ભાવનગરની મહુવા નગરપાલિકાના વોર્ડ - 6ના ઉમેદવાર અશોક વાઢેરનો એક કથિત વીડિયો વાયરલ થયો છે
મહુવા નપાના વોર્ડ-6ના ઉમેદવારનો વીડિયો વાયરલ
અશોક વાઢેર મહિલાઓ સાથે કરી રહ્યા છે ડાન્સ
ભાજપથી નારાજ થઈને વિકાસ સમિતિમાંથી લડી રહ્યા છે ચૂંટણી
ભાવનગરની મહુવા નગરપાલિકાના વોર્ડ - 6ના ઉમેદવાર અશોક વાઢેરનો એક વીડિયો વાયરલ થયો છે. આ વીડિયોએ ભારે ચર્ચાઓ જગાવી છે. વીડિયોમાં અશોક વાઢેર બેથી ત્રણ યુવતીઓ સાથે ડાન્સ કરી રહ્યા છે.
રજની ઠાકરે કહ્યું કે અશોક વાઢેર લાજવાના બદલે ગાજી રહ્યા છે
વીડિયો ક્યારનો છે તે માહિતી હજુ સુધી નથી મળી. પણ આ વીડિયો અશોક વાઢેર નશાની હાલતમાં દેખાઈ રહ્યા છે. વીડિયો વાયરલ થવા મામલે વાઢેરે પોલીસ સ્ટેશનમાં અરજી કરી છે.
કોણે કર્યો વીડિયો વાયરલ?
રજની ઠાકરે વીડિયો વાયરલ કર્યો હોવાનો આરોપ લગાવ્યો છે. તો બીજી તરફ રજની ઠાકરે સ્પષ્ટતા કરતા જણાવ્યું કે વીડિયો મને વોટ્સએપમાં આવ્યો હતો. અને મેં ફોરવર્ડ કર્યો છે. બીજી તરફ રજની ઠાકરે કહ્યું કે અશોક વાઢેર લાજવાના બદલે ગાજી રહ્યા છે.