પ્રતિસાદ / અમદાવાદીઓએ AAP અને AIMIMને કહ્યું 'રુકો જરા', સુરતીઓએ આપ્યો જબરો આવકાર

• આપને જાકારો
• અમદાવાદમાં 2015માં ભાજપને 143 બેઠક પર મળી હતી સરસાઈ
• સુરતીઓએ APP ને આવકારો આપતા કોંગ્રેસને ફટકો

અમદાવાદમાં  AAP અને AIMIMને જાકારો અને કોંગ્રેસના પરંપરાગત વોર્ડ અને ભાજપના પણ પરંપરાગત મતદાતાઓએ પોતાની બેઠકોની જીત જાળવી રાખી છે. સુરતમાં મીઠો આવકારો

હાલ ગુજરાતમાં સ્થાનિક સ્વરાજની ચૂંટણીના પરિણામ જાહેર થઈ રહ્યા છે ત્યારે 6 મહાનગરપાલિકાની 21મી તારીખે ચૂંટણી યોજાઈ હતી અને મતદાન થયું હતુ. આ અંગે હાલ મતગણતરી ચાલી રહી છે. ત્યારે કહી ખુશી કહીં ગમ જેવો માહોલ જોવા મળી રહ્યો છે. 

આપને જાકારો

અમદાવાદમાં `આપ'ને જાકારો મળ્યો છે. અમદાવાદમાં ભાજપને બહુમત મળતી દેખાઈ રહી છે. જ્યારે કોંગ્રેસ પોતાના ગઢ મનાતા વિસ્તારોમાં વિજય મેળવી રહી છે. પણ APP અને AIMIM જનતાનો જાકારો મળ્યો છે. અમદાવાદીઓએ પરંપરાગત રીતે જ મતદાન કર્યુ છે. 

અમદાવાદમાં 2015માં ભાજપને 143 બેઠક પર મળી હતી સરસાઈ

2015માં 192 બેઠકમાં 143 બેઠક પર ભાજપનો વિજય થયો હતો જ્યારે કોંગ્રેસને 48 અને અપક્ષ ઉમેદવારોને 1 જ બેઠક મળી હતી. આ વખતે આમ આદમી પાર્ટી અને  AIMIMની એન્ટ્રી બાદ લાગતુ હતુ કે, કંઈ ફેર જણાશે પણ તેવું થઈ શક્યુ નથી. 

સુરતીઓએ AAP ને આવકારો આપતા કોંગ્રેસને ફટકો

સુરતમાં 2015માં સુરત મહાનગરપાલિકાની ચૂંટણીમાં 116 બેઠકોમાંથી  ભાજપને ફાળે 79 બેઠકો આવી હતી જ્યારે કોંગ્રેસને ફાળે 36 બેઠક ગઈ હતી પરંતુ આ વખતે સુરતીઓએ AAP ને આવકારો આપતા કોંગ્રેસને ફટકો પડી શકે તેમ છે.