લોકડાઉન / વિશ્વનું મોટું આ હિરાબજાર ખુલતાં કોરોના સંકટ વચ્ચે સુરતનું હિરાબજાર ફરી ધમધમશે, કરોડોના વહીવટ થશે

• સુરત હીરા ઉદ્યોગ માટે સૌથી મોટા રાહત ના સમાચાર
• આજથી એન્ટવર્પ ખાતે હીરા બજાર ખોલવાને પરવાનગી મળી
• 600 જેટલી ડાયમન્ડ ટ્રેડિંગ કમ્પનીઓને ઓફિસો ખોલવાની મંજૂરી મળી

પ્રાપ્ત મળતી વિગત અનુસાર હોંગકોંગ  બાદ આજથી બેલ્જિયમના એન્ટવર્પમાં આવેલી હીરાની 600 ઓફિસો કાર્યરત થઇ રહી છે. આમ હોંગકોંગ બાદ બેલ્જિયમનું આ સૌથી મોટુ હિરા માર્કેટ ખુલી જતાં સુરત માટે રાહતના સમાચાર આવ્યાં છે. આ સાથે સુરતની મોટી ડાયમંડ કંપનીઓની જે રફ ડાયમંડની સપ્યા અટકી છે તે શરૂ થઇ જશે. 

સુરતના હીરા ઉદ્યોગને ધમધમતો રાખવામાં બેલ્જિયમના એન્ટવર્પનો સૌથી મોટો ફાળો છે. લોકડાઉનથી આવનારા સમયમાં સુરતથી 3000 કરોડના ડાયમન્ડ હોંગકોંગ એક્સપોર્ટ થશે. જ્યારે બીજી તરફ ચીને પણ જેમ્સ એન્ડ જ્વેલરીનો વેપાર શરૂ કર્યો છે. 

ચીનમાં પણ સુરત અને મુંબઇથી ડાયમન્ડ એક્સપોર્ટ શરૂ થયું છે. સિંગાપોરે 1 જૂન થી ડાયમન્ડ વેપાર શરૂ કરવા મંજૂરી આપી છે. હવે ચીન, સિંગાપોર અને એન્ટવર્પનું બજાર ખુલતા સુરતના હીરા ઉદ્યોગકારોને રાહત મળી છે.