ગુજરાતમાં એક તરફ કડકડતી ઠંડી પડી રહી છે ત્યારે રાજ્યમાં સ્થાનિક સ્વરાજ્યની ચૂંટણીને લઇને રાજકીય ગરમાવો જોવા મળી રહ્યો છે. ત્યારે હવે ચૂંટણી પંચ દ્વારા 12મી તારીખે મળનારી બેઠકમાં ચૂંટણીને લઇને નિર્ણય લેવામાં આવી શકે છે. સૂત્રોને મળતી માહિતી મુજબ ફેબ્રુઆરીના ત્રીજા અઠવાડીયામાં ચૂંટણી જાહેર થઇ શકે છે.
સ્થાનિક સ્વરાજ્યની ચૂંટણી મુદ્દે સૌથી મોટા સમાચાર
ફેબ્રુઆરીના ત્રીજા સપ્તાહમાં જાહેર થશે ચૂંટણી
18 જાન્યુઆરીએ બપોર બાદ ચૂંટણી જાહેર થઇ શકે છે
ગુજરાતમાં સ્થાનિક સ્વરાજ્યની ચૂંટણીને લઇને સૌથી મોટા સમાચાર મળી રહ્યાં છે. જેમાં 12 જાન્યુઆરીના રોજ યોજાનારી ગુજરાત ચૂંટણીપંચની મહત્વની બેઠકમાં ચૂંટણીની તારીખો નક્કી કરવામાં આવી શકે છે.
સૂત્રોને મળતી માહિતી મુજબ ચૂંટણી પંચ દ્વારા 18 જાન્યુઆરીએ બપોર બાદ ચૂંટણી અંગેના કાર્યક્રમની જાહેરાત કરવામાં આવી શકે છે. હાલમાં ભાજપ અને કોંગ્રેસ દ્વારા સ્થાનિક સ્વરાજયની ચૂંટણીને લઇને કવાયત તેજ કરી દેવામાં આવી છે.
આમ 12 જાન્યુઆરી મળનારી ચૂંટણી પંચની બેઠક બાદ 18મીએ સ્થાનિક સ્વરાજ્યની ચૂંટણીની તારીખ જાહેરાત થઇ શકે છે. ત્યારે સૂત્રોને મળતી માહિતી મુજબ રાજ્યમાં સ્થાનિક સ્વરાજ્યની ચૂંટણી ફેબ્રુઆરીના ત્રીજા અઠવાડિયામાં જાહેર થઇ શકે છે.
હાલ ચૂંટણી પંચ દ્વારા રાજ્યના તમામ વિભાગો પાસેથી ચૂંટણી અધિકારી વિગતો મેળવશે. જો કે રાજ્યમાં ફેબ્રુઆરીના ત્રીજા સપ્તાહમાં મતદાન યોજાશે, જ્યારે આ જ મહીનાના અંત સુધીમાં પરિણામ જાહેર કરવામાં આવી શકે છે.
ભાજપ અને કોંગ્રેસ દ્વારા સ્થાનિક સ્વરાજ્યની ચૂંટણીને લઇને તડામાર તૈયારી
કોરોનાકાળ દરમિયાન ભાજપ અને કોંગ્રેસ બંને પક્ષો દ્વારા હાલ સ્થાનિક સ્વરાજ્યની ચૂંટણીના ભણકારા વચ્ચે એડીચોટીનું જોર લગાવી રહ્યાં છે.
ભાજપ દ્વારા વડોદરામાં મીડિયા તાલીમ શિબિરનું આયોજન
સ્થાનિક સ્વરાજ્યની ચૂંટણીને લઈને ભાજપ દ્વારા વડોદરામાં મીડિયા તાલીમ શિબિરનું આયોજન કરાયું હતું. પ્રદેશ પ્રવક્તા ભરત પંડયા સહિત પ્રદેશના મીડિયા ઇન્ચાર્જની ઉપસ્થિતિમાં સયાજીગંજ સ્થિતમનુભાઈ ટાવર ખાતેના મુખ્ય કાર્યાલય ખાતે એક દિવસનો મીડિયા વર્કશોપ યોજવામાં આવ્યો હતો.
પ્રદેશ ભાજપ સંગઠનનું માળખુ જાહેર
સ્થાનિક સ્વરાજ્યની ચૂંટણી પહેલા પ્રદેશ ભાજપ સંગઠન દ્વારા માળખુ જાહેર કરવામાં આવ્યું છે. જેમાં 7 ઉપ પ્રમુખો, 5 મહામંત્રીઓ, 8 પ્રદેશ મંત્રીઓના નામ જાહેર કરવામાં આવ્યાં છે.