લોકડાઉન / વડોદરા તંત્રએ બહાર પાડ્યું જાહેરનામું, કન્ટેનમેન્ટ ઝોન સિવાયના વિસ્તારોમાં ઓડ-ઇવનથી ખુલશે દુકાન

• વડોદરા મ્યુનિસિપલ કમિશનર અને પોલીસ કમિશરનનું જાહેરનામું
• શહેર ના 90 વિસ્તાર ને કન્ટેનમેન્ટ ઝોન જાહેર કર્યા
• કન્ટેન્મેન્ટ ઝોન સિવાય ના વિસ્તારોમા ઓડ-ઇવન થી દુકાનો ખુલશે

વડોદરા મ્યુનિસિપલ કમિશનર અને પોલીસ કમિશનરે જાહેરનામું બહાર પાડ્યું છે. જેમાં વડોદરાના 90 વિસ્તારને કન્ટેનમેન્ટ ઝોન જાહેર કર્યા છે. કન્ટેનમેન્ટ ઝોન સિવાયના વિસ્તારોમાં ઓડ-ઇવનથી દુકાનો ખુલશે. શહેરમાં સવારે 8થી સાંજે ચાર વાગ્યા સુધી દુકાનો ખુલ્લી રાખી શકાશે.

વડોદરા શહેરમાં ગુમાસ્તાધારાના લાયસન્સ નંબરના છેલ્લા આંકના આધારે દુકાનો ખુલશે. લાયસન્સનો છેલ્લો આંક બેકી હશે તો મંગળ, ગુરૂ અને શનિવારના દિવસે દુકાન ખુલશે. અને છેલ્લો આંક બેકી હશે તો સોમ બુધ અને શુક્રવારે દુકાન ખુલી શકશે.

શહેરમાં વેપારીઓએ દુકાનમાં સોશિયલ ડિસ્ટન્સ જાળવવાની વ્યવસ્થા કરવી. અને શરતોને આધીન તમામ ઉધોગોને મંજુરી આપવામાં આવી છે. જો કે વડોદરા શહેરમાં સિટીબસને મંજૂરી આપવામાં આવી નથી.

વડોદરામાં આજથી ST બસ વ્યવહાર નહીં થાય શરૂ 

વડોદરા શહેરમાં સીટી બસ સાથે આજથી હજુ ST બસ વ્યવાહર પણ શરૂ નહીં થાય. ST બસ શરૂ કરવામા માટેની કામગીરી શરૂ કરવામાં આવી છે જે આજરોજ બપોર સુધીમાં પુરી થાય તેવી શક્યતા છે. જો કે કામગીરી પુરી થયા બાદ આયોજન અંગે અમદાવાદ હેડ ઓફિસ ખાતે કામગીરીની સમીક્ષા મોકલવામાં આવશે. હેડ ઓફિસની મંજૂરી બાદ આવતી કાલથી વડોદરા ડિવિઝનમાં ST બસ વ્યવસ્થા શરૂ કરવામાં આવશે.