કોંગ્રેસે પોતાના સિનિયર નેતા તામ્રધ્વજ સાહુને ગુજરાતમાં મહત્વની જવાબદારી સોંપી છે.
કોંગ્રેસના સિનિયર નેતા તામ્રધ્વજ સાહુ આવશે ગુજરાત
સ્થાનિક સ્વરાજની ચૂંટણીને લઈ સોંપાઈ મહત્વની જવાબદારી
છત્તીસગઢમાં ગૃહ રાજ્યપ્રધાન તરીકેની જવાબદારી સંભાળે છે સાહુ
ગુજરાતમાં સ્થાનિક સ્વરાજની ચૂંટણી જાહેર થયા બાદ ભાજપ, કોંગ્રેસ, AAP અને MIM પાર્ટીઓ સક્રિય બની ચૂકી છે. તો કોંગ્રેસ પાર્ટીના કેન્દ્રીય નેતૃત્વ દ્વારા પણ ગુજરાતની સ્થાનિક સ્વરાજ ચૂંટણીમાં પૂરતુ ધ્યાન રાખવામાં આવી રહ્યું છે. કોંગ્રેસે પોતાના સિનિયર નેતા તામ્રધ્વજ સાહુને ગુજરાતમાં મહત્વની જવાબદારી સોંપી છે.
કોંગ્રેસના સિનિયર નેતા તામ્રધ્વજ સાહુને ગુજરાતમાં સ્થાનિક સ્વરાજની ચૂંટણીમાં કોંગ્રેસના ઓબ્ઝર્વરની જવાબદારી સોંપાઈ છે. ગુજરાત કોંગ્રેસના ઓબ્ઝર્વરની જવાબદારી મળ્યા બાદ તામ્રધ્વજ સાહુએ ટ્વિટ કરતા કહ્યું કે, ગુજરાત કોંગ્રેસના નેતાઓ સાથે મળી સ્થાનિક સ્વરાજની ચૂંટણી જીતીશું. ઉલ્લેખનિય છે કે તામ્રધ્વજ સાહુ છત્તીસગઢ સરકારમાં ગૃહ રાજ્યપ્રધાન તરીકેની જવાબદારી સંભાળે છે.