ચૂંટણી / ભાજપનું તોડજોડનું શાસ્તર શરૂ, જંબુસર કોંગ્રેસમાંથી 100 કાર્યકરોની આયાત, ધોરાજીમાં પણ સમારોહ

• સ્થાનિક સ્વરાજ્યની ચૂંટણી પહેલા કોંગ્રેસમાં ગાબડુ 
• કોંગ્રેસના 100 કાર્યકરો ભાજપમાં જોડાયા 
• કુમાર કાનાણીએ કર્યું સ્વાગત

જંબુસર કોંગ્રેસના 100 કાર્યકરો ભાજપમાં જોડાયા

સ્થાનિક સ્વરાજ્યની ચૂંટણી અગાઉ કોંગ્રેસમાં ગાબડુ જોવા મળી રહ્યું છે. જંબુસર કોંગ્રેસના 100 કાર્યકરો ભાજપમાં જોડાયા છે. કુમાર કાનાણીએ કેસરિયો ખેસ પહેરાવી સ્વાગત કર્યુ હતુ. કુમાર કાનાણીએ પેજ સમિતિની સભાને સંબોધન કર્યું હતુ. 

વિઠ્ઠલ હિરપરા આજે ધોરાજીમાં કેસરિયો ધારણ કરશે 

રાજકોટ જિલ્લા કોંગ્રેસમાં કકળાટ જોવા મળ્યો છે. જિલ્લા પંચાયતની ચૂંટણી પૂર્વે જિલ્લા કોંગ્રેસ મહામંત્રીને 6 વર્ષ માટે સસ્પેન્ડ કરાયા છે. પક્ષ વિરોધી પ્રવૃતિ બદલ વિઠ્ઠલભાઇ હિરપરા સસ્પેન્ડ કરવામાં આવ્યા છે. સસ્પેન્ડ કરાયા બાદ વિઠ્ઠલ હિરપરાએ બળાપો ઠાલવ્યો હતો કે, કોંગ્રેસમાં સંગઠન કે સંકલન જેવું કંઇ નથી. એટલું જ નહીં પણ વિઠ્ઠલ હિરપરા આજે ધોરાજીમાં કેસરિયો ધારણ કરશે. સંગઠનની નિષ્ક્રિયતા મુદ્દે રાજીવ સાતવને  રજૂઆત કરાઇ હતી

કોંગ્રેસનો બળાપો

મનપાની ચૂંટણી પહેલા રાજકોટમાં ભાજપ-કોંગ્રેસ આમનેસામને આવી ગયા હતા. ભાજપના નિવેદન પર કોંગ્રેસના ભાજપ પર પ્રહાર જોવા મળ્યા હતા જેમાં અશોક ડાંગરે કહ્યું હતુ કે, C R Patil એક તરફ કોઈ પણ કોંગ્રેસીને ભાજપમાં લેવાની ના પાડી રહ્યુ છે ત્યારે બીજી તરફ શહેર ભાજપ પ્રમુખ કોંગ્રેસમાંથી ભાજપમાં લેવાની વાતો કરી છે. ચૂંટણી સમયે જ ભાજપને તડજોડની નીતિ યાદ આવે છે એ સિવાય ભાજપ ખાલી સુફિયાણી વાતો જદ કરી જાણે છે.