આક્ષેપ / સ્થાનિક સ્વરાજ્યની ચૂંટણીમાં કોંગ્રેસમાં રૂપિયા લઇ ટિકિટ વેચાય છેઃ કિરીટ પટેલ

• પૂર્વ MLA કિરીટ પટેલે આપ્યું રાજીનામું
• કોંગ્રેસમાં ટિકિટ વેચાય છેઃ કિરીટ પટેલ
• ટિકિટ વહેંચણીમાં વહીવટ: કિરીટ પટેલ 

પૂર્વ ધારાસભ્ય અને પૂર્વ મંત્રી કિરિટ પટેલનું કોંગ્રેસમાંથી રાજીનામુ આપતા રાજકિય ભૂકંપ સર્જાયો છે. જિલ્લા પંચાયત અને તાલુકા પંચાયતની ટિકિટ વહેચણીથી કિરિટ પટેલ નારાજ હોવાનું જાણવા મળ્યુ છે. 

જિલ્લા પંચાયતની ટિકિટ વિશ્વાસમાં લીધા વિના અપાતા રોષ જોવા મળી રહ્યો છે. ગુજરાત પ્રદેશ કોંગ્રેસના નેતાઓને મેસેજથી  જાણ કરી છે. પ્રદેશ કોંગ્રેસ કાર્યાલય ખાતે આવતીકાલે રૂબરૂમાં જઈને રાજીનામુ આપશે. કિરિટ પટેલ આવતીકાલે પ્રદેશ કાર્યાલય ખાતે અમિત ચાવડા સાથે મુલાકાત કરશે. 

કિરિટ પટેલ કહે છે કે, 

પૂર્વ MLA કિરીટ પટેલે કોંગ્રેસમાંથી આપ્યું રાજીનામું આપ્યુ છે અને કોંગ્રેસમાંથી રાજીનામા બાદ કિરીટ પટેલનું મોટું નિવેદન સામે આવ્યું છે. કોંગ્રેસમાં રૂપિયા લઇ ટિકિટ વેચાય છે. ટિકિટ વહેંચણીમાં વહીવટ થાય છે. જિલ્લાના હોદ્દેદ્દારો ટિકિટ વહેંચણીમાં વહીવટ કરતા હોવાનો પણ આક્ષેપ લગાવ્યો છે. એટલું જ નહીં પરંતુ મહેસાણા જિલ્લા પ્રમુખ કિરીટસિંહ ઝાલા પર વહીવટ કર્યાનો આક્ષેપ કરાઈ રહ્યા છે. કિરીટ પટેલ ગુજરાત કોંગ્રેસ મહીસાગરના પ્રભારી અને પૂર્વ MLA છે. ત્યારે હાલ તેમણે મહીસાગર પ્રભારી સહિતની તમામ જવાબદારી પરથી રાજીનામું આપ્યું છે. 

વર્ષ 1995માં ભાજપમાંથી ચૂંટાયા હતા કિરીટ પટેલ

કિરીટ પટેલ વર્ષ 1995મા ભાજપની બેઠક પરથી વિસનગરમાંથી ચૂંટાયા હતા. પરંતુ તે દરમિયાન શંકરસિંહે ભાજપ સામે બળવો કરીને મુખ્યમંત્રી બન્યા ત્યારે કિરીટ પટેલ શંકરસિંહ સાથે રહ્યા હતા. અને તેમની સરકારમાં મંત્રી પણ બન્યા હતા. આ સાથે કિરીટ પટેલ વર્ષ 2014માં કોંગ્રેસ તરફથી લોકસભાના ઉમેદવાર પણ બન્યા હતા. અને તેઓ લાલકૃષ્ણ અડવાણી સામે હાર માનવી પડી હતી. કોરોનાકાળ દરમિયાન કિરીટ પટેલ અને તેમના પત્ની પણ કોરોના થયો હતો.