સ્થાનિક સ્વરાજ્યની ચૂંટણીને કારણે બજેટ તારીખમાં ફેરફાર
કેમ મોડુ રજુ કરવામાં આવ્યું બજેટ
ચૂંટણી પરિણામને લઈને બજેટ તારીખના ફેરફાર
રાજ્ય સરકારે બજેટની તારીખમાં ફેરફાર કર્યા છે. રાજ્યનું બજેટ 3 માર્ચે રજૂ કરવામાં આવશે. પહેલા 2 માર્ચે બજેટ રજૂ કરવાની જાહેરાત થઈ હતી. 2 માર્ચે જિલ્લા પંચાયત, તાલુકા પંચાયત નગરપાલિકાના પરિણામ છે. ચૂંટણી પરિણામને લઈને બજેટ તારીખના ફેરફાર થયો છે.
નાણામંત્રીનીતિન પટેલ વર્ષ 2021-22નું બજેટ રજૂ કરશે. રાજ્ય સરકાર નારાજ ખેડૂતો, બેરાજગારોથી માંડીને આમ જનતાને રાજી કરવા આ વખતે કરવેરા વિનાનું ફુલગુલાબી બજેટ રજૂ કરવા તૈયારીઓ કરી છે.નાણાંમંત્રીના પટારામાં શું ખૂલશે તેના પર સૌ કોઇની નજર મંડાઇ છે. જોકે, આ વખતે ગુજરાતના બજેટનું કદ બે લાખ કરોડને પાર કરી જશે.
કેમ મોડુ રજુ કરવામાં આવ્યું બજેટ
વિધાનસભામાં બજેટ રજૂ થવાનું હતુ તેના કરતા મોડુ રજૂ કરવામાં આવશે કારણ કે, સ્થાનિક સ્વરાજ્યનૂ ચૂંટણીને લઈને તારીખ લંબાવાઈ છે.
ગુજરાતના સૌથી વધુ બજેટ રજૂ કરવાના વિક્રમ નાણામંત્રી વજુભાઇ વાળાના નામે છે. આજે નિતીન પટેલ ફરી એકવાર બજેટ રજૂ કરશે. આજે નીતિન પટેલ નવમી વાર બજેટ રજૂ કરશે. નવમી વાર બજેટ રજૂ કરીને નાણાંમંત્રી નીતિન પટેલ એક નવો રેકર્ડ કરશે.