માપદંડ / સ્થાનિક સ્વરાજયની ચૂંટણીને લઈને મહત્વના સમાચાર: ભાજપે ઉમેદવારોની પસંદગીને લઇને લીધો મોટો નિર્ણય

• સ્થાનિક સ્વરાજયની ચૂંટણીને લઈને મહત્વના સમાચાર
• મહાપાલિકાની ચૂંટણીમાં ઉમેદવારની પસંદગીના સામે આવ્યા માપદંડ
• ભાજપમાં 60 વર્ષથી વધુની ઉમરના દાવેદારને નહીં મળે ટિકિટ

સ્થાનિક સ્વરાજયની ચૂંટણીને લઇને મહત્વના સમાચાર સામે આવી રહ્યાં છે. જેમાં મહાપાલિકાની ચૂંટણીમાં ઉમેદવારની પસંદગીને લઇને માપદંડ સામે આવ્યાં છે. 

જેમાં  ભાજપમાં 60 વર્ષથી વધુ ઉંમરના દાવેદારને ટિકિટ નહી આપવાનો નિર્ણય લેવામાં આવ્યો છે. આ સાતે નેતાના પરિવારના સભ્ય કે સગાને ટિકિટ નહીં મળે. આ સાથે 3 ટર્મ પૂરી થઇ હોય તેને પણ પક્ષ ટિકિટ નહીં આપે. 

સૂત્રો પાસેથી મળતી માહિતી મુજબ પૂર્વ મેયર બિજલ પટેલ, અમિત શાહ, ગૌતમ શાહને ટિકિટ આપવામાં આવશે નહીં. અસારવા કોર્પોરેટર બિપિન પટેલની પણ ટિકીટ પણ કપાશે. આ સાથે ખાડીયા વોર્ડના પૂર્વ કોર્પોરેટર મયુર દવેની પણ ટિકિટ કપાશે. 
 

આ લોકોના કપાઇ શકે છે ટિકિટ

એક મળતા અહેવાલ મુજબ ભાજપ દ્વારા પાર્લામેન્ટરી બોર્ડની બેઠકમાં સ્થાનિક સ્વરાજ્યની ચૂંટણીને લઇને ત્રણ મહત્વના નિર્ણય લેવામાં આવ્યાં છે. જેમાં ડે.મેયર દિનેશ મકવાણા, પુષ્પાબેન મિસ્ત્રી, પુલકીત વ્યાસ, દશરથ વાઘેલા, મહેન્દ્ર પટેલ, નયન બ્રહ્મભટ્ટ, મધુબેન પટેલ, નિશાબેન જ્હાની, રમેશ પટેલ, પન્નાબેન રાવ, ઈલાબેન પટેલ, દિલીપ બગરિયા, જયશ્રીબેન પંડ્યા, અજય ભદોરિયા, અરુણા શાહ, રશ્મીકાંત શાહ, કાંતિ પટેલ, કશ્યપ પટેલ, જગદીશ દાંતણિયા, પ્રવિણ પટેલ, બીપીન પટેલ, ક્રિષ્ના ઠાકર, બીપીન સિક્કા, સાધનાબેન જોશી, ચંચળબેન પરમાર, કનુભાઈ ઠાકોર, જેન્તી જાદવ, કુસુમ જોશીની ટીકીટ કપાઇ તેવી શક્યતા છે. 

ભાજપની પાર્લામેન્ટરી બોર્ડની બેઠક મળી

ભાજપ દ્વારા આજરોજ ગાંધીનગર ખાતે પાર્લામેન્ટરી બોર્ડની બેઠક મળી. આ બેઠકમાં વિધાનસભાના અધ્યક્ષ પણ ઉપસ્થિત રહ્યાં હતા. જેમાં અધ્યક્ષ રાજેન્દ્ર ત્રિવેદીની ઉપસ્થિતિમાં અનેક પ્રશ્નો ઉભા થયા. 6 મનપાના ઉમેદવારીની પસંદગીને લઇને મહત્વની બેઠક મળી હતી. 
 

પાર્લામેન્ટરી બોર્ડની બેઠકમાં ત્રણ મહત્વના નિર્ણય

આજરોજ મળેલી ભાજપની પાર્લામેન્ટરી બોર્ડની બેઠકમાં સ્થાનિક સ્વરાજ્યની ચૂંટણીને લઇને ત્રણ મહત્વના નિર્ણય લેવામાં આવ્યાં છે. જેમાં 60 વર્ષથી વધુ ઉંમરનાને દાવેદારને તક નહીં મળે, ત્રણ ટર્મ પુરી થાય એમને પણ ટિકિટ નહીં મળે, આગેવાનોના સગાને ટિકિટ નહીં મળે. 

કોંગ્રેસની પ્રથમ યાદી જાહેર થાય તેવી શક્યતા

સ્થાનિક સ્વાજ્યની ચૂંટણીને લઇને કોંગ્રેસ ઉમેદવારોની પ્રથમ યાદી જાહેર કરશે. ભાજપ પહેલા કોંગ્રેસના ઉમેદવારોની યાદી જાહેર થશે. આજે મોડી રાત સુધીમાં કોંગ્રેસ યાદી જાહેર કરી શકે છે. ઉમેદવારોની પ્રથમ યાદીમાં કોંગ્રેસના 200 ઉમેદવારો સામેલ હશે.