લૉકડાઉન / બોર્ડર અને રસ્તા સીલ થતાં મજૂરોએ વતન પહોંચવા માટે જે રસ્તો અપનાવ્યો તે જાણીને પોલીસ પણ ચોંકી

• લોકડાઉન વચ્ચે પરપ્રાંતિય લોકોએ વતનમાં પહોંચવા કર્યા મરણિયા પ્રયાસ
• નદી પાર કરીને પહોંચ્યા વતન

પ્રાપ્ત થતી જાણકારી પ્રમાણે, આ તમામ લોકો પાણીપતની શાક માર્કેટમાં કામ કરે છે. તેમનું કહેવું છે કે, જ્યારે તેમના માલિકે ભોજન આપવાનું બંધ કર્યું તો મજબૂર થઇને લોકોએ પોતાના ઘર તરફની વાટ પકડી હતી. 

પાણીપતથી લગભગ 750 કિલોમીટર દૂર કૌશાંબી જઇ રહ્યા હતા

આ તમામ પાણીપતથી લગભગ 750 કિલોમીટર દૂર કૌશાંબી જઇ રહ્યા હતા. યમૂના પાર કરીને તમામ શામલી જિલ્લામાં પહોંચી ગયા જો કે, શામલીના ગંગેરૂ ગામના લોકોઓ તેમને જોયા તો સ્થાનિકોએ પોલીસને જાણ કરી હતી. 

શામલીમાં સતત હરિયાણાથી આવવાના પ્રયાસ કરી રહ્યા છે મજૂર

ગુરુવારે પણ, લગભગ 15 મજૂરોએ યુપીના શામલી જિલ્લામાં આવવા માટે હરિયાણાના કુંજપુરા વિસ્તારમાં યમુનાને પાર કરવાનો પ્રયાસ કર્યો હતો, પરંતુ પોલીસે તેમને પાછા મોકલી દીધા હતા. આ કામદારોની જેમ હરિયાણામાં ફસાયેલા સેંકડો મજૂરો નદી પાર કરીને યુપીમાં પ્રવેશવાનો પ્રયાસ કરી રહ્યા છે, જેનાથી પોલીસની ચિંતા વધી ગઈ છે. બોર્ડર સીલ કર્યા પછી અને રસ્તાઓ પર બેરિકેડ લગાવ્યા બાદ હવે પોલીસે નદીની પણ સુરક્ષા કરવી પડશે.

ગામવાળાએ 200-300 રૂપિયા લઇને કામદારને આપી ટ્યૂબ

શામલી અને બાગપત જિલ્લાની સીમા પર યમુના નદી ઉત્તર પ્રદેશ અને હરિયાણાને અલગ કરે છે. એપ્રિલના પહેલા અઠવાડિયામાં પોલીસે કેટલાય લોકોની ધરપકડ કરી હતી. જે ટ્યૂબના સહારે યમુના નદી પાર કરવાની કોશિશ કરી રહ્યા હતા. ગ્રામજનોએ એક-એક વ્યક્તિથી 200થી 300 રૂપિયા લઇને ટ્યૂબ આપી હતી.