સ્થાનિક સ્વરાજ્યની ચૂંટણીને લઇને વડોદરામાં ઉમેદવારની પસંદગીને લઇને ભાજપ-કોંગ્રેસમાં અસમંજસ જોવા મળી રહ્યું છે.
ઉમેદવાર પસંદગીને લઈને વડોદરા કોગ્રેસની બેઠક
વડોદરા ભાજપમાં જૂથબંધી આવી સામે
વડોદરાના ઉમેદવાર પસંદગી માટે આજે બેઠક
વડદોરા ખાતે સ્થાનિક સ્વરાજ્યની ચૂંટણીને લઇને હજુ પણ બાકી રહેલા ઉમેદવારની પસંદગીને લઇને ભાજપ-કોંગ્રેસમાં અસમંજસ ભરેલી સ્થિતિ જોવા મળી રહી છે.
ઉમેદવાર પસંદગીને લઈને વડોદરા કોગ્રેસની બેઠક
વડોદરા માટે ઉમેદવાર પસંદગીને લઇને કોંગ્રેસની આજે મહત્વની બેઠક મળવાની છે. જેમાં જાહેર કરવાના બાકી 5 રનિંગ કોર્પોરેટરોનું સસ્પેન્સ ખુલશે. ચિરાગ ઝવેરીની રાજકીય કારકિર્દી દાવ પર લાગી છે.
જેમાં ચિરાગ ઝવેરી ભાજપમાં જોડાવાની ચર્ચાના કારણે કોંગ્રેસ દ્વારા નમ જાહેર કરવામાં આવ્યું નથી. આ સાતે અમી રાવતનું નામ પણ હજુ સુધી જાહેર થયું નથી.
વડોદરા ભાજપમાં જૂથબંધી આવી સામે
જ્યારે બીજી તરફ વડોદરામાં ભાજપમાં પાર્લામેન્ટરી બોર્ડમાં જૂથબંધી સામે આવી છે. જેમાં પાલિકા કબ્જે કરવા ધારાસભ્યો-સંગઠન સામ-સામે આવ્યાં છે. તમામ ધારાસભ્યો એક થઇ સંગઠન વિરુદ્ધમાં પડ્યાં છે.
જેમાં બોર્ડમાં માનીતાઓને ટિકિટ આપવા રાજકીય દાવપેચ ચાલી રહ્યાં હોવાનું સામે આવી રહ્યું છે. જ્યારે બીજાના નામો કાપવાનો રાજકીય દાવ બોર્ડમાં ખૂલ્યો પડયો છે.
પાર્લામેન્ટરી બોર્ડની બેઠકમાં ત્રણ મહત્વના નિર્ણય
આજરોજ મળેલી ભાજપની પાર્લામેન્ટરી બોર્ડની બેઠકમાં સ્થાનિક સ્વરાજ્યની ચૂંટણીને લઇને ત્રણ મહત્વના નિર્ણય લેવામાં આવ્યાં હતા. જેમાં 60 વર્ષથી વધુ ઉંમરનાને દાવેદારને તક નહીં મળે, ત્રણ ટર્મ પુરી થાય એમને પણ ટિકિટ નહીં મળે, આગેવાનોના સગાને ટિકિટ નહીં મળે.
કયા નેતાઓ પોતાના સંબંધીઓ માગી રહ્યા છે ટિકિટ?
બીજી તરફ નેતાઓ અને પૂર્વ નેતાઓ પોતાના સગા સંબંધીઓ માટે ટિકિટની માગણી કરી રહ્યા છે. મઘુ શ્રીવાસ્તવે પત્ની, પુત્ર અને પુત્રી માટે ટિકિટ માગી છે. તો આ તરફ વડોદરાના MP રંજનબેન ભટ્ટે પોતાના બહેન માટે ભલામણ કરી છે. પન્નાબેન દેસાઇને રિપીટ કરવા માટે ભલામણ કરી છે. ડભોઇના MLA શૈલેષ મહેતાએ પુત્ર ઘ્રુમિલ માટે ટિકિટની માગણી કરી છે.