શહેરમાં કોરોના વાઇરસના કારણે લોકડાઉનનું કડકથી પાલન થઇ રહ્યુ છે જેના કારણે બુટલેગરોની કમર તુટી ગઇ છે. લોકડાઉનના કારણે અન્ય રાજ્યો માંથી દારુ આવતો બંધ થઇ ગયો છે એટલે દારુડીયાઓમાં વિદેશી દારુની જગ્યાએ દેશી દારુની માંગ વધી છે.
અમદાવાદમાં સંપૂર્ણ લોકડાઉન વચ્ચે દારૂનું વેચાણ
લોકડાઉનની વચ્ચે દારૂના વેચાણનો વીડિયો વાયરલ
દિવ્યાંગ વ્યક્તિ દારૂનું કરી રહ્યો છે વેચાણ
શહેરના અનેક વિસ્તારોમાં ઠેર ઠેર દેશી દારુ ખાનગી રીતે વેંચાઇ રહ્યો છે. ગોમતીપુરની વિક્રમ મીલમાં દેશી દારુ વેચાઇ રહ્યો હોય તેવો એક વિડીયો વાયરલ થયો છે જેમાં પોલીસે તપાસ શરુ કરી છે.
ગોમતીપુરમાં રહેતા એક બાતમીદારના જણાવ્યા અનુસાર પઠાણની ચાલીમાં મોહન, ધન્નુ અને બાબુ નામના બુટલેગર રહે છે અને ત્રણેય કાકા ભત્રિજા થાય છે. ઘન્નુ લઠ્ઠાકાંડમાં ઝડપાયો છે ત્યારે બાબુ રાયોટીગના કેસમાં જ્યારે મોહન અંદાજીત 14 વખત પાસામાં જઇને આવ્યો છે. બાતમીદારના જણાવ્યા અનુસાર આ ત્રણેય જણા લોકડાઉનમાં પણ દેશી દારુનો ધંધો કરી રહ્યા છે જેનો વિડીયો સોશિયલ મીડીયા પર વાઇરલ થયો છે.
ત્રણેય બુટલેગરનો એક કર્મચારી છે જે દિવ્યાંગ છે અને તેનુ નામ બાલીયો છે તે વિક્રમમીલ કમ્પાઉન્ડમાં દેશી દારુનુ વેચાણ કરી રહ્યો છે. સુત્રોના જણાવ્યા અનુસાર આ બુટલેગરો દિવસે વિક્રમમીલમાં રાત્રે પઠાણીની ચાલીમાં અને સવારે મહાવીર હોટલની સામે દારુનોં ધંધો કરે છે.
પોલીસને અંધારામાં રાખીને આ ત્રણેય જણા ધંધો કરી રહ્યા છે. પોલીસને આ મામલે જાણ થતાની સાથે તપાસનો ધમધમાટ શરુ કરી દીધો છે. વિડીયોના આધારે ગોમતીપુર પોલીસ તપાસ શરુ કરી છે.