ગુજરાતમાં આજે સ્થાનિક સ્વરાજની ચૂંટણી યોજાઇ રહી છે ત્યારે સુરતમાં પૂર્વ કોર્પોરેટરની દાદાગીરી સામે આવી હતી.
પૂર્વ કોર્પોરેટર દિનેશ કાછડીયાનો વીડિયો વાયરલ
મતદાન મથક નજીક કોંગ્રેસ ખેસ પહેરી આવ્યા હતા
આચારસંહિતાના ઉલ્લંઘનની ફરિયાદ
સુરતના પૂર્વ કોર્પોરેટર દિનેશ કાછડીયાનો વીડિયો વાયરલ
ગુજરાતમાં સ્થાનિક સ્વરાજની ચૂંટણીને પગલે 6 મહાનગરપાલિકામાં મતદાન કરવામાં આવી રહ્યું છે. જોકે આ મતદાનમાં સુરતનો એક વીડિયો વાયરલ થઈ રહ્યો છે જેમાં પૂર્વ કોર્પોરેટર ખૂલેઆમ નિયમોનો ભંગ કરતાં દેખાઈ રહ્યા છે. કોંગ્રેસનો ખેસ પહેરીને જ મતદાન મથક પહોંચી ગયા હતા.
પૂર્વ કોર્પોરેટર દિનેશ કાછડીયાનો વીડિયો વાયરલ
સુરતના પૂર્વ કોર્પોરેટર દિનેશ કાછડીયાનો વીડિયો વાયરલ થયો હતો. જેમાં તેઓ મતદાન મથક નજીક કોંગ્રેસનો ખેસ પહેરી આવ્યા હતા. ફરજ પર હાજર પોલીસ કર્મચારીઓ દ્વારા ખેસ ઉતારવા માટે કહેવાયું હતું પરંતુ તેમણે ખેસ ઉતાર્યો નહોતો અને કહ્યું હતું કે, ખેસ નહીં ઉતારું. જો કે, આ મામલે જાગૃત નાગરિકો દ્વારા આચારસંહિતાના ઉલ્લંઘનની ફરિયાદ નોંધવામાં આવી છે.
સુરતીઓએ અનોખી રીતે ઉજવ્યું લોકશાહીના પર્વની ઉજવણી કરી હતી. વોર્ડ નંબર 13માં ઢોલ નગારા સાથે મતદારો મતદાન કરવા પહોંચ્યા હતા અને ઢોલ નગારા વગાડી લોકોને મત આપવા અપીલ પણ કરવામાં આવી હતી.
સાંસદ દર્શના જરદોશે કર્યું મતદાન
સુરત મહાપાલિકાની ચૂંટણીમાં સાંસદ દર્શના જરદોશે એન.જી.ઝવેરી જૈન શાળામાં મતદાન કર્યુ હતું અને ભાજપની જીતનો વિશ્વાસ વ્યકત કર્યો હતો.