મહાપર્વ / સંસ્કારી નગરી વડોદરાની જનતાએ ઉત્સાહભેર ઉજવ્યું લોકશાહીનું પર્વ

• રાજ્યમાં 6 મહાનગરપાલિકાની ચૂંટણીનો જંગ
• સિનિયર સીટીઝન અને યુવાઓમાં મતદાન માટે ઉત્સાહ
• મતદાન મથકે ધીમે ધીમે ભીડ થવાનું શરૂ 
• વહેલી સવારેથી જ વડોદરાના મતદારોમાં ઉત્સાહ 

મતદાર યાદીમાં છબરડો

વડોદરાના ભુતડીઝાપા વિસ્તારની મતદાર યાદીમાં છબરડો સામે આવ્યો છે. અહિયાં મતદાન કરવા ગયેલા વ્યક્તિને યાદીમાં મૃત દર્શાવાયા છે. રાજુ ચાવડા નામના વ્યક્તિને મૃત દર્શાવાતા છબરડો છતો થયો છે. પ્રિસાઈડીંગ ઓફિસરે મત ન આપવા દેતા મતદારમાં રોષ જોવા મળ્યો હતો. 

વડોદરામાં છેલ્લી ઘડીએ મતદારો બહાર નિકળ્યા છે. મહિલા મતદારોની લાંબી લાઇનો લાગેલી જોવા મળી રહી છે. નોંધનીય છે કે વડોદરામાં સાંજે ચાર વાગ્યા સુધી સુધી આશરે 33.45 ટકા મતદાન થયું છે. 

ગુજરાતમાં 12 વાગ્યા સુધી ક્યાં કેટલું મતદાન : અમદાવાદ, સુરતમાં 18% અને વડોદરા, જામનગરમાં 19% જ્યારે રાજકોટમાં 17% અને ભાવનગરમાં 20% મતદાન થયું 

ધીમું પડ્યું મતદાન

ગુજરાતમાં મતદાન કેન્દ્રો પર મતદાતાઓની પાંખી હાજરી : રાજકોટમાં સૌથી વધુ 16% મતદાન, વડોદરા-ભાવનગર-જામનગરમાં 10% જ્યારે અમદાવાદ અને સુરતમાં હજુ 9% મતદાન

મોટી સંખ્યામાં સંતોએ કર્યુ મતદાન

વડોદરામાં અટલાદરાના BAPSના 30થી વધુ સંતોએ મતદાન કર્યુ, જ્ઞાનવત્સલ સ્વામી,કોઠારી સ્વામીએ મતદાન કર્યા બાદ લોકોને મત આપવા કરી અપીલ

નેતાઓ કરી રહ્યા છે મતદાન

મહાપાલિકાની ચૂંટણી માટે નેતાઓ કરી રહ્યા છે મતદાન, વડોદરામાં પ્રદેશ ભાજપના પૂર્વ મહામંત્રી શબ્દશરણ બ્રહ્મભટ્ટે મતદાન કર્યુ અને કહ્યું કે મતદાનનો સમય વધવાથી મતદાનની ટકાવારી વધશે

સવારે 9 વાગ્યા સુધી ક્યાં કેટલું મતદાન 

અમદાવાદ, વડોદરા, રાજકોટ અને જામનગરમાં 9% જ્યારે ભાવનગર અને સુરતમાં 8 ટકા મતદાન

વડોદરાની અકોટા કેળવણી મંડળ શાળામાં શહેર ભાજપ પ્રમુખ વિજય શાહે કર્યુ મતદાન, ભાજપની તમામ બેઠકો પર એકતરફી જીતનો વિજય શાહનો દાવો

વડોદરા : સાંસદ રંજનબેન ભટ્ટે સરસ્વતી સ્કૂલમાં કર્યું મતદાન 

વડોદરાના છાણી ગામની ઘટના

વડોદરામાં મતદાન શરૂ થતા જ ખોટકાયું EVM : છાણી ગામની ગંગાબાઈ સ્કૂલમાં EVM ખોટકાયું, મશીન રિપેરિંગની કામગીરી હાથ ધરાઈ

ચૂંટણી એજન્ટે કર્યો આચારસંહિતાનો ભંગ

વડોદરામાં આચારસંહિતાના ભંગનો મામલો સામે આવ્યો હતો. જેમાં ચૂંટણી એજન્ટે જ આ ભૂલ કરી હતી. બુથમાં કમળના નિશાનવાળુ માસ્ક પહેરીને આવ્યા હતા. જોકે બાદમાં VTVના કેમેરા સામે ભૂલ સ્વીકારીને માસ્ક બદલ્યું હતું. નોંધનીય છે કે વડોદરાના વોર્ડ નંબર 12ના મતદાન મથક 20માં આ ઘટના બની હતી 

વડોદરામાં કોવિડ સામે જીતશે લોકશાહી :

14 લાખ 43 હજાર મતદારો માટે હેન્ડ ગ્લોવ્ઝની વ્યવસ્થા, દરેક મતદારના જમણા હાથે પહેરાવાશે મોજુ, માસ્ક અને સેનેટાઈઝરની પણ વ્યવસ્થા

• સંસ્કારી નગરી વડોદરા મહાનગરપાલિકાની ચૂંટણીનું આજે મતદાન
• થોડીવારમાં જ મતદાનનો થશે પ્રારંભ
• વડોદરાના 19 વોર્ડમાં આવેલી છે 76 બેઠકો 
• 76 બેઠકો માટે કુલ 287 ઉમેદવારો છે મેદાનમાં
• ભાજપ, કોગ્રેસ, AAP, RST, BSP પણ છે રણમેદાનમાં
• ભાજપના 76, કોગ્રેસના 76 , AAPના 14 ઉમેદવારો મેદાનમાં
• 1 હજાર 295 મતદાન મથકો કરાયા છે તૈયાર
• 1600 EVMથી શહેરીજનો કરશે પોતાના મત્તાધિકારનો ઉપયોગ
• 404 બુથ સંવેદનશિલ અને 100 બુથ અતિસંવેદનશિલ જાહેર કરાયા છે
• 14 લાખ 46 હજાર 212 મતદારો કોને સત્તા આપવી તે કરશે નક્કી
• 2 હજાર 165 પોલીસકર્મી, 160 અધિકારીઓ બંદોબસ્તમાં
• વડોદરામાં 1 હજાર 728 હોમગાર્ડ જવાનો પણ બંદોબસ્તમાં
• SRPની 4 કંપની, 42 PCR વાન કરવામાં આવી તૈનાત
• 31 QRT મોબાઈલ, ડોગ સ્કોડ, બોમ્બ સ્ક્વોડની ટીમો પણ ખડપગે