તારક મહેતા કા ઉલ્ટા ચશ્માના આ કલાકારે પણ અમદાવદ મહાનગર પાલિકામાં મતદાન કર્યુ હતુ.
અમદાવાદમાં કલાકાર મયુર વાકાણીએ કર્યું મતદાન
પત્ની સાથે મયુર વાકાણીએ કર્યુ મતદાન
મયુર વાકાણીએ લોકોને મતદાન કરવા કરી અપીલ
ગુજરાતમાં 12 વાગ્યા સુધી ક્યાં કેટલું મતદાન :
અમદાવાદ, સુરતમાં 18% અને વડોદરા, જામનગરમાં 19% જ્યારે રાજકોટમાં 17% અને ભાવનગરમાં 20% મતદાન થયું
તારક મહેતા ઉલ્ટા ચશ્માંના કલાકાર મયુર વાકાણીએ મતદાન કર્યું હતુ.
શું કહ્યું મયુર વાકાણીએ?
મયુર વાકાણીએ તમામને મતદાનની અપીલ કરી હતી. મયુરે પોતાની પત્ની સાથે મતદાન કર્યુ હતુ. તેણે જણાવ્યું હતુ કે, વ્યસ્ત શિડયુલમાં લોકોએ થોડોક સમય કાઢીને મતદાન ચોક્કસથી કરવું જોઈએ.
તારક મહેતામાં ભજવે છે આ કિરદાર
મયુર વાકાણી તારક મહેતા કા ઉલ્ટા ચશ્મામાં સુંદરનું પ્રખ્યા કેરેક્ટર ભજવે છે જેમાં તે દયા ભાભીનો ભાઈ અને જેઠાલાલના અમદાવાદી સાળાનું પાત્ર ભજવી ઘર ઘરમાં જાણીતો બન્યો છે.
89 વર્ષની જૈફ વયે પણ મતદાન માટે પહોંચ્યા
ગુજરાતની મહાપાલિકાની ચૂંટણીમાં મતદાનને લઈને લોકોમાં ઉત્સાહ જોવા મળી રહ્યો છે. અમદાવાદમાં વૃદ્ધ દંપતિ વહેલી સવારે મતદાન માટે પહોંચ્યા હતા. 89 વર્ષના અંબાલાલ જાદવ અને તેમના પત્ની નિર્મલા જાદવે મતદાન કર્યુ હતું. પત્ની નિર્મલા જાદવ ટેકા વગર નથી ચાલી શકતા છતાં યુવાનોને મતદાન કરવા આ વૃદ્ધ દંપત્તિએ અપીલ કરી હતી.
મતદારો કોવિડ ગાઈડલાઈન મુજબ કરી રહ્યા છે મતદાન
અમદાવાદ મહાનગરપાલિકામાં ચૂંટણીનો જંગ : પૂર્વ વિસ્તારમાં જામ્યો મતદાનનો માહોલ, મતદારો કોવિડ ગાઈડલાઈન મુજબ કરી રહ્યા છે મતદાન, મતદાન મથકો પર લાગી કતાર
સ્વશાસનનો મહાઅવસર
અમદાવાદ મહાપાલિકાની ચૂંટણી માટે મતદાનની વચ્ચે વહેલી સવારથી જ નેતાઓ પહોંચ્યા મતદાન કરવા સામે આવી રહ્યા છે. રાકેશ શાહ અને જૈનિક વકીલે મતદાન કર્યું છે.
કોંગ્રેસ પ્રવક્તા મનીષ દોશીએ કર્યુ મતદાન
કોંગ્રેસ પ્રવક્તા મનીષ દોશીએ મતદાન કર્યા બાદ કોંગ્રેસની જીતનો વિશ્વાસ વ્યક્ત કર્યો હતો
ઉર્જા મંત્રી સૌરભ પટેલે કર્યુ મતદાન
સ્થાનિક સ્વરાજની ચૂંટણીનો જંગ આજે જામ્યો છે ત્યારે ઉર્જા મંત્રી સૌરભ પટેલે અમદાવાદમાં મતદાન કર્યું છે.
કોરોનાકાળ વચ્ચે પણ મતદારોમાં ઉત્સાહ
અમદાવાદમાં મહાપાલિકાની ચૂંટણી માટે મતદાનની શરૂઆત થઈ ગઈ છે અને પશ્ચિમ વિસ્તારમાં વહેલી સવારે મતદારો પહોંચ્યા મતદાન કરવા માટે પહોંચ્યા છે. મતદાન શરૂ થતા પહેલા જ પહોંચી મતદારો ગયા હતા અને કોરોનાકાળ વચ્ચે પણ મતદારોમાં ઉત્સાહ જોવા મળી રહ્યો છે.
ગુજરાતની 6 મહાપાલિકાની આજે ચૂંટણી થઈ રહી છે જેમાં અમદાવાદના 48 વોર્ડ માટે 4 હજાર 550 મતદાન મથક ફાળવવામાં આવ્યા છે. અમદાવાદ મહાપાલિકામાં 23 લાખ 71 હજાર 60 પુરૂષ મતદાતા છે જ્યારે 21 લાખ 70 હજાર 141 સ્ત્રી મતદાતા છે. મતદાન શરૂ કરતા પહેલા મોક પોલ પણ કરાયો હતો. આજે સવારે 7 વાગ્યાથી સાંજે 6 વાગ્યા સુધી મતદાન ચાલશે
અમદાવાદ મહાનગરપાલિકાનો ચિતાર
રાજ્યની સૌથી મોટી મહાનગરપાલિકામાં આજે મતદાન
અમદાવાદના 48 વોર્ડની 191 બેઠકો માટે શહેરીજનો કરશે મતદાન