મહેસાણા કડી નગરપાલિકાની ચૂંટણી મામલો સામે આવ્યો છે. કોંગ્રેસ ઉમેદવારોને ફોર્મ ભરતા પણ ન આવડ્યું.
મહેસાણા કડી નગરપાલિકાની ચૂંટણી મામલો
કોંગ્રેસ ઉમેદવારોને ફોર્મ ભરતા પણ ન આવડ્યું
કડી નપામાં કોંગ્રેસે ડમી સાથે 95 ફોર્મ ભર્યા હતા
મહેસાણા કડી નગરપાલિકાની ચૂંટણી મામલો સામે આવ્યો છે. કોંગ્રેસ ઉમેદવારોને ફોર્મ ભરતા પણ ન આવડ્યું. કડી નપામાં કોંગ્રેસે ડમી સાથે 95 ફોર્મ ભર્યા હતા. 95 પૈકી 31 ફોર્મમાં ગરબડ બહાર આવી છે. ચકાસણી બાદ કોંગ્રેસના માત્ર 17 ફોર્મ માન્ય રહ્યા છે. કડી નગરપાલિકામાં 36 બેઠક માટે ચૂંટણી યોજાઈ રહી છે. ચૂંટણી પહેલા જ ભાજપની 4 બેઠક બિનહરીફ થઈ ગઇ છે. ફોર્મ ભરવામાં ગરબડને કારણે ઉમેદવારોના ફોર્મ થયા રદ થયા છે
બોટાદમાં કોંગ્રેસની હાર
બોટાદમાં કોંગ્રેસના 18 ઉમેદવારોના ફોર્મ રદ થયા છે. ત્યારે હવે આ મામલે કોંગ્રેસના પ્રદેશ પ્રમુખ અમિત ચાવડાએ કહ્યું કે, ચૂંટણી અધિકારીએ સહીના નમૂનાની વિસંગતતાને કારણે ફોર્મ રદ કર્યા. રાજ્ય ચૂંટણી પંચમાં ફોર્મ `ક'ના નમૂના જમા કરાવવામાં આવ્યા છે. આ મામલે રાજ્ય ચૂંટણીપંચ અને જિલ્લા કલેકટર સાથે વાત થઈ છે. કોંગ્રેસના ઉમેદવારોને દબાવવામાં આવી રહ્યા છે. અધિકારીઓ પણ દબાણમાં આવીને કાર્યવાહી કરી રહ્યા છે. જે તે નિર્ણયને કોંગ્રેસ કોર્ટમાં પડકારશે.
મહત્વનું છે કે, બોટાદ જિલ્લા પંચાયતની ચૂંટણીમાં કોંગ્રેસને મોટો ઝટકો લાગ્યો છે. કોંગ્રેસના 18 ઉમેદવારોના ફોર્મ રદ કરવાની ઘટના સામે આવી છે. તો આ તરફ ભૂજ નગરપાલિકામાં પણ ભાજપની 2 બેઠક પર બિનહરીફ બની છે. વોર્ડ નં 9ની પેનલ થઈ બિનહરીફ બની છે. કોંગ્રેસના ઉમેદવારનું ફોર્મ રદ થતા પેનલ બિનહરીફ બની છે. પાલિકાની 44 બેઠકોમાંથી 4 બેઠક પર ભાજપની જીત માની શકાઈ છે.
દક્ષિણ ગુજરાતમાં દાહોદ નગરપાલિકાના વોર્ડ 4માં ભાજપની બક્ષીપંચ સીટ બિનહરીફ થઈ છે. મહિલા બક્ષીપંચની સીટ પર ભાજપના ઉમેદવાર બિનહરીફ થયા છે. કોંગ્રેસ, આપ ઉમેદવારોએ ફોર્મ પરત ખેંચતા બક્ષીપંચ સીટ પર ભાજપના રીનાબેન પંચાલ બિનહરીફ થયા છે.
અરવલ્લીની બે તાલુકા પંચાયતની બેઠકમાં ચૂંટણી પહેલા જ ભાજપ જીતી ગઈ હતી. ફોર્મ ચકાસણીમાં કોંગ્રેસના ઉમેદવારના મેન્ડેટમાં ભુલ જણાતા કોંગ્રેસના ઉમેદવારોના ફોર્મ રદ કરવામાં આવ્યા હતા. જેને લઈને બાયડની લીંબ અને બોરોલ બેઠક બિનહરીફ થઈ ગઈ હતી. મહત્વપૂર્ણ છે કે 24 તાલુકા પંચાયત બેઠકમાંથી ચૂંટણી પહેલા જ ભાજપ 2 બેઠકો પર બિનહરીફ થઈ ગયું છે.
અમદાવાદ જિલ્લા પંચાયતની બે બેઠકોને લઈ કોંગ્રેસની માઠી બેઠી છે. મતદાન પહેલા જ જિલ્લા પંચાયતની 2 બેઠકો પર ભાજપની જીત નોંધાઈ ચૂકી છે. જિલ્લા પંચાયતની 2 બેઠકો પર કોંગ્રેસના ફોર્મ રદ કરવામાં આવ્યા છે. અમદાવાદ જિલ્લાની સિંગરવા અને ભુવાલડી બેઠક કોંગી ઉમેદવારના ફોર્મ રદ કરાયા છે.
તો છોટા ઉદેપુરના તેજગઢ જિલ્લા પંચાયતના કોંગ્રેસના ઉમેદવારનું ફોર્મ રદ થયું છે. જેમાં કોંગ્રેસ ઉમેદવાર શિલાબેન રાઠવાનું ફોર્મ રદ કરાયું છે. 3 બાળકોને લઈ ભાજપ ઉમેદવારોએ વાંધો ઉઠાવ્યો હતો. શિલાબેનને 3 બાળકોમાંથી એક બાળકનું નિધન થયું છે. હાલમાં 2 બાળકો હયાત છે. ઉમેદવારનું ફોર્મ રદ થતા ડમી ઉમેદવાર ચૂંટણી લડશે.