સફળતા / વૈજ્ઞાનિકોની મોટી સફળતા, મંકીપોક્સનો જીવંત વાયરસ મળી ગયો, હવે ટેસ્ટ કીટ, સારવાર અને રસી પણ બનશે સરળતાથી

• વૈજ્ઞાનિકોએ તેને ભારત માટે ઐતિહાસિક સિદ્ધિ ગણાવી 
• હવે એક વાયરસ થી ઘણા વાયરસથી બનાવશે
• આ કામ પૂણેની BSL-3 લેવલની લેબમાં ચાલી રહ્યું છે

મંકીપોક્સના વાઈરસને જીવંત કાઢવા માટે વૈજ્ઞાનિકોની એક ટીમ બનાવવામાં આવી હતી, જે 14 જુલાઈથી દિવસ-રાત લેબમાં વાઈરલની તપાસમાં વ્યસ્ત હતી. 11 દિવસ પછી, NIV એ સત્તાવાર રીતે આની પુષ્ટિ કરતા કહ્યું કે તે દર્દીના નમૂનામાંથી મંકીપોક્સ વાયરસને અલગ કરવામાં સફળતા મળી છે. આનો અર્થ એ છે કે હવે આ વાયરસની મદદથી, વૈજ્ઞાનિકો ટૂંક સમયમાં સંક્રમણને ઓળખવા માટે એક ટેસ્ટ કીટ શોધી શકશે. આ સાથે,તે તેની ગંભીરતા અને સારવાર વિશે મહત્વપૂર્ણ માહિતી પણ મેળવી શકશે. આ સિવાય મંકીપોક્સ વિરોધી રસી પણ શોધી શકાય છે.

દેશ માટે મોટી સિદ્ધિ

વૈજ્ઞાનિકોએ તેને ભારત માટે ઐતિહાસિક સિદ્ધિ ગણાવી હતી. NIVના વરિષ્ઠ વૈજ્ઞાનિક ડો. પ્રજ્ઞા યાદવે જણાવ્યું કે, આ એક મોટી સફળતા છે. વર્ષ 2020 માં જ્યારે કોરોના રોગચાળો શરૂ થયો, તે દરમિયાન અમે સૌ પ્રથમ કોરોના વાયરસને અલગ કર્યો. તે પછી ટેસ્ટ કીટ બનાવવામાં આવી અને કોવેક્સિન રસી પણ શોધાઈ. આ વખતે મંકીપોક્સને અલગ કરવામાં આવ્યો છે. તેની ટેસ્ટ કીટ, સારવાર અને રસી વગેરે અંગે વધુ અભ્યાસ ટૂંક સમયમાં શરૂ થશે.

એક વાયરસ થી ઘણા વાયરસથી બનાવશે

NIV ના વરિષ્ઠ વૈજ્ઞાનિક ડૉ. પ્રજ્ઞા યાદવે કહ્યું, 'મંકીપોક્સ વાયરસને અલગ કર્યા પછી હવે તેની અન્ય નકલો પણ તૈયાર કરવામાં આવી રહી છે. આ કામ પૂણેની BSL-3 લેવલની લેબમાં ચાલી રહ્યું છે. આ દરેક વાયરસને અલગ અભ્યાસ માટે સોંપવામાં આવશે.
 
રસી, ટેસ્ટ કીટ બનાવવા માટે ટેન્ડર બહાર પાડવામાં આવ્યા  

ઈન્ડિયન કાઉન્સિલ ઓફ મેડિકલ રિસર્ચ (ICMR) એ બુધવારે મોડી સાંજે ટેસ્ટ કીટ અને રસી બનાવવા માટે ટેન્ડર બહાર પાડ્યું હતું. ICMR અનુસાર, ખાનગી કંપનીઓ સાથે મળીને તેઓ ટૂંક સમયમાં એન્ટી મંકીપોક્સ રસી અને તેની ટેસ્ટ કીટ તૈયાર કરશે. ICMR દરેક ટેસ્ટ કીટ અથવા રસીના ડોઝ પર પણ રોયલ્ટી મેળવશે. હાલમાં, Covaxin રસી પાંચ ટકાની રોયલ્ટી આકર્ષે છે. ઉલ્લેખનીય છે કે, મંકીપોક્સ માટે હજુ સુધી કોઈ રસી નથી તેમજ તેને ઓળખવા માટે કોઈ ટેસ્ટ કીટ ઉપલબ્ધ નથી.