સુરત / મહામારી વચ્ચે મતદાન : ઢોલ નગારા સાથે મતદાતાઓ પહોંચ્યા મતદાન કેન્દ્ર પર, ઉત્સાહ પૂર્વક યોજાયું મતદાન

• આજે સુરત મહાનગર પાલિકાની ચૂંટણી
• સવારે 7 વાગ્યે શરૂ થશે મતદાન
• 30 વોર્ડમાં 120 કોર્પોરેટરો માટે આજે ચૂંટણી

સુરત કોર્પોરેશનની ચૂંટણી માટે મતદાન 

લગ્ન પહેલા દુલ્હન મતદાન કરવા પહોંચી હતી.  દુલ્હને કહ્યુ હતુ કે, પહેલા મતદાન અને પછી સપ્તપદીના સાતફેરા. દુલ્હન નિધી ગેલાણી મતદાન કર્યું હતુ અને  મતદાન કર્યા બાદ ફેરા ફર્યા હતા. પુણા ગામ વોર્ડ નં.16 માં નિધીએ મતદાન કર્યું હતુ. 

સુરતીઓએ લોકશાહીનું પર્વ અનોખી રીતે ઉજવ્યું હતુ. 

સુરત મહાનગરપાલિકાના મતદાર વોર્ડ નંબર 13માં ઢોલ નગારા સાથે પહોંચ્યા હતા અને ઢોલ નગારા વગાડી લોકોને મત આપવા અપીલ કરી હતી. 

પોલીસની હાજરીમાં કહ્યું ખેસ નહી ઉતારું

સુરતના પૂર્વ કોર્પોરેટર દિનેશ કાછડીયાનો કથીત વીડિયો વાયરલ થયો હતો જેમાં તેઓ મતદાન મથક નજીક કોંગ્રેસ ખેસ પહેરી આવ્યા હતા જેને પગલે જાગૃત નાગરિકો દ્વારા આચારસંહિતાના ઉલ્લંઘનની ફરિયાદ થઈ હતી. દિનેશ કાછડીયાએ પોલીસની હાજરીમાં કહ્યું ખેસ નહી ઉતારું. પોલીસ દ્વારા કહેવા છતાં ખેસ ન હતો ઉતાર્યો.  દિનેશ કાછડીયા કોંગ્રેસના પૂર્વ કોર્પોરેટર છે. 

સુરતીઓએ ઢોલ નગારા સાથે ઉજવ્યું લોકશાહીનું પર્વ

સુરતીઓએ અનોખી રીતે ઉજવ્યું લોકશાહીના પર્વની ઉજવણી કરી હતી. વોર્ડ નંબર 13માં ઢોલ નગારા સાથે મતદારો મતદાન કરવા પહોંચ્યા હતા અને ઢોલ નગારા વગાડી લોકોને મત આપવા અપીલ પણ કરવામાં આવી હતી.

સાંસદ દર્શના જરદોશે કર્યું મતદાન

સુરત મહાપાલિકાની ચૂંટણીમાં સાંસદ દર્શના જરદોશે એન.જી.ઝવેરી જૈન શાળામાં મતદાન કર્યુ હતું અને ભાજપની જીતનો વિશ્વાસ વ્યકત કર્યો હતો.

ભાજપ પ્રદેશ પ્રમુખ C R પાટીલે કર્યુ મતદાન

9 વાગ્યા સુધીનું મતદાન

રાજ્ય આરોગ્ય મંત્રી કુમાર કાનાણી પણ મતદાન કર્યુ હતુ. પોતાના પરિવાર સાથે એ.કે રોડ પટેલનગર વિસ્તારમાં આવેલ નગર પ્રાથમિક શાળામાં મતદાન કર્યું હતુ. 
 
 

સાંઘાઈને બદલે વુહાન બનાવી દીધુ

કોંગ્રેસમાં પૂર્વ કોર્પોરેટર અને ઉમેદવારોએ મતદાન કર્યું છે. સુરતને સંઘાઈ અને સિંગાપુર બનાવવાની વાત હતી પણ સુરતને ભાજપના શાસનમાં વુહાન બનાવી દીધુ છે. ભાજપના શાસન માં ભ્રષ્ટાચાર નો વિકાસ થયો છે. નેતાઓ અને તેમના પરિવારોનો વિકાસ થયો છે. કોંગ્રેસ જ સ્થાનિક પ્રશ્નનો વાચા આપી શકે છે. 

સુરતમાં ભાજપ, કોંગ્રેસ, AAP અને અન્ય પક્ષો મેદામાં છે. 30 વોર્ડ માટે 484 ઉમેદવારોના ભાવિ EVMમાં સીલ થશે. સુરતમાં 3185 મતદાન મથકો પર મતદાન થઈ રહ્યુ છે. 

• 32 લાખ 88 હજાર 352 મતદાતાઓ
• મતદાન મથક દીઠ સરેરાશ 1032 મતદાતાઓ
• 30 વોર્ડમાં 15 જેટલા રિટનીંગ ઓફિસર બજાવશે ફરજ

તમામ મતદાન મથકો ઉપર કોવિડ ગાઇડલાઇનનું કરાવાશે પાલન

• તમામ મતદાન મથકે થર્મલ ગનથી ટેમ્પ્રેચર કરાશે ચેક
• મતદાન મથક પર માસ્ક અને સેનટાઇઝરની વ્યવસ્થા
• પોલીસના ચુસ્ત બંદોબસ્ત વચ્ચે યોજાશે મતદાન
• મનપા ચૂંટણીને લઈને સુરત પોલીસનો બંદોબસ્ત
   

ચૂંટણીને લઈને શહેરમાં ચુસ્ત પોલીસ બંદોબસ્ત

સુરત શહેરમાં 3 એડી.સીપી, 8 DCPનો બંદોબસ્ત
સુરતમાં 20 ACP, 59 PI નો ચૂસ્ત બંદોબસ્ત
શહેરમાં 4500 પોલીસ કર્મી ચૂંટણીમાં ફરજ પર 
3841 હોમગાર્ડ, 5 SRPF કંપની તૈનાત
સુરતમાં 2 પેરા મિલિટરી કંપની રહેશે તૈનાત