નેતાગીરી / ભાજપની મુશ્કેલીઓ વધી : સુરતના આ નેતાના દારૂની મહેફિલ માણતા ફોટા વાયરલ

• સુરતના ભાજપના ઉમેદવારના ફોટો વાયરલ
• વોર્ડ નં-24ના ઉમેદવારના દારૂની મહેફિલના ફોટો વાયરલ
• સોમનાથ મારાઠે માણી રહ્યા છે દારૂની મહેફિલ

સુરતમાં ભાજપના ઉમેદવારના દારૂ પીતા ફોટા વાયરલ થયા છે. હાલ  સ્થાનિક ચૂંટણીનો જંગ તેની ચરમસીમાએ છે ત્યારે ભાજપ મુશ્કેલીમાં મુકાઈ શકે તેમ છે. 

સુરતના ભાજપના વોર્ડ નં-24ના ઉમેદવારના ફોટો વાયરલ થયા છે. દારૂની મહેફિલ માણતા સોમનાથ મરાઠેના ફોટો વાયરલ થતાં ચકચાર મચી ગઈ છે. AAP ઉમેદવાર વિલાસ પાટીલે ફેસબુક પોસ્ટમાં ફોટા મૂક્યા છે. સોમનાથ મરાઠે સી.આર.પાટીલની નજીકના ગણાય છે. સોમનાથ મરાઠે ગત ટર્મ માં પણ કોર્પોરેટર હતા. જો કે, દારૂની મહેફીલના ફોટો ક્યાંના છે તે અંગે કોઇ સ્પષ્ટતા હજુ સુધી થઈ નથી.