રાજરમત / ગુજરાતમાં પાછી આવી પક્ષપલટાની મૌસમ: ડાંગમાં 70 કોંગી કાર્યકરો ભાજપમાં જોડાયા, મંગળ ગાવિત હજુ ઢચુપચુ

• ડાંગમાં ભાજપ કાર્યાલયનું ઉદ્ઘાટન
• કાર્યક્રમમાં મંગળ ગાવિત રહ્યા હાજર
• મંગળ ગાવિતની હાજરીથી ગરમાયું રાજકારણ

ગુજરાત વિધાનસભા પેટાચૂંટણીની તૈયારીઓ શરૂ કરી દેવાઇ છે. જે અંતર્ગત વઘઇ તાલુકા ભાજપ કાર્યાલય ઉદ્ઘાટન કરવામાં આવ્યું. ત્યારે આ દરમિયાન કોંગ્રેસના પૂર્વ ધારાસભ્ય મંગળ ગાવિત હાજર રહેતા ડાંગનું રાજકારણ ગરમાયું છે.

કોંગ્રેસના 70 કાર્યકરો પણ ભાજપમાં જોડાયા

મંત્રી ગણપત વસાવા દ્વારા ભાજપના કાર્યાલયનું ઉદ્ઘાટન કરવામાં આવ્યું. આ દરમિયાન કોંગ્રેસના 70 કાર્યકરો પણ ભાજપમાં જોડાયા છે. જો કે મંગળ ગાવિત હજુ ભોજપમાં નથી જોડાયા. ત્યારે મંગળ ગાવિતના ભાજપના કાર્યક્રમમાં હાજરીને લઇ રાજકારણ ગરમાયું છે.

મંગળ ગાવિતનું મન ઢચુપચુ

રાજ્યસભાના ઈલેક્શન પહેલા કોંગ્રેસમાંથી રાજીનામું આપનાર પૂર્વ ધારાસભ્ય હજુ વિધિવત ભાજપમાં જોડાયા નથી પરંતુ તે કોંગી કાર્યકરોના ભાજપમાં જોડાવવાના કાર્યક્રમમાં હાજરી આપતા તેમનું મન હજુ ઢચું પચુ હોવાની ચર્ચાએ જોર પકડ્યુ છે.