ચૂંટણી / મતદાન : અમદાવાદ, જિલ્લા, તાલુકા અને નગરપાલિકાઓના શું છે હાલ જાણો

• અમદાવાદ ગ્રામ્યની ચૂંટણીનું મતદાન
• જિલ્લા પંચાયતની 34માંથી 31 બેઠકની ચૂંટણી
• 9 તાલુકા પંચાયતની સત્તા પણ થશે નક્કી

જિલ્લા પંચાયતની 3 બેઠકો પહેલાથી જ બિનહરીફ થઈ છે. જેમાં કાસિન્દ્રા, ભુવાલડી અને સિંગરવા બેઠક બિનહરીફ થઈ છે. 9 તાલુકા પંચાયતની 176 બેઠકો અને 5 નગરપાલિકાની 104 બેઠકો માટે મતદાન થઈ રહ્યુ છે. જિલ્લા પંચાયતની 31 બેઠક પર 99 ઉમેદવારો મેદાને છે. કુલ 314 બેઠકો માટે 809 ઉમેદવારો મેદાનમાં છે. જિલ્લામાં 10 લાખ 52 હજાર 210 મતદારો છે. 

3 તાલુકા પંચાયતની 8 બેઠકો પણ થઈ બિનહરીફ  છે જ્યારે વિરમગામ નગરપાલિકાની વોર્ડ 2ની 2 બેઠક બિનહરીફ છે. 9 તાલુકા પંચાયતની 176 બેઠક પર 462 ઉમેદવારો મેદાનમાં છે. તાલુકા પંચાયતમાં કુલ 9 લાખ 11 હજાર 835 મતદારો છે. જિલ્લા પંચાયતની ચૂંટણીમાં કુલ 1053 મતદાન મથકો છે. 

31 જિલ્લા પંચાયત, 231 તાલુકા પંચાયત અને 81 નગરપાલિકાની ચૂંટણી 

આજે રાજ્યભરમાં સ્થાનિક સ્વરાજ્યની ચૂંટણીનું મતદાન યોજાશે. 31 જિલ્લા પંચાયત, 231 તાલુકા પંચાયત અને 81 નગરપાલિકાના મતદારો મત્તાધિકારનો ઉપયોગ કરશે. જેમાં 81 નગરપાલિકાના 46.89 લાખથી વધુ અને તાલુકા, જિલ્લા પંચાયતના 2.50 કરોડ મતદારો છે. આજે રાજ્યના 4 કરોડ 9 લાખ જેટલા મતદારો ઉમેદવારોના ભાવિનો ફેંસલો કરશે. જિલ્લા અને તાલુકા પંચાયતોમાં 31 હજાર 370 મતદાન મથકો ઉભા કરાયા છે. 

રાજ્યમાં 6 હજાર 443 મતદાન મથકો સંવેદનશિલ જાહેર કરાયા છે. 3 હજાર 532 મતદાન મથકો અતિસંવેદનશીલ છે. ગત ચૂંટણીમાં 31માંથી 23 જિલ્લા પંચાયત કોંગ્રેસે કબજે કરી હતી. 31માંથી માત્ર 8 જિલ્લા પંચાયત જ ભાજપના ફાળે આવી હતી. 231 તાલુકા પંચાયતમાંથી 146 કોંગ્રેસ, 85માં ભાજપને જીત મળી હતી. 51 નગરપાલિકામાંથી ભાજપને 37 અને કોંગ્રેસનો 14માં વિજય થયો હતો.

ગુજરાતની 231 તા.પંચાયતની યોજાઇ રહી છે ચૂંટણી 

ગુજરાતની 231 તા.પંની ચૂંટણીમાં કુલ 12,265 ઉમેદવારો મેદાને છે. જેમાં ભાજપના 4652, કોંગ્રેસના 4594 ઉમેદવારો ચૂંટણી લડી રહ્યા છે. જ્યારે BSP-255, NCP-61 અને AAPના 1067 ઉમેદવારો મેદાને છે. તો અન્ય પક્ષોના 462 અને 1139 અપક્ષ ઉમેદવારો ચૂંટણી જંગમાં છે.

ગુજરાતની 81 નગરપાલિકામાં યોજાઈ રહી છે ચૂંટણી

રાજ્યભરમાં 81 નગરપાલિકામાં ચૂંટણી યોજાઈ રહી છે. 7 હજાર 245 ઉમેદવારોના ભાવિ EVMમાં કેદ થશે. ભાજપના 2,555 અને કોંગ્રેસના 2,247 ઉમેદવારો મેદાનમાં છે. BSP-109, NCP-88, SP-64 ઉમેદવારો ચૂંટણી લડી રહ્યા છે. AAPના 719 અને અન્ય પક્ષોના 264 અને 1,184 અપક્ષ ઉમેદવારો પણ રણમેદાનમાં છે.

જિલ્લા પંચાયતની ચૂંટણીમાં 2655 ઉમેદવારો મેદાને

રાજ્યની જિલ્લા પંચાયતની ચૂંટણીમાં કુલ 2 હજાર 655 ઉમેદવારો મેદાનમાં છે. જેમાં ભાજપના 954, કોંગ્રેસના 937 ઉમેદવારો મેદાને છે. BSPના 88, NCPના 23, CPI-Mના 3, AAPના 304 ઉમેદવાર છે. જ્યારે અન્ય પક્ષોના 133 અને 209 અપક્ષ ઉમેદવારો રણસંગ્રામમાં છે.

કેટલી બેઠકો બિનહરીફ?

વિવિધ જિલ્લા પંચાયતોની કુલ 25 બેઠકો બિનહરીફ, વિવિધ તાલુકા પંચાયતોની 117 બેઠકો બિનહરીફ, વિવિધ નગરપાલિકાઓની 95 બેઠકો બિનહરીફ થઇ છે.

કુલ 8302 બેઠકો માટે 22,116 ઉમેદવારો મેદાનમાં
રાજ્યની 31 જિલ્લા પંચાયતો, 231 તાલુકા પંચાયતો અને 81 નગરપાલિકાની સામાન્ય ચૂંટણીઓમાં પાલિકા પંચાયતોની કુલ 8302 બેઠકો માટે 22,116 ઉમેદવારો મેદાનમાં છે. 240 બેઠકો અગાઉ બિનહરીફ જાહેર થયેલી છે. 36,218 મતદાન મથકો પરથી 2.97 કરોડ મતદારો પોતાના સ્થાનિક જનપ્રતિનિધિને ચૂંટવા માટે મતદાન કરશે. 2જી માર્ચે મતગણતરી યોજાશે.