કોંગ્રેસના ઉપપ્રમુખ સોનલ પટેલે પક્ષની વિરૂદ્ધ જ યુવાન મહિલાઓને ટિકિટ ફાળવાતી હોવાનો આક્ષેપ કર્યો હોવાનું જાણવા મળ્યું છે.
‘નેતાઓ તેમની રૂપલલનાઓને ટિકિટ અપાવવા દોડે છે.’
નારાજ છે મહિલાઓ
20 વર્ષથી કાર્ય કરૂ છુ પણ નથી મળતી ટિકિટ
અમદાવાદ મહાનગરપાલિકાની ટિકિટ વહેંચણીમાં ઇન્ડિયા કોલોનીમાંથી પ્રદેશ કોંગ્રેસ ઉપપ્રમુખ સોનલ પટેલે ટિકિટ માગી હતી. સતત 20 વર્ષથી કોંગ્રેસમાં સક્રિય થઈ કામ કરતાં સોનલ પટેલ 2015થી મહાનગરપાલિકામાં ચૂંટણી લડવા ટિકિટ માગી રહ્યાં છે. છેવટે 2021માં પણ ટિકિટ કપાતાં નારાજ થયાં અને આ માટે તેમણે કોંગ્રેસના ધારાસભ્ય શૈલેશ પરમાર અને હિંમતસિંહ પટેલને જવાબદાર ઠેરવ્યા હતા.
‘નેતાઓ તેમની રૂપલલનાઓને ટિકિટ અપાવવા દોડે છે.’
ગુસ્સે ભરાયેલાં સોનલ પટેલે નેતાઓની પોલ ખોલતાં કહ્યું હતું કે, ‘નેતાઓ તેમની રૂપલલનાઓને ટિકિટ અપાવવા દોડે છે.’ શહેર પ્રમુખ શશીકાંત પટેલે તેમને નિષ્ઠાવાન, સંનિષ્ઠ, મહેનતુ મહિલા નેતા ગણાવ્યાં હતાં. તેમને મનાવવા ચેતન રાવલ અને પંકજ શાહે પણ માફી માગતા ફોન કર્યા હતા, પણ ગુસ્સે ભરાયેલાં સોનલ પટેલે ત્યાં સુધી કહી દીધું હતું કે, ‘મારે ધોળા વાળ થઈ ગયા,મારી જેવી વયોવૃદ્ધને કોણ ટિકિટ આપે, જે બહેન-દીકરી ગમતી હોય તેને અને રૂપાળી હોય તેને ટિકિટ આપે. તેમણે ટિકિટ નહીં પણ તેમનું અપમાન થયું છે, તેને જિંદગીભર નહીં ભૂલવાનું કહ્યું હતું. જોકે તેમણે કાર્યકર તરીકે રહીશ તેમ કહ્યું હતું.