લૉકડાઉન વચ્ચે મધ્ય પ્રદેશના બૈતૂલમાં એક હ્રદયનો ધબકાર ચૂકવી દેતી ઘટના પ્રકાશમાં આવી છે. અહીં ફોરેસ્ટ ડિપ્યુટી રેન્જરે 71 વર્ષના વૃધ્ધને ઉઠક-બેઠક કરવાની સજા ફટકારી હતી.
મધ્યપ્રદેશમાં લૉકડાઉન વચ્ચે બની શરમજનક ઘટના
71 વર્ષના વૃદ્ધ પાસે ફોરેસ્ટરે કરાવી ઉઠક બેઠક
ઘટનાનો વીડિયો વાયરલ
આ વૃદ્ધનો ગુનો માત્ર એટલો હતો કે તેમણે લૉકડાઉનનું ઉલ્લંઘન કરતા શાકભાજીની દુકાન મોડી સાંજ સુધી ખુલ્લી રાખી હતી. ઉલ્લેખનીય છે કે, લૉકડાઉનના નિમયનું ઉલ્લંઘન કરનાર કોઇપણ વ્યક્તિને આ પ્રકારની સજા આપવી એ કોઇપણ ફોરેસ્ટ ડેપ્યુટી રેન્જરની પાસે નથી.
સોશિયલ મીડિયામાં વાયરલ થયો વીડિયો
જે વૃદ્ધ યોગ્ય રીતે ચાલી નથી શકતા તેમની સાથે આ પ્રકારનો અમાનવીય વ્યવહાર કરવામાં આવ્યો હતો. વૃદ્ધની ઉઠક બેઠક કરતી તસવીર અને વીડિયો સોશિયલ મીડિયામાં ખૂબ જ વાયરલ થઇ રહ્યા છે. આ સાથે જ જોનારા લોકો ઉઠક-બેઠક કરાવનારા ફોરેસ્ટર પર ફિટકાર વરસાવી રહ્યા છે.
71 વર્ષીય વડીલની એક જ ભૂલ હતી કે તેણે પોતાનું લાલન પાલન કરવા માટે શાકભાજીની દુકાન ખોલી હતી. ખાસ કરીને રવિવારે અઠવાડિક બજાર લાગે છે, જેમાં તે વૃદ્ધે મોડી સાંજ સુધી દુકાન ખુલી રાખી હતી. ફોરેસ્ટ ડેપ્યુટી રેન્જરે આ ઘટનાને લઇને વૃદ્ધને સજા ફટકારી હતી. નોંધનીય છે કે, લૉકડાઉનના સમયમાં દુકાન ખોલવાનો સમય સવારે 7 વાગ્યાથી 11 વાગ્યા સુધીનો છે. પરંતુ આ વૃદ્ધે સાંજે 5 વાગ્યા સુધી દુકાન ખુલ્લી રાખી હતી.