મહામારી / કોરોના વેક્સિન ન લેનાર લોકો માટે લોકડાઉન, સરકારની જાહેરાત બાદ આ દેશમાં રસી લેવા થઈ પડાપડી

• લોકોને કોરોના વેક્સિન લેતા કરવા સરકારનો નવો પ્રતિબંધ
• વેક્સિન ન લેનાર લોકો માટે લોકડાઉનની જાહેરાત
• ઓસ્ટ્રીયા સરકારે જાહેરાત કરી
• લોકોમા વેક્સિન લેવા થઈ પડાપડી 

કોરોના વાયરસ હરાવવા અને વિશ્વભરમાં લોકોને તેનાથી બચાવવા માટે વ્યાપક વેક્સિનેશન ચાલી રહ્યું છે.  ઓસ્ટ્રીયા સરકારે જાહેરાત કરી છે કે જેમણે હજુ સુધી કોરોના વેક્સિન લીધી નથી તેમને લોકડાઉનમાં રહેવું પડશે. તે ઉપરાંત આ લોકોની એન્ટ્રી પર ઘર સુધી સીમિત કરી નાખવાની પણ જાહેરાત કરવામાં આવી છે. વેક્સિન ન લેનાર લોકો બહાર પણ નહીં જઈ શકે. 

સરકારની જાહેરાત બાદ વેક્સિન લેવા લોકોમાં પડાપડી
વેક્સિન ન લેનાર લોકો માટે લોકડાઉનની સરકારની જાહેરાત બાદ વેક્સિન લેવામાં લોકોમાં પડાપડી થઈ હતી. લોકડાઉનમાં રહેવું ન પડે તે હેતુથી વેક્સિનેશન સેન્ટર પર લોકોની મોટી મોટી લાઈનો જોવા મળી હતી. તે ઉપરાંત જેઓ હજુ સુધી કોરોનાથી સાજા થયા નથી તેમણે પણ હોમ ક્વોરન્ટાઈનમાં રહેવું પડશે. ઓસ્ટ્રિયાના ચાન્સેલર એલેક્ઝાન્ડર શેલેનબર્ગે સોમવારથી આ પ્રતિબંધો લાગુ પાડી દીધા છે.