બિહાર ચૂંટણી / LJP ને મંજૂર નથી ભાજપની ઓફર, માંગી શકે છે આટલી વધુ બેઠકો અથવા..

• બિહારમાં ચૂંટણીને લઈને તારીખો જાહેર થઈ ચૂકી છે 
• NDA માં બેઠક વહેંચણીને લઈને સ્થિતિ હજુ સ્પષ્ટ નથી 
• LJP ને ભાજપે ઓફર કરી છે 27 બેઠકો, પણ હજુ LJP એ જવાબ આપ્યો નથી 

બિહાર વિધાનસભા ની ચૂંટણીઓની તૈયારી વચ્ચે NDA માં બેઠક વહેંચણીને લઈને સ્થિતિ હજી સ્પષ્ટ થઈ નથી. લોક જનશક્તિ પાર્ટી ( LJP ) અને ભાજપ વચ્ચે બેઠક વહેંચણી અંગે ચર્ચા થઈ હતી. LJP ના પ્રમુખ ચિરાગ પાસવાને પત્ર લખ્યા બાદ વાતચીત થઈ હતી. સૂત્રોના જણાવ્યા અનુસાર, ચિરાગ પાસવાન ની આગેવાનીવાળી LJP  32 અથવા 42 જેટલી બેઠકો 2 MLC બેઠકો અને ઉત્તર પ્રદેશમાંથી 1 રાજ્યસભા સીટ માંગી શકે છે. 

LJP માંગી શકે છે વધુ બેઠકો

સૂત્રોના જણાવ્યા અનુસાર હાલમાં ભારતીય જનતા પાર્ટી BJP દ્વારા 27 વિધાનસભા બેઠકો અને બે MLC બેઠકો આપવામાં આવી છે. LJP ને ભાજપના ક્વોટામાંથી બેઠકો આપવામાં આવશે. મળતી માહિતી મુજબ, ભાજપના પ્રસ્તાવ પર LJP એક-બે દિવસમાં નિર્ણય લેશે.

143 બેઠકો માટે ઉમેદવારો ઉભા કરવાની તૈયારી

સૂત્રોના જણાવ્યા અનુસાર ચિરાગ પાસવાન ની પાર્ટી LJP વિધાનસભા ની 143 બેઠકો માટે ઉમેદવારો ઉતારવાની તૈયારી કરી રહી છે. એવું કહેવામાં આવી રહ્યું છે કે જો આ ડીલ નહીં બને તો LJP NDAથી છૂટા થઈને ચૂંટણીના મેદાનમાં આવી શકે છે. ચિરાગ પાસવાને વડા પ્રધાન મોદી, ગૃહ પ્રધાન અમિત શાહ અને ભાજપ અધ્યક્ષ જેપી નડ્ડાને અલગ પત્ર લખ્યા છે. પાસવાને બેઠકોમાં આ મુદ્દો ન ચર્ચાયો હોવાની વાત કહી હતી. 

NDAમાં બેઠક વહેંચણી અંગેની પરિસ્થિતિ સ્પષ્ટ નથી

નોંધનીય છે કે બે દિવસ પછીથી, બિહાર માં પ્રથમ તબક્કા માટેના નામાંકનની પ્રક્રિયા શરૂ થશે, પરંતુ હજી સુધી NDA ની બેઠકોના ભાગીદારી અંગે સ્થિતિ સ્પષ્ટ થઈ નથી. ચૂંટણી પંચ દ્વારા તાજેતરમાં જ બિહાર વિધાનસભા ચૂંટણી નો કાર્યક્રમ જાહેર કરવામાં આવ્યો છે. 

આ અંતર્ગત રાજ્યમાં ત્રણ તબક્કામાં ચૂંટણી યોજાશે. પ્રથમ તબક્કાની ચૂંટણીઓ 28 ઓક્ટોબર, બીજો તબક્કો 3 નવેમ્બરે અને ત્રીજો તબક્કો 7 નવેમ્બરના રોજ યોજાશે. ચૂંટણી ના પરિણામો 10 નવેમ્બર 2020 ના રોજ જાહેર કરવામાં આવશે.