મહાઅવસર / રાજકોટમાં ગાંઠિયા તો સુરતમાં જમણ, મતદાન છે કે અવસરના તેડાં? જુઓ મતદાન પહેલા ભોજન સરંજામ

• મહામારીમાં મતદાનનો મહાઉત્સવ
• રાજકોટમાં પહેલા ગાંઠીયા પછી મતદાન
• સુરતમાં મતદાનને લઈ નવો ટ્રેન્ડ

આજે 6 મહાનગરપાલિકામાં મતદાન યોજાઈ રહ્યુ છે ત્યારે શહેરીજનો મતદાન પહેલા વ્યંજનોનો સ્વાદ લેવાનું પહેલા પસંદ કરી રહ્યા છે. ક્યાંક નાસ્તાની રમઝટ તો ક્યાંક ભોજનસમારંભ જોવા મળી રહ્યા છે. 

રાજકોટમાં પહેલા ગાંઠીયા પછી મતદાન

રંગીલા રાજકોટમાં પહેલા ગાંઠિયા પછી મતદાન જોવા મળી રહ્યો. રવિવાર હોવાથી ફરસાણની દુકાન માં ગાંઠિયા ખાવા અને લેવા લોકોં ઉમટી પડ્યો હતો. રવિવારે નાસ્તાનુ સ્પેશ્યલ મેનુ ગાંઠિયા જ હોય છે ત્યારે રાજકોટના યુવાનો કહે છે કે, પહેલા ગાંઠિયા અને પછી મતદાન. મતદાન તો કરશું પણ આ દર રવિવારે નાસ્તા નૉ ક્રમ તો રાજકોટ વાસીએ જાળવ્યો છે. 

સુરતમાં મતદાનને લઈ નવો ટ્રેન્ડ

સુરતમાં મતદાનને લઈ નવો ટ્રેન્ડ જોવા મળી રહ્યો છે. શહેરમાં લોકો સામુહિક મતદાન કરી રહ્યાં છે ત્યારે મતદાનના દિવસે મહિલાઓને સરળતા રહે તે માટે બિલ્ડીંગોમાં સામુહિક નાસ્તાનું પણ આયોજન કરવામાં આવી રહ્યું છે. મહિલાઓને મતદાન પહેલા ઘરકામમાંથી મુક્તિ મળે તે માટે પીપલોદના રિજેન્સી ટાવરમાં નાસ્તાની વ્યવસ્થા ગોઠવાઈ છે. વોર્ડ નંબર 21માં માહોલ જામ્યો છે. 

અમદાવાદમાં પણ નાસ્તા હાઉસમાં ભીડ

અમદાવાદમાં પણ નાસ્તા હાઉસમાં ભીડ જામી હતી. લોકો મતદાનની સાથે સાથે નાસ્તાની મજા પણ માણી રહ્યા છે. 

વડોદરામાં ઉસળ પાંવ

સંસ્કારી નગરી વડોદરામાં લોકો સેવઉસળ અને ઉસળ પાંવ સહિતના નાસ્તાને ન્યાય આપ્યા બાદ મતદાન કરી રહ્યા હતા તો વળી ક્યાં તો મતદાન કેન્દ્રની બહાર જ નાસ્તાની લારીઓ જોવા મળી હતી.