એંધાણ / ક્યાંક કર્ફ્યૂ, ક્યાંક સ્કૂલો બંધ, દિલ્હીમાં કડક વલણ, શું ફરીથી લાગી રહ્યો છે લોકડાઉનનો રિવર્સ ગિયર?

• દિલ્હીમાં માસ્ક નહીં પહેરવા પર ભારે દંડ
• અમદાવાદમાં 57 કલાક કર્ફ્યૂ લાગૂ
• હરિયાણા, ઉત્તરાખંડ, મિઝોરમ, હિમાચલ પ્રદેશમાં સ્કૂલો બંધ

અમદાવાદમાં 57 કલાક કર્ફ્યૂ લાગૂ

અમદાવાદ શહેરમાં શુક્રવાર રાતથી 21 નવેમ્બર શનિવાર અને 22 નવેમ્બર રવિવારે સુધી સંપૂર્ણ કર્ફ્યુ રહેશે. આવતીકાલે રાત્રે 9 વાગ્યાથી સોમવાર સવાર 6  સુધી સંપૂર્ણ બંધ રહેશે.  57 કલાક સુધી અમદાવાદ શહેરમાં સતત કર્ફ્યુ રહેશે. દૂધ અને દવા સિવાયની તમામ દુકાનો બંધ રહેશે. અતિ આવશ્યક સેવાઓ જ ચાલુ રહેશે. રાજીવ ગુપ્તાએ ટ્વિટ કરીને લખ્યું કે, મોડીરાત્રે કોરોના પરિસ્થિતિની સમીક્ષા કરવામાં આવી હતી. આ બેઠક બાદ એવું નક્કી કરવામાં આવ્યું છે કે આવતીકાલે રાત્રે 9 વાગ્યાથી સોમવારે સવારે 6 વાગ્યે સુધી અમદાવાદ શહેરમાં 'સંપૂર્ણ કરફ્યુ' લગાવવામાં આવશે. આ સમયગાળા દરમિયાન માત્ર દૂધ અને દવાઓ વેચતી દુકાનોને જ ખુલ્લી રાખવાની મંજૂરી આપવામાં આવશે. તેમજ  રાજ્ય સરકારે 23 નવેમ્બરે માધ્યમિક સ્કૂલો અને કોલેજો ખોલવાના પોતાના નિર્ણય પર પ્રતિબંધ મુક્યો છે.

દિલ્હીમાં માસ્ક નહીં પહેરવા પર ભારે દંડ

દિલ્હીમાં કોરોના બોમ વિસ્ફોટ બાદ સરકાર કડકાયીથી વર્તી રહી છે. સાર્વજનિક સ્થળો પર માસ્ક ન પહેરનારાઓ પાસે 2 હજારનો દંડ વસૂલવાની જાહેરાત કરાઈ છે.  અત્યાર સુધી 500 નો દંડ વસૂલાતો હતો. આ ઉપરાંત રાજ્ય સરકારે કેન્દ્ર પાસે સ્થાનીય સ્તર પર બજારોમાં લોકડાઉનની પરવાનગી માંગી છે.  જોકે કેજરીવાલે સ્પષ્ટ કર્યુ છે કે આમાં આખી દિલ્હીમાં લોકડાઉન  કરવાનો ઈરાદો નથી. લગ્નમાં મહેમાનોની સંખ્યાં 500થી ઘટાડી 200 કરી નાંખી છે.

સ્કૂલો ખુલી પણ પાછી બંધ કરવી પડી

કેન્દ્ર સરકારે અનલોક હેઠળ પહેલા 9થી 12માં ધોરણ બાદમાં તમામ સ્કૂલો ખોલવાની પરવાનગી આપી હતી. કોલેજો અને યૂનિવર્સીટીને પણ પરવાનગી આપી છે. ત્યારે કેટલાક રાજ્યો અને કેન્દ્રશાસિત પ્રદેશોમાં સ્કૂલો ખોલવામાં આવ્યા. જોકે કોરોનાના કેસ વધતા પાછા બંધ કરવામાં આવ્યા હતા. જેમાં  હરિયાણા, ઉત્તરાખંડ, મિઝોરમ, હિમાચલ પ્રદેશ જેવા રાજ્યોનો સામિલ છે. ગુજરાતે સ્કૂલો ખોલવાનો નિર્ણય મોકુફ રાખ્યો છે.

ભોપાલમાં માસ્ક લગાવવા પર જ દુકાનદાર સામાન આપશે

મધ્ય પ્રદેશની રાજધાની ભોપાલમાં ફરી કોરોનાગ્રસ્તની સંખ્યામાં વધારો થયો છે. પ્રશાસને દુકાનદારોને એ જ ગ્રાહકોને સામાન વેચવાના નિર્દેશ આપ્યા છે જેમણે માસ્ક પહેર્યુ હોય. રાજ્યના અન્ય ભાગોની સાથે ભોપાલમાં પણ કેસ ઘટતા લોકો બેદરકાર થઈ જતા સ્થિતિ વણસી હતી. હવે માસ્ક ન પહેરનારાઓ પાસે દંડ વસૂલવામાં આવે છે

નાના નાના વિસ્તારોમાં સખ્તાઈ વર્તવામાં આવી રહી છે

કેન્દ્રએ છુટ આપવા છતાં મહારાષ્ટ્ર સરકારે 30 નવેમ્બર સુધી લોકડાઉન વધ્યું હતુ. એટલે કે અહીં અન્ય રાજ્યોની જેમ અનલોકિંગ નથી થયુ. પણ જે જરુરી અને સામાન્ય પ્રવૃત્તિઓની છુટ આપવામાં આવી છે. માઈક્રો કન્ટેનમેન્ટ ઝોનમાં કડકાઈ વર્તવામાં આવી રહી છે. આ રીત સમગ્ર દેશમાં અપનાવવામાં આવી રહી છે. જ્યાં નવા કેસ આવી રહ્યા છે તેના 50 મીટરના દાયરામાં આઈસોલેશનનો પ્રયાસ થઈ રહ્યો છે. ઘરે ઘરનું અવલોકન  કરવા અભિયાન ચલાવાઈ રહ્યું  છે.