ્યું હતું. જેને લઇને આજથી રાજ્ય સરકારની કચેરીઓમાં કામકાજ શરૂ થવા જઇ રહ્યું છે.
આજથી રાજ્ય સરકારની કચેરીઓમાં કામકાજ શરૂ થશે
વર્ગ 1 અને વર્ગ 2ના કર્મચારીઓ કચેરીએ આવશે
33 ટકા સ્ટાફ સાથે કચેરીઓમાં કામકાજ શરૂ કરાશે
ગુજરાતમાં હાલ કોરોનાને લઇને લોકડાઉન જાહેર કરવામાં આવ્યું છે. જેને લઇને અગાઉ જાહેર કરાયેલા લોકડાઉનના સમય દરમિયાન બંધ કરવામાં આવેલી રાજ્ય સરકારની કચેરીઓ આજથી પુનઃ ધમધમી ઉઠશે.
જો કે હાલમાં સરકારી કચેરીઓમાં વર્ગ 1 અને વર્ગ 2ના કર્મચારીઓ જ કચેરી આવશે. આ સાથે 33 ટકા સ્ટાફ સાથે રાજ્યમાં સરકારી કચેરીઓમાં કામકાજ શરૂ કરાશે, જ્યારે અન્ય સ્ટાફ ઘરેથી કામગીરી કરશે.
રાજ્યમાં સરકારી કચેરીમાં પણ રોટેશન પદ્ધતિથી કર્મચારીઓ ફરજ પર આવશે. આ સાથે હોટસ્પોટ વિસ્તાર, બફર ઝોનમાં આવેલી સરકારી કચેરી બંધ રહેશે. તેમજ રાજ્યમાં ક્લસ્ટર ક્વોરન્ટાઇન વિસ્તારમાં આવેલી કચેરીઓ પણ બંધ રહેશે. તેમજ તમામ કચેરીઓમાં કર્મચારીઓ સોશિયલ ડિસ્ટન્સ સાથે કામ કરશે.