નવસારીના ચીખલીમાં BJPના 50 પેજ પ્રમુખનો બળવો સામે આવ્યો છે. ગુજરાત ભાજપ પ્રદેશ અધ્યક્ષ પાટિલના આદર્શ ગામમાં જ કાર્યકરોનો બળવો થયો છે.
તાલુકા પંચાયતમાં આયાતી ઉમેદવારને ટિકિટથી નારાજગીને કારણે 50 કાર્યકરો રિસાયા છે જેને પગલે નારાજ BJPના 50 કાર્યકર AAPમાં જોડાયા છે. આ તમામ કાર્યકરો આક્ષેપ કરી રહ્યા છે કે, વફાદાર કાર્યકરોની અવગણના થઈ રહ્યા છે.
200 સમર્થકો સાથે કોંગ્રેસમાં જોડાયા
રાજકોટની લોધીકા તાલુકા ભાજપમાં ભડકો જોવા મળ્યો છે. ભાજપના હેમુબેન ડાંગર, જયદેવ ડાંગર કોંગ્રેસમાં જોડાયા છે. સાથે જ તેમના 200 સમર્થકો પણ કોંગ્રેસમાં જોડાયા છે. ભાજપમાંથી ટિકીટ ન મળતા બંનેએ કોંગ્રેસનો ખેસ પહેર્યો છે.
જુનાગઢના માળીયા હાટીના તાલુકામાં ભાજપમાં ભડકો જોવા મળી રહ્યો છે. જિલ્લા ભાજપ મહામંત્રી વિક્રમ ખાંભલાએ રાજીનામું આપ્યુ છે. 300 કાર્યકરો સાથે રાજીનામું આપ્યુ છે. તેઓ પાર્ટીથી નારાજગીને લઇ રાજીનામું આપ્યુ છે. પક્ષપલટુ કરનાર કાર્યકરોને સન્માન આપતા નારાજ થયા હતા. વિક્રમ ખાભલાં અનુસૂચિત જાતિ મોરચા મહામંત્રી હતા.
જુનાગઢ માંગરોળ ભાજપમાં ભડકો થયો છે. જિલ્લા પંચાયતની ટીકીટ વહેચણીને લયને રાજકીય ભુંકંપ સર્જાયો છે. જુનાગઢ જિલ્લાના ભાજપના પુર્વ મહામંત્રી અને માંગરોળ તાલુકાના પુર્વ ભાજપ પ્રમુખ રામજીભાઇ ચુડાસમાએ ભાજપથી છેડો ફાડયો છે અને પોતાના 500 જેટલા કાર્યકરો સાથે લઈને ભાજપને બાયબાય કરી દીધુ છે. અપક્ષ ઉમેદવાર તરીકે શીલ જિલ્લા પંચાયતમાં પોતાના પત્નીની ઉમેદવારી નોંધાવી છે. ભાજપે કોંગ્રેસમાંથી આવેલા ઉમેદવારોને ટીકીટની ફાળવણી હોવાને કારણે રોષ ફેલાયો હતો. સ્થાનિક ભાજપના જુના કાર્યકરોની અવગણના કરતા ભાજપથી છેડો ફાડયો હોવાનું સામે આવ્યું છે
આંણદ શહેર ભાજપ ઉપપ્રમુખે નોંધાવી અપક્ષ ઉમેદવારી
આંણદ નગરપાલિકા ચુંટણી પેહલા ભાજપ નેતા નારાજગી સામે આવી છે. આંણદ શહેર ભાજપ ઉપપ્રમુખે અપક્ષ ઉમેદવારી નોંધાવી છે. શંકર ગોહીલે અપક્ષ ઉમેદવારી નોંધાવતા ખળભળાટ મચી ગયો હતો. તેમણે વોર્ડની નંબર 9માંથી અપક્ષ ઉમેદવારી નોંધાવી છે. હાલ ભાજપ ઉપપ્રમુખ શંકર ગોહીલનો ફોન પહોચની બહાર છે.