હૈદરાબાદ કેસ / હૈદરાબાદ રૅપ કેસના હેવાનોને પોલીસ સ્ટેશન લાવ્યાની જાણ થતાં સ્થાનિકોનો આક્રોશ જોઈને દંગ રહી જશો

• હૈદરાબાદ ડોક્ટર પર સામૂહિક બળાત્કાર મામલો
• બળાત્કારીઓને પોલીસ સ્ટેશને લવાયા 
• સ્થાનિકોના ટોળાએ પોલીસ સ્ટેશનનો કર્યો ઘેરાવો 

આ સાથે જ સ્થાનિક લોકોએ પોલીસ સ્ટેશનમાં પ્રવેશવાનો પ્રયાસ શરૂ કર્યો. જો કે, લોકોને ખાતરી આપીને પોલીસ પરત ફરી. શાદનગર શહેરમાં પોલીસ સ્ટેશનની સામે વિરોધ કરી રહેલા લોકો આરોપીઓને ફાંસીની સજાની માંગ કરી રહ્યા હતા.

અમને ન્યાય જોઇને લાગ્યા નારા 

નોંધનીય છે કે, હૈદરાબાદથી 50 કિલોમીટર દૂર આવેલા આ શહેરમાં પોલીસ મથકની સામે 'અમને ન્યાય જોઈએ છે' તેવા સૂત્રોચ્ચાર સાથે સ્થાનિક રહીશોએ એક વિરોધ પ્રદર્શનનું આયોજન કર્યું હતું. જેમાં મહિલાઓ અને વિદ્યાર્થીઓ પણ જોડાયા હતા. તેઓ માંગ કરી રહ્યા હતા કે આરોપીઓને પૂછપરછ કર્યા વિના અને વહેલી તકે સુનાવણી વિના ફાંસી આપવામાં આવે.

#WATCH: Locals hurled slippers on police after police stopped them from entering Shadnagar police station, where the accused in rape&murder case of the woman veterinary doctor, were lodged earlier today. Accused have been shifted to Chanchalguda Central Jail. #Telangana pic.twitter.com/f8nV4yLiw3

— ANI (@ANI) November 30, 2019

પોલીસકર્મીઓ પર ફેંકાયા ચપ્પલ 

દરમિયાન કેટલાક પ્રદર્શન કરતા લોકોને શાદનગર પોલીસ સ્ટેશનની અંદર જતાં પોલીસે તેમને અટકાવ્યા ત્યારે કેટલાક વિરોધીઓએ પોલીસકર્મીઓ પર ચપ્પલ ફેંકી હતી. આરોપીઓને ચંચલગુડા સેન્ટ્રલ જેલમાં ખસેડવામાં આવ્યા છે. 

શું બની હતી ઘટના 

પોલીસ તપાસમાં એવું બહાર આવ્યું છે કે આ જઘન્ય હત્યાના એક આરોપી મોહંમદ આરિફે હેવાનિયત દરમિયાન પીડિતાનું મોં દબાવી રાખ્યું હતું જેથી તેની ચીસો કોઇ સાંભળી ન શકે. પીડિતા યુવતી સતત તડપતી રહી હતી અને હેવાનો તેના પર સતત દુષ્કર્મ કરતા રહ્યા હતા.

#WATCH: Police lathicharged on locals who hurled slippers on police outside Shadnagar police station, where the accused in rape&murder case of the woman veterinary doctor were lodged earlier today. Accused have been shifted to Chanchalguda Central Jail. #Telangana pic.twitter.com/qXOc0SVOyS

— ANI (@ANI) November 30, 2019

શ્વાસ ન લઇ શકવાના કારણે હૈદરાબાદની આ નિર્ભયાનું મોત થયું હતું. પોલીસે જણાવ્યું હતું કે આરોપીઓને સાજિશ હેઠળ આ યુવતીના સ્કૂટીની હવા કાઢી નાખી હતી જેથી તેઓ મહિલા ડોકટરને પોતાની જાળમાં ફસાવીને હેવાનિયતને અંજામ આપી શકે. ધરપકડ કરાયેલા આરોપીઓમાં મોહંમદ આરિફ ઉપરાંત અન્ય આરોપીઓની નવીન, ચિંતાકુંતા કેશાવુલુ અને શિવા તરીકે ઓળખ થઇ છે.

હેવાનિયતની આ ઘટના અંગે પોલીસના જણાવ્યા અનુસાર ગેંગરેપ બાદ આરોપીઓ મહિલા ડોકટરની લાશને એક ટ્રક પર મૂકીને હાઇવે પર આગળ લઇ ગયા હતા અને એક પેટ્રોલ પમ્પથી પેટ્રોલ અને ડીઝલ ખરીદીને લાશને સળગાવી દીધી હતી. આરોપીઓએ ત્યાર બાદ એક સુમસામ જગ્યાએ મહિલા ડોકટરની અડધી સળગી ગયેલી લાશને ફેંકી દીધી હતી. પોલીસે સીસીટીવીની મદદથી આરોપીઓની ધરપકડ કરી લીધી છે.