બનાસકાંઠાના પાલનપુરમાં એક વર્ષ પહેલા જ બનેલો કોઝ વે ધોવાઇ ગયો ગયો. પાલનપુરના વેડચાથી હોડા રોડ પરનો બ્રીજ ધડાકાભેર તૂટી પડ્યો. ત્યારે આ કોઝ વે ધારાશાયીનો વીડિયો સામે આવ્યો છે.
પાલનપુરમાં અનેક ગામોને જોડતો કોઝ વે ધોવાયો
એક વર્ષ પહેલા જ બનેલો કોઝ વે વરસાદમાં ધોવાયો
કોઝ વે ધારાશાયીનો થવાનો લાઈવ વીડિયો સામે આવ્યો
બનાસકાંઠાના પાલનપુરમાં એક વર્ષ પહેલા જ બનેલો કોઝ વે ધોવાઇ ગયો ગયો. જેને પગલે તંત્રની કામગીરી સામે અનેક સવાલો થઈ રહ્યો છે સમગ્ર મામલે VTVની ટીમે અહેલાલ પ્રસારિત કર્યો હતો અહેવાલ પ્રસારિત કર્યો બાદ તંત્રનું સફાળું જાગ્યું છે. અને તંત્રેએ કોઝ વેનું સમારકામ કરવાની કવાયત હાથ ધરી છે. પાલનપુરની લડબી નદી ઉપરના પુલની કામગીરી શરૂ કરી દેવામા આવી છે મહત્વનું છે કોઝ વે અનેક ગામોને જોડે છે તેથી અનેક ગામ સાથેનો વ્યવહાર પર અસર પડી રહી છે.
VTV NEWSના અહેવાલ બાદ તંત્ર દોડતું થયું છે. અને કોઝ વેના રિપેરિંગની કામગીરી શરૂ કરી દેવામાં આવી છે. ભાર વરસાદમાં કોઝ-વેમાં પર ગાબડું પડ્યું હતું જે બાદ પાણીના પ્રવાહ સાથે કોઝ વે ધોવાઈ ગયો હતો જેનો વીડિયો પણ સામે આવ્યો છે. વીડિયો વાયરલ થતા જ તંત્ર હરકતમાં આવ્યું છે અને હાલ માર્ગ અને મકાન વિભાગ દ્વારા તાત્કાલિક ધોરણે રિપેરિંગની કામગીરી હાથ ધરવામાં આવી છે.બનાસકાંઠાના પાલનપુરમાં એક વર્ષ પહેલા જ બનેલો કોઝ વે ધોવાઇ ગયો ગયો. પાલનપુરના વેડચાથી હોડા રોડ પરનો બ્રીજ ધડાકાભેર તૂટી પડ્યો. ત્યારે આ કોઝ વે ધારાશાયીનો વીડિયો સામે આવ્યો છે.
ભારે વરસાદમાં અનેક ગામોને જોડતો કોઝ વે ધોવાયો
આજે પાલનપુર શહેરમાં ત્રણ જ કલાકમાં ચાર ઇંચ જેટલો વરસાદ પડતા પાણી પાણી થઈ ગયું છે. શહેરની અનેક સોસાયટીઓમાં ઘરોમાં પાણી ઘૂસી ગયા છે. બીજી તરફ ભારે વરસાદને પગલે પાલનપુરના વેડચાથી હોડા જતા રસ્તા પર આવતો કોઝ વે તૂટી ગયો છે. આ કોઝવે એક વર્ષ પહેલા બનાવવામાં આવ્યો હોવાની માહિતી મળી છે. આ કોઝવે આશરે 20 થી વધુ ગામોને જોડે છે કોઝ વે તૂટી ગયો હોય તેના લાઇવ દ્રશ્યો સામે આવ્યા છે. ઘટનાને પગલે લોકોને ટોળે ટોળા ઉમટી પડ્યાં હતાં.
સદનસીબે ઘટનામાં કોઇ જાનહાનિ નહીં
પાલનપુરમાં લડબી નદી પર એક વર્ષ પહેલા જ બનાવાયો હતો. વીડિયોમાં તમે જોઇ શકો છો કે બ્રીજનો એક ભાગ ધડાકાભેર તૂટી અને નદીમાં પડે છે. જેનો વીડિયો સામે આવ્યો છે તેમાં જોઈ શકાય છે કે કોઝ વેનો અમુક ભાગ ધડામ કરતા પાણીમાં પડે છે. આસપાસ અનેક લોકો પણ ઊભેલા હોય છે. કોઝ વે તૂટી ગયાના સમાચાર જાણીને આસપાસના લોકો દોડી આવ્યા હતા. જો કે સદનસીબે ઘટનામાં કોઇ જાનહાનિ થઈ નથી.
જીવના જોખમે કોઝ વે જોવા આવ્યા લોકો
વીડિયોમાં જોઈ શકાય છે કે કોઝ વેનો અમુક હિસ્સો પાણીમાં પડે છે ત્યારે પણ લોકો ખૂબ નજીક ઊભા હોય છે. કોઝ વે તૂટી ગયાની જાણકારી સ્થાનિક તંત્રને પણ કરી દેવામાં આવી છે. આ ઉપરાંત સરપંચ અને તલાટી સહિતના લોકોએ રસ્તો બંધ કરાવી લોકોને નજીક ન જવાની સલાહ આપી હતી. રસ્તો તૂટી જતા હવા લોકોએ આઠથી 10 કિલોમીટર ફરીને જવું પડશે.
તંત્રની કામગીરી સામે ઉઠ્યા અનેક સવાલો
પાલનપુરના વેડચાથી હોડા રોડ પરનો કોઝ વે ધડાકાભેર તૂટી પડ્યો ત્યારે સવાલો ઉઠી રહ્યા છે કે કોઇ મોટી દૂર્ઘટના થઇ હોત તો જવાબદાર કોણ હોત?. શું કોઝ વે બન્યા બાદ નિરીક્ષણ કરાયું હતું?. નિરીક્ષણ કરનાર અધિકારી સામે પણ કાર્યવાહી કેમ નહીં?. લાખો રૂપિયાને ખર્ચે બનેલો કોઝ વે એક વર્ષમાં ધોવાઇ ગયો?. ગુજરાતમાં ભ્રષ્ટાચારીઓ ક્યાં સુધી આ રીતે બેફામ બનશે ?. ક્યાં સુધી આવો ભ્રષ્ટાચાર ચાલતો રહેશે ?. પ્રજાના નાણા આ રીતે ભ્રષ્ટાચારીઓ વેડફી રહ્યા છે?. સરકાર આવા ભ્રષ્ટાચારી સામે માટે પગલા લેતી નથી?. ભ્રષ્ટાચારી કોન્ટ્રાક્ટરો શા માટે બ્લેક લીસ્ટ થતા નથી ?. માત્ર રેતી અને કાંકરાથી જ કોઝ વે બની જાય છે?. બે કે પાંચ ઇંચ વરસાદમાં કોઝ વે ધોવાતા હોય તો કોઇ પ્રશ્ન કેમ કરતું નથી?.