સ્થાનિક સ્વરાજ્યની ચૂંટણી / ભાજપની બેમોઢાળી વાત: જિલ્લા અને નગરપાલિકામાં ખુલ્લેઆમ સગાવાદ, જુઓ કોને અપાઈ ટિકિટો

• ભાજપની પસંદગીમાં નિયમો નેવે મૂકાયા
• પાલિકા-પંચાયતોની ટિકિટોમાં સગાવાદ
• ભાજપે ટિકિટો માટે બનાવ્યા હતા 3 નિયમો

ભાજપે ટિકિટો માટે આકરા માપદંડો બનાવ્યા

ભાજપની પસંદગીમાં નિયમો નેવે મૂકાયાની ચર્ચા તેજ થઈ રહી છે. પાલિકા-પંચાયતોની ટિકિટોમાં ભાજપમાં સગાવાદ ઉડીને આંખે વળગે તેવી રીતે જોવા મળી રહ્યો છે. ભાજપે ટિકિટો માટે આકરા માપદંડો બનાવ્યા હતા પણ કેટલાક નેતાઓએ પોતાના સગાઓની ટિકિટ અપાવ્યાની ચર્ચાને પગલે આ માપદંડો ખાલી કાગળ પર જ રહ્યા છે. 

રાજેશ ચૂડાસમાના વેવાઈ બાબુ ડાભીના પત્નીને પણ ટિકિટ 

રાજેશ ચૂડાસમાએ પોતાના સગાઓને  ટિકિટ મોકલી છે. રાજેશ ચૂડાસમાએ વેવાઇના દિકરાને ટિકિટ અપાતા વિવાદ સર્જાયો છે. વેવાઇ રાજેશ ડાભીના પુત્ર કલ્પેશને ઉના ન.પામાં ટિકિટ આપવામાં આવી છે. રાજેશ ચૂડાસમાના વેવાઈ બાબુ ડાભીના પત્નીને પણ ટિકિટ મળી છે.  

60થી વધુ વયના શારદાબેન પટેલને ટિકિટ

ઉનાના પૂર્વ MLA કાળુ રાઠોડને પુત્ર, પુત્રી અને ભાઈની પત્નીને ટિકિટ મળી છે. રાજકોટમાં કોંગ્રેસમાંથી આવેલા નિલેશ વિરાણીને  ટિકિટ આપવામાં આવી છે. અમદાવાદ જિ.પંચાયતમાં 64 વર્ષીય વિનોદ પટેલને ટિકિટ આપવામાં આવી છે જ્યારે માણસા પંચાયતમાં 60થી વધુ વયના શારદાબેન પટેલને ટિકિટ આપવામાં આવતા સવાલો ઉઠી રહ્યા છે. 

પોરબંદર ન.પાની ટિકિટોમા પણ સગાવાદ મોટા પ્રમાણમાં

પોરબંદર નગરપાલિકામાં પણ ટિકિટોની વહેંચણીમાં સગાવાદ જોવા મળી રહ્યો છે. ભાજપના અજય બાપોદરાના પત્નીને ટિકિટ અપાઇ છે. પોરબંદર ન.પાના પૂર્વ પ્રમુખોના પુત્રો,પત્ની,પુત્રવધુઓને ટિકિટ આપવામાં આવી છે. પોરબંદરની 8 બેઠકો પર હોદ્દેદારોના સગાઓને ભાજપની ટિકિટ આપવામાં આવતા ખળભળાટ મચી ગયો છે. 

MLA મધુ શ્રીવાસ્તવના સગાઓ ગોઠવાયા

ઉમરેઠ પાલિકામાં એક જ ઘરમાંથી 2 સભ્યોને ભાજપની ટિકિટ આપવામાં આવી છે. વડોદરામાં પણ મધુ શ્રીવાસ્તવે પોતાના ટેકેદારો ગોઠવ્યા છે. પૂર્વ MLA કાંતિ લકુમના પત્ની રેખા લકુમને ટિકિટ આપી છે. કાંતિ લકુમ હાલ અમદાવાદ જિલ્લા ભાજપના ઉપપ્રમુખ છે. અમદાવાદ જિલ્લા પંચાયતના કાવીઠા બેઠક પરથી ટિકિટ આપી છે.