સ્થાનિક સ્વરાજ્યની ચૂંટણીને લઇને રાજકોટના સરદારધામ ખાતે પાટીદાર મહિલાઓ દ્વારા વિરોધનો સૂર ઉઠ્યો છે.
સ્થાનિક સ્વરાજ્યની ચૂંટણી પહેલા પાટીદાર મહિલાઓનો વિરોધ
રાજકોટ સરદારધામ ખાતે ઉઠ્યો વિરોધનો સૂર
સરદારધામના મહિલા આગેવાન શર્મિલા બાંભણીયાએ કર્યા ટ્વિટ
હાલ ગુજરાતમાં સ્થાનિક સ્વરાજ્યની ચૂંટણીને લઇને રાજકીય માહોલમાં ગરમાવો જોવા મળી રહ્યો છે. સરદારધામના મહિલા આગેવાન શર્મિલા બાંભણીયાએ ટ્વિટ કર્યાં છે.
સરદારધામના મહિલા આગેવાન દ્વારા ટ્વિટ કરી સશક્ત મહિલાઓને ટિકિટ આપવાની માગ કરી છે. જ્યારે આગેવાન-કાર્યકરોના પત્નીને ટિકિટ ન આપવાની માગ કરી છે.
શર્મિલા બાંભણીયાએ મુખ્યમંત્રી વિજય રુપાણી, સી. આર. પાટિલ, અમિત ચાવડા, ગોપાલ ઇટાલીયાએ ટ્વિટ કર્યું. NCPના રેશ્મા પટેલને પણ સંબોધીને ટ્વિટ કર્યું.
ટ્વિટ કરી જણાવામાં આવ્યું કે સમાજમાં સારુ પ્રતિનિધિત્વ માટે સક્ષમ મહિલાને ટિકિટની માગ કરી છે. મહિલાના પતિ જ વહીવટ કરછે જે હવે બદલવાની જરૂર છે.
રાજકોટ સરદારધામ ખાતે પાટીદાર મહિલાઓએ વિરોધ કર્યો છે. મહિલાઓએ પાટીલથી લઈને મોદી સુધીના લોકોને ટ્વીટ કર્યાં છે. આ સાથે જ મહિલાઓનું કહેવું છે કે મહિલા સરપંચ તરીકે કોર્પોરેટરો હોય છે, પણ વહીવટ તો તેમના પતિ જ કરતા હોય છે; આ બદલવાની જરૂર છે.
સ્થાનિક સ્વરાજની ચૂંટણીમાં સશક્ત મહિલાઓના નામ જ ઉમેદવાર તરીકે જાહેર કરવામાં આવે. આગેવાન કે કાર્યકરોની પત્નીને ટિકિટ ન અપાય એવી રાજકીય પાર્ટીના અધ્યક્ષો પાસે માગ કરવામાં આવી છે.