ઘમાસાણ / સ્થાનિક સ્વરાજ્યની ચૂંટણીને લઇ સૌથી મોટા સમાચાર : કોંગ્રેસમાં પૈસા લઈને ટિકિટની ફાળવણી?

• કોંગ્રેસમાં આંતરિક વિખવાદ
• રાજીવ સાતવ પર ઉઠ્યા સવાલ
• પૈસા લઈને ટિકિટની ફાળવણી?

સ્થાનિક સ્વરાજ્યની ચૂંટણીને લઇ સૌથી મોટા સમાચાર સામે આવ્યા છે. કોંગ્રેસના નેતાઓનો આંતરિક વિખવાદ સામે આવ્યો છે. કોંગ્રેસના નેતાઓનો વિવાદનો પત્ર વાઇરલ થયો છે. જેમાં કોંગ્રેસ કાર્યકરે પ્રબારી રાજીવ સાતવને પત્ર લખી આક્ષેપો કર્યા છે.

અમદાવાદમાં કોંગ્રેસના ધારાસભ્યએ ટિકિટ વેચવાનો ધંધો શરૂ કર્યાનો આરોપ લગાવાયો છે. ટિકિટ 3થી 8 લાખમાં વહેંચાતી હોવાનો આરોપ પત્રમાં કરાયો છે. હિંમતસિંહ પટેલ પર આરોપ લગાવ્યો છે કે તેઓ 3થી 8 લાખમાં ટિકિટ વેચે છે. અને શહેર કોંગ્રેસ પ્રમુખ શશિકાન્ત પટેલ પર પણ મોટા આક્ષેપો કર્યા છે.

ઉપરાંત અમદાવાદના એક નેતા શરાબ અને શબાબની મહેફિલ માણતા હોવાનો પણ આક્ષેપ છે. પત્ર લખનાર કોંગ્રેસના કાર્યકરે રાજીવ સાતવને પણ ચીમકી ઉચ્ચારી છે કે સાતવ કાર્યપદ્ધતિ નહીં બદલે તો કેન્દ્રીય નેતાઓને ફરિયાદની ચીમકી કરી છે. 

અહીં જાહેર કરાયા ઉમેદવારો

સ્થાનિક સ્વરાજની ચૂંટણીમાં કોંગ્રેસે પોતાના ઉમેદવારોની યાદી જાહેર કરી દીધી છે. કોંગ્રેસે 5 મહાનગરપાલિકાના ઉમેદવારોના નામ જાહેર કર્યા છે. સુરત, વડોદરા, ભાવનગર, રાજકોટ, જામનગરના ઉમેદવારોના નામ કરી દેવાયા છે. સુરતના 19 વોર્ડના 52 ઉમેદવારો જાહેર કરાયા છે. તો રાજકોટના 14 વોર્ડના 22 ઉમેદવારો જાહેર કરવામાં આવ્યા છે. આ સાથે વડોદરાના 11 વોર્ડના 20 ઉમેદવાર જાહેર થયા છે. ભાવનગરમાં 10 વોર્ડના 21 ઉમેદવાર કર્યા છે. જામનગરના 7 વોર્ડના 27 ઉમેદવાર જાહેર છે. તો જામનગરમાં વોર્ડ નં 6માં એક ઉમેદવાર જાહેર કરવાના બાકી છે.

આ કોર્પોરેટરોને કરાયા રિપીટ

• સુરતના 19 વોર્ડના 52 ઉમેદવારો જાહેર
• વડોદરાના 11 વોર્ડના 20  ઉમેદવાર જાહેર
• રાજકોટમાં કોંગ્રેસે મોટાભાગના કોર્પોરેટરને કર્યા રિપીટ
• વોર્ડ નંબર 10માં મનસુખભાઈ કાલરિયા રિપીટ
• વોર્ડ નંબર 12માં વિજય વાંક અને ઉર્વશીબા જાડેજા રિપીટ
• રાજકોટમાં વોર્ડ 13માં  જાગૃતિબેન ડાંગર રિપીટ
• રાજકોટ વોર્ડ 15માં ડુડાણી મકબૂલભાઈ રિપીટ
• નિલેષ કુંભાણીને રિપિટ કરાયા
• રાજકોટમાં વોર્ડ 17 ના જયાબેન ટાંક રિપીટ
• રાજકોટમાં વોર્ડ 17માં ઘનશ્યામભાઈ જાડેજા રિપીટ
• ભાજપ માંથી કોંગ્રેસમાં આવેલા દક્ષાબેન ભેસાણીયાને ટિકીટ

કોંગ્રેસ દ્વારા નામની યાદી જાહેર