ઓહ! / શું બિહાર ચૂંટણીનાં પરિણામથી દુઃખી છે નીતિશ કુમાર ? કેમ ફરી મુખ્યમંત્રી બનતા ખચકાય રહ્યા છે

• ભાજપ નેતા નિરાશ નીતિશનું મનોબળ વધારવા માટે ગયા હતા.
• ચિરાગ પાસવાનની ચૂંટણી ચાલથી ઘણા દુઃખી છે
• મુખ્યમંત્રી પદના શપથને લઈને સંકોચ કરી રહ્યા છે

અંગ્રેજી અખબારે ભાજપના એક નેતાના હવાલાથી કહ્યું છે કે નીતિશ કુમાર પોતાની પાર્ટી જેડીયુના નિરાશાજનક પ્રદર્શનથી દુઃખી છે અને તે સીએમની ખુરશી ફરી સંભાળવા નથી માંગતા. ભાજપના નેતાએ પોતાના નામ ગુપ્ત રાખવાની શરતે જણાવ્યું કે તે (નીતિશ) આ વાતને લઈને ઘણા હેરાન છે કે ચિરાગે જેડીયૂતી ઓછામાં ઓછી 25-30 કેન્ડિડેટ્સની જીતની આશા પર પાણી ફેરવી દીધુ છે. અમે તેમને કહ્યું કે તે સીએમ બન્યા રહેશે . ભલે ભાજપના ગઠબંધનમાં મોટા પાર્ટનર તરીકે ઉભરી હોય.

ઉલ્લેખનીય છે કે  243 સીટો વાળી બિહાર વિધાનસભા ચૂંટણીમાં પરિણામ NDAએ ગઠબંધનના પક્ષમાં આવ્યા છે. NDA ગઠબંધનને 125 સીટો પર જીત મળી છે. તો બહુમત માટે જરુરી 122 સીટોથી 3 વધારે છે. ભાજપને 74 અને જેડીયૂને 43 સીટો પર જીત મળી છે. આરજેડીને 75 સીટો મળી છે. કોંગ્રેસને 19 અને વામપંથી દળોને 16 સીટો મળી છે. જ્યારે તેજસ્વીના નેતૃત્વ હેઠળ મહાગઠબંધનને 110 સીટ મળી છે. 

વર્ષ 2005ની વિધાનસભા ચૂંટણીથી આજ સુધીનું જેડીયુનું સૌથી ખરાબ પ્રદર્શન છે. નીતિશે ટ્વીટ કરી લખ્યુ  હતું કે જનતા માલિક છે અને તેમણે એનડીએને પૂર્ણ બહુમત આપી છે. નીતિશ કુમારે આ સાથે લખ્યું કે પ્રધાનમંત્રી નરેન્દ્ર મોદીનો ચૂંટણી સમયના સહકાર બદલ આભાર.

બિહાર ભાજપ પ્રભારી ભૂપેન્દ્ર યાદવ, પ્રદેશ ભાજપ અધ્યક્ષ ડય સંજય જયસવાલ, ઉપ મુખ્યમંત્રી સુશીલ કુમાર મોદી અને કેન્દ્રીય ગૃહ રાજ્ય મંત્રી નિત્યાનંદ રાયે મંગળવારે સાંજે નીતિશ કુમારની મુલાકાત લીધી હતી. જેને એક શિષ્ટાચાર મુલાકાત ગણાવવામાં આવી રહી છે. પરંતુ અનેક જેડીયૂ નેતા આને ભાજપની ઉદારતાના રુપમાં જોવે છે. તેમનું માનવું છે કે ભાજપ નેતા નિરાશ નીતિશનું મનોબળ વધારવા માટે ગયા હતા.