દિલ્હી-ગુરુગ્રામ બોર્ડરની પાસે બુધવારે (20-05-2020) એ સ્થાનીય લોકોએ ગુરુગ્રામ બોર્ડરની નજીક પાલમ વિહારની પાસે હોબાળો મચાવ્યો છે. અહીં એકઠા થયેલા લોકો બોર્ડર પાર કરી ગુરુગ્રામ આવવા માંગતા હતા પરંતુ પોલીસે આ લોકોને બોર્ડર પર રોકી દીધા હતા.
દિલ્હી-ગુરુગ્રામ બોર્ડરની પાસે સ્થાનીય લોકોનો ગુરુગ્રામ બોર્ડરની નજીક પાલમ વિહારની પાસે હોબાળો
મીડિયા રિપોર્ટ્સ મુજબ આ લોકોને રોકવા માટે પોલીસે હળવો બળ પ્રયોગ કર્યો
બોર્ડર પર એકઠા થયેલા લોકો આક્રોશમાં આવી ગયા હતા, અને અચાનલ પોલીસ પર હુમલો બોલી દીધો હતો. આટલુ જ નહીં પોલીસ અને સ્થાનીય લોકોની વચ્ચે મારપીટનો એક વીડિયો પણ સામે આવ્યો છે. અહીં એકઠા થયેલા લોકોએ પોલીસ જવાનો પર પથ્થરમારો કર્યો. બોર્ડરની બીજી તરફ એકઠા થયેલા લોકો પોલીસ પ્રત્યે પોતાનો ગુસ્સો પ્રગટ કરી રહ્યા છે.
કેટલીક મીડિયા રિપોર્ટ્સ મુજબ આ લોકોને રોકવા માટે પોલીસે હળવો બળ પ્રયોગ કર્યો, પરંતુ પોલીસના એમ કરતા જ લોકોએ પોલીસ પર પથ્થરમારો શરૂ કરી દીધો હતો. આ ઉપરાંત લોકો ગુરુગ્રામમાં ઘુસવાની કોશિશ કરી રહ્યા હતા. આ ઘટનામાં કેટલાક પોલીસ કર્મચારીઓના ઘાયલ થયાના સમાચાર મળ્યા છે. આ ઘટનાનો જે વીડિયો સામે આવ્યો છે, તેમાં કેટલીક મહિલાઓ પણ પોલીસ ટીમ પર હુમલો કરતા નજરે પડી રહી છે.
નોંધનીય છે કે કોરોના વાયરસને પગલે હરિયાણાની મનોહર લાલ ખટ્ટર સરકારે દિલ્હી પાસેની પોતાની બોર્ડરને પૂર્ણ રીતે બંધ કરી રાખી છે. હરિયાણા સરકારે સ્પષ્ટ કર્યું છે કે દિલ્હીથી ન તો કોઇ હરિયાણાની સીમાને પાર કરી શકે છે ન હરિયાણાથી કોઇ દિલ્હી જઇ શકે છે.