અમદાવાદ LIVE / અમદાવાદમાં ધીમું મતદાન થતાં રાજકીય પાર્ટીઓ મૂંઝવણમાં

LIVE UPDATES : 

અમદાવાદ મહાપાલિકાની ચૂંટણીમાં ઓછું મતદાન : શહેર ભાજપ પ્રભારી આઈ.કે.જાડેજાએ આગેવાનોને દોડતા કર્યા, લોકોની ચૂંટણીબુથ સુધી પહોંચાડવા સોંપી જવાબદારી

અમદાવાદ પશ્ચિમની સરખામણીએ પૂર્વમાં મતદાન માટે ઉત્સાહ : રામોલ-હાથીજણ વોર્ડમાં મતદાન માટે લાગી લાઇનો, મતદાન કરતા મતદાતાઓમાં જોવા મળ્યો ઉત્સાહ

ધારાસભ્ય લાખા ભરવાડે EVM બદલવા કરી માગ

અમદાવાદના લાંભા વોર્ડના EVMમાં ગરબડી આવી સામે : ગ્યાસપુરના બુથ નંબર 3ના EVMમાં ખામી સર્જાઈ, 3 વાર બટન દબાવવા છતાં નથી પડતો મત 

અમદાવાદના મેઘાણીનગરમાં મતદાન બુથમાં માથાકૂટ : સામસામે બોલાચાલી થતા મામલો ગરમાયો, SP સહિતનો પોલીસ કાફલો ઘટનાસ્થળે

અમદાવાદમાં કોરોનાની સાવચેતી સાથે મતદાન બુથ પર મતદાન, મણિનગર મતદાન બુથ પર રખાઈ સેનેટાઇઝ ટનલ, ભીડ ભેગી ન થાય તેની રખાઈ રહી છે સાવચેતી

કોંગ્રેસ ખાલીખમ છે : અલ્પેશ ઠાકોર

ભાજપ નેતા અલ્પેશ ઠાકોરે મતદાન બાદ ભાજપ નેતા અલ્પેશ ઠાકોરે કોંગ્રેસ પર નિશાન સાધ્યું છે, તેમણે કહ્યું કે કોંગ્રેસ ખાલીખમ છે અને ગુજરાત અડીખમ છે

ગુજરાતમાં 12 વાગ્યા સુધી ક્યાં કેટલું મતદાન : અમદાવાદ, સુરતમાં 18% અને વડોદરા, જામનગરમાં 19% જ્યારે રાજકોટમાં 17% અને ભાવનગરમાં 20% મતદાન થયું 

ધીમું પડ્યું મતદાન

ગુજરાતમાં મતદાન કેન્દ્રો પર મતદાતાઓની પાંખી હાજરી : રાજકોટમાં સૌથી વધુ 16% મતદાન, વડોદરા-ભાવનગર-જામનગરમાં 10% જ્યારે અમદાવાદ અને સુરતમાં હજુ 9% મતદાન

 

અમિત શાહ મતદાન કરવા પહોંચ્યા 

અમદાવાદમાં કેન્દ્રીય ગૃહમંત્રી અમિત શાહે નારણપૂરા વોર્ડમાં મતદાન કર્યું હતું. નારણપુરામાં અર્બન હેલ્થ સેન્ટર ખાતે પરિવાર સાથે મતદાન કરવા માટે તેઓ પહોંચ્યા હતા.નોંધનીય છે કે અમિત શાહ આવે તે પહેલા જ ચુસ્ત પોલીસ બંદોબસ્ત ગોઠવી દેવામાં આવ્યો હતો અને મોટી સંખ્યામાં ભાજપ નેતાઑ પોલિંગ બૂથની બહાર એકઠા થયા હતા. 

EVM નો કકળાટ થયો શરુ 

અમદાવાદના વસ્ત્રાલમાં EVMનો કકળાટ : વસ્ત્રાલની માધવ વિદ્યા વિહાર સ્કૂલમાં કોંગ્રેસના ઉમેદવાર આશિષ પટેલે EVM સામે વાંધો ઉઠાવ્યો, ગરબડીની શંકા વ્યકત કરી
ગૃહમંત્રી પ્રદીપસિંહ જાડેજાએ કર્યુ મતદાન 

વસ્ત્રાલમાં માધવ વિધા વિહાર ખાતે પરિવાર સાથે પ્રદીપસિંહ મતદાન કરવા પહોંચ્યા હતા. તેમણે કહ્યું કે 25 વર્ષથી અમદાવાદ કોર્પોરેશનમાં ભાજપનું શાસન છે અને અમદાવાદને ઉત્તમમાંથી સર્વોત્તમ બનાવવાનું છે

ગૃહમંત્રી અમિત શાહ મતદાન કરવા ઘરેથી નિકળશે

કેન્દ્રીય ગૃહમંત્રી અમિત શાહ આજે મહાપાલિકાની ચૂંટણીમાં મતદાન કરવા અમદાવાદ આવશે અને તે માટે નારણપુરા સબ ઝોનલ કચેરીએ ચુસ્ત બંદોબસ્ત કરી દેવામાં આવ્યો છે.

સવારે 9 વાગ્યા સુધી ક્યાં કેટલું મતદાન 

અમદાવાદ, વડોદરા, રાજકોટ અને જામનગરમાં 9% જ્યારે ભાવનગર અને સુરતમાં 8 ટકા મતદાન

ધારાસભ્ય ગ્યાસુદ્દીન શેખે મતદાન કર્યુ

અમદાવાદ મહાપાલિકાની ચૂંટણી માટે મતદાન થઈ રહ્યું છે ત્યારે કોંગ્રેસના ધારાસભ્ય ગ્યાસુદ્દીન શેખે શાહપુર મીલ કમ્પાઉન્ડ સ્થિત વિશ્વભારતી સ્કૂલમાં મતદાન કર્યું હતું. 

અમદાવાદ મહાપાલિકાની ચૂંટણી : લોકશાહીનું પર્વ ઉજવવા મતદારોમાં ઉત્સાહ જોવા મળ્યો, પૂર્વ વિસ્તારમાં મતદારો મોટી સંખ્યામાં મતદાન માટે પહોંચ્યા, વસ્ત્રાલમાં મતદાન માટે લાગી લાઈન

અમદાવાદ મહાપાલિકાની ચૂંટણી : મહેસૂલ મંત્રી કૌશિક પટેલે થલતેજની યુટોપિયા શાળામાં કર્યુ મતદાન

સવારે 8 વાગ્યા સુધી કયા કેટલું મતદાન :

અમદાવાદમાં02%, સુરતમાં 03%, વડોદરામાં 1.5%, રાજકોટમાં 02%, ભાવનગમાં 1.5%, જામનગરમાં 01% મતદાન થયું

AAP અને AIMIMથી ભાજપને નહીં પડે ફેર: સોલંકી

અમદાવાદમાં સાંસદ કિરીટ સોલંકીએ કર્યુ મતદાન : ભાજપના વિજયનો કર્યો વિશ્વાસ વ્યકત કરતાં કહ્યું AAP અને AIMIMથી ભાજપને નહીં પડે ફેર

89 વર્ષની જૈફ વયે પણ મતદાન માટે પહોંચ્યા

ગુજરાતની મહાપાલિકાની ચૂંટણીમાં મતદાનને લઈને લોકોમાં ઉત્સાહ જોવા મળી રહ્યો છે. અમદાવાદમાં વૃદ્ધ દંપતિ વહેલી સવારે મતદાન માટે પહોંચ્યા હતા. 89 વર્ષના અંબાલાલ જાદવ અને તેમના પત્ની નિર્મલા જાદવે મતદાન કર્યુ હતું. પત્ની નિર્મલા જાદવ ટેકા વગર નથી ચાલી શકતા છતાં યુવાનોને મતદાન કરવા આ વૃદ્ધ દંપત્તિએ અપીલ કરી હતી. 

મતદારો કોવિડ ગાઈડલાઈન મુજબ કરી રહ્યા છે મતદાન 

અમદાવાદ મહાનગરપાલિકામાં ચૂંટણીનો જંગ  : પૂર્વ વિસ્તારમાં જામ્યો મતદાનનો માહોલ, મતદારો કોવિડ ગાઈડલાઈન મુજબ કરી રહ્યા છે મતદાન, મતદાન મથકો પર લાગી કતાર

સ્વશાસનનો મહાઅવસર

અમદાવાદ મહાપાલિકાની ચૂંટણી માટે મતદાનની વચ્ચે વહેલી સવારથી જ નેતાઓ પહોંચ્યા મતદાન કરવા સામે આવી રહ્યા છે. રાકેશ શાહ અને જૈનિક વકીલે મતદાન કર્યું છે. 

કોંગ્રેસ પ્રવક્તા મનીષ દોશીએ કર્યુ મતદાન

કોંગ્રેસ પ્રવક્તા મનીષ દોશીએ મતદાન કર્યા બાદ કોંગ્રેસની જીતનો વિશ્વાસ વ્યક્ત કર્યો હતો 

ઉર્જા મંત્રી સૌરભ પટેલે કર્યુ મતદાન

સ્થાનિક સ્વરાજની ચૂંટણીનો જંગ આજે જામ્યો છે ત્યારે ઉર્જા મંત્રી સૌરભ પટેલે અમદાવાદમાં મતદાન કર્યું છે. 

ઉર્જામંત્રી સૌરભ પટેલે અમદાવાદમાં CN વિદ્યાલય ખાતે કર્યું મતદાન#GujaratLocalBodyElections#GujaratElections2021#GujaratMahanagaPalika#LocalBodyElections pic.twitter.com/4sXY8S1Tt5

— VTV Gujarati News and Beyond (@VtvGujarati) February 21, 2021

કોરોનાકાળ વચ્ચે પણ મતદારોમાં ઉત્સાહ

અમદાવાદમાં મહાપાલિકાની ચૂંટણી માટે મતદાનની શરૂઆત થઈ ગઈ છે અને પશ્ચિમ વિસ્તારમાં વહેલી સવારે મતદારો પહોંચ્યા મતદાન કરવા માટે પહોંચ્યા છે. મતદાન શરૂ થતા પહેલા જ પહોંચી મતદારો ગયા હતા અને કોરોનાકાળ વચ્ચે પણ મતદારોમાં ઉત્સાહ જોવા મળી રહ્યો છે. 

ગુજરાતની 6 મહાપાલિકાની આજે ચૂંટણી થઈ રહી છે જેમાં અમદાવાદના 48 વોર્ડ માટે 4 હજાર 550 મતદાન મથક ફાળવવામાં આવ્યા છે. અમદાવાદ મહાપાલિકામાં 23 લાખ 71 હજાર 60 પુરૂષ મતદાતા છે જ્યારે 21 લાખ 70 હજાર 141 સ્ત્રી મતદાતા છે. મતદાન શરૂ કરતા પહેલા મોક પોલ પણ કરાયો હતો. આજે સવારે 7 વાગ્યાથી સાંજે 6 વાગ્યા સુધી મતદાન ચાલશે 

અમદાવાદ મહાનગરપાલિકાનો ચિતાર 

• રાજ્યની સૌથી મોટી મહાનગરપાલિકામાં આજે મતદાન
• અમદાવાદના 48 વોર્ડની 191 બેઠકો માટે શહેરીજનો કરશે મતદાન
• શહેરના 7 ઝોનના 48 વોર્ડમાં 773 ઉમેદવારોનું ભાવિ આજે EVMમાં થશે સીલ
• ભાજપના 191, જ્યારે કોંગ્રેસના 188 ઉમેદવારો છે મેદાનમાં
• AAPના 165 અને 87 અપક્ષ ઉમેદવારો પણ ઉતર્યા છે જંગમાં
• સૌથ પ્રથમ વખત ઓવૈસીની પાર્ટી AIMIM પણ છે રણમેદાનમાં
• અમદાવાદ મનપામાં છે કુલ 45 લાખ 41 હજાર 346 મતદારો 
• 23 લાખ 71 હજાર 60 પુરૂષ જ્યારે 21 લાખ 70 હજાર 141 સ્ત્રી મતદારો
• 4 હજાર 536 મતદાન મથકો કરાયા છે તૈયાર
• 28 હજાર 161 પોલીંગ સ્ટાફ અને 6 હજાર 300 પોલીસકર્મી ખડેપગે
• 17 DCP, 40 ACP, 134 PI, 392 PSI બંદોબસ્તમાં જોડાયા
• 5500થી વધુ હોમગાર્ડનાં જવાનો પણ અલગ અલગ વિસ્તારમાં તૈનાત