અમદાવાદ / BIG NEWS : ગુજરાત માટે ગૌરવની ક્ષણ, પ્રધાનમંત્રી નરેન્દ્ર મોદીએ 36મી નેશનલ ગેમ્સનો કરાવ્યો શુભારંભ

• 36મી નેશનલ ગેમ્સનો નરેન્દ્ર મોદી સ્ટેડિયમમાં પ્રારંભ
• 1 લાખથી વધુ લોકો મોદી સ્ટેડિયમમાં ઉપસ્થિત
• નેશનલ ગેમ્સમાં કુલ 7420 રમતવીરો લેશે ભાગ
• ઓપનિંગ સેરેમનીમાં 1 હજારથી વધુ કલાકારોનું પર્ફોમ

પ્રધાનમંત્રી નરેન્દ્ર મોદીએ અમદાવાદમાં નરેન્દ્ર મોદી સ્ટેડિયમમાં 36મી નેશનલ ગેમ્સની ઓપનિંગ સેરેમનીમાં સંબોધન કર્યું હતું. જુડેગા ઇન્ડિયા, જીતેગા ઇન્ડિયાના નારાથી સ્ટેડિયમ ગૂંજી ઉઠ્યું હતું.

LIVE UPDATES :

36મી નેશનલ ગેમ્સનો પ્રધાનમંત્રી નરેન્દ્ર મોદીએ કરાવ્યો પ્રારંભ
પ્રધાનમંત્રી નરેન્દ્ર મોદીએ 36મી નેશનલ ગેમ્સનું ઉદ્ઘાટન કર્યું છે. ઉદ્ઘાટન સમારોહનું આયોજન અમદાવાદના નરેન્દ્ર મોદી સ્ટેડિયમમાં કરાયું હતું. ગુજરાત રાજ્ય માટે આ ઐતિહાસિક ક્ષણ છે, કારણ કે પહેલી વખત આ રાષ્ટ્રીય રમતોનું આયોજન થઇ રહ્યું છે. ઉદ્ધાટન સમારોહમાં પીએમ મોદીની સાથે કેન્દ્રીય રમત મંત્રી અનુરાગ ઠાકુર અને ગુજરાતના મુખ્યમંત્રી ભૂપેન્દ્ર પટેલ, સ્ટાર એથલિટ પીવી સિંધુ અને નીરજ ચોપડા પણ હાજર રહ્યા.ઓપનિંગ સેરેમની સમયે સ્ટેડિયમમાં 5 હજારથી વધુ ખેલાડીઓએ માર્ચ પોસ્ટ કરી હતી, સરદાર પટેલને ટ્રિબ્યૂટ આપતા 'ટોર્ચ ઓફ યુનિટી'ને સમગ્ર રાજ્યમાં ફેરવ્યા બાદ તે ઓપનિંગ સેરેમનીમાં પ્રજ્વલિત કરવામાં આવી. એક રાષ્ટ્રીય અને એક આંતરરાષ્ટ્રીય ખેલાડી એમ બે એથ્લિટ પીએમ મોદીને 'ટોર્ચ ઓફ યુનિટી' સોંપી નેશનલ ગેમ્સનો પ્રારંભ કારાવ્યો હતો

તમામ રાજ્યો અને કેન્દ્રશાસિત પ્રદેશોના ખેલાડીઓનું આગમન
અમદાવાદમાં નરેન્દ્ર મોદી સ્ટેડિયમ ખાતે 36મી નેશનલ ગેમ્સના ઉદ્ઘાટન સમારોહમાં તમામ રાજ્યો અને કેન્દ્રશાસિત પ્રદેશોની ટીમો આવી પહોંચી છે.

The contingents of all states and UTs arrive at the opening ceremony of the 36th National Games at Narendra Modi stadium in Ahmedabad, Gujarat. pic.twitter.com/watT2xAmG8

— ANI (@ANI) September 29, 2022

6 શહેરમાં થઇ રહી છે આ ગેમ્સ
માહિતી માટે જણાવી દઇએ કે 29 સપ્ટેમ્બરથી 12 ઓક્ટોબર 2022 સુધી નેશનલ ગેમ્સનું આયોજન કરવામાં આવી રહ્યું છે. જેમાં 36 રમતોનું આયોજન થશે, જેમાં દેશભરના અંદાજિત 7 હજાર ખેલાડી ભાગ લઇ રહ્યા છે. જણાવવામાં આવી રહ્યું છે આ અત્યાર સુધી સૌથી મોટી રાષ્ટ્રીય રમત આયોજન છે. રાષ્ટ્રીય રમત 20022નું આયોજન ગુજરાતના 6 શહેર-ગાંધીનગર, અમદાવાદ, સુરત, વડોદરા, રાજકોટ અને ભાવનગરમાં થઇ રહ્યું છે. જોકે, ટ્રેક સાઇક્લિંગ ઇવેન્ટ દિલ્હીમાં વેલોડ્રોમ પર હશે.

India's top athletes present Torch of Unity to Prime Minister Narendra Modi at the opening of 36th National Games at Narendra Modi stadium in Ahmedabad, Gujarat. pic.twitter.com/f5lrxqQAiV

— ANI (@ANI) September 29, 2022

7 વર્ષ બાદ થઇ રહ્યું છે આયોજન
7 વર્ષ લાંબા બ્રેક બાદ થઇ રહેલા નેશનલ ગેમ્સમાં 28 રાજ્યો અને 8 કેન્દ્ર શાસિત પ્રેદેશોના રમતવીરો ભાગ લઇ રહ્યા છે. ગત વખત રાષ્ટ્રીય રમતોનું આયોજન 2015માં કેરળમાં થયું હતું. તેમાં 33 રમત સ્પર્ધાઓનું આયોજન કરવામાં આવ્યું હતું. આ વખતે રોલર સ્કેટિંગ, સોફ્ટબોલ અને સોફ્ટ ટેનિસને રાષ્ટ્રીય રમતોમાં સામેલ કરવામાં આવ્યા છે, જ્યારે બીચ હેન્ડબોલ, બીચ વૉલીબોલ અને નૌકાયનનું આયોજનથી બહાર કરવામાં આવ્યા છે. યોગાસન અને મલખંબને પણ આ વખતે રાષ્ટ્રીય રમતોમાં પહેલી વખત સામેલ કરવામાં આવશે.

36મી નેશનલ ગેમ્સની ઓપનિંગ સેરેમનીમાં PM મોદીનું સંબોધન

બીજા રાજ્યથી આવેલા ખેલાડીઓ નવરાત્રી આયોજનનો લાભ પણ જરૂર લેજો : PM મોદી
PM નરેન્દ્ર મોદીનું સંબોધનએ કહ્યું કે, બીજા રાજ્યથી આવેલા ખેલાડીઓને કહીશ કે અહીં(ગુજરાત) નવરાત્રી આયોજનનો લાભ પણ જરૂર લેજો. ગુજરાતના લોકો તમારી મહેમાનગતીમાં સ્વાગતમાં કોઈ કસર નહીં છોડે. આમ મેં જોયું છે કેવી રીતે આપણા નિરજ ચોપરા, ગઇકાલે ગરબાનો આનંદ લઇ રહ્યા હતા. ઉત્સવની એજ ખુશી આપણા ભારતીયોને જોડે છે, એકબીજાનો સાથ આપવા માટે પ્રેરિત કરે છે. આ ઉત્સવ પર સૌને ગુજરાત અને દેશવાસીઓને ફરી એક વખત નવરાત્રીની શુભેચ્છા પાઠવું છું.

દેશ આર્થિક રીતે ટોપ પર છે તે દેશ મેડલ લિસ્ટમાં પણ ઉપર હોય છેઃ PM મોદી
PM નરેન્દ્ર મોદીએ કહ્યું કે, કોઈ પણ દેશની પ્રગતિ અને દુનિયામાં તેના સન્માનનો રમતોમાં તેની સફળતા સાથે સિધો સંબંધ હોય છે. રાષ્ટ્રને નેતૃત્વ દેશનો યુવા આપે છે, ખેલ તેમના જીવન નિર્વાહનો મુખ્ય સ્ત્રોત હોય છે. જે દેશ આર્થિક રીતે ટોપ પર છે તે દેશ મેડલ લિસ્ટમાં પણ ઉપર હોય છે.

રમતમાં સામેલ થનારા તમામ ખેલાડીઓને મારા તરફથી ખુબ ખુબ શુભકમાનાઃ PM મોદી
PM નરેન્દ્ર મોદીએ કહ્યું કે, આ દ્રશ્ય, આ તસવીર, આ માહોલ, શબ્દોથી ઉપર છે. વિશ્વના સૌથી મોટા સ્ટેડિયમ, વિશ્વના આટલા યુવા દેશ, દેશના સૌથી મોટા ખેલ ઉત્સવ. જ્યારે આયોજન આટલું અદભૂત અને અદ્વિતય હોય તો તેની ઉર્જા એવી જ અસાધારાણ હશે. દેશના 36 રાજ્યોથી 7 હજારથી વધુ એથલેટ્સ, 25 હજારથી વધુ કોલેજ, 15 હજારથી વધુ એથલેટ્સ, 50 લાખથી વધુ સ્ટુડેન્ટ્સનું નેશનલ ગેમ્સથી સીધો જોડાવ, આ અદભૂત છે. રમતમાં સામેલ થનારા તમામ ખેલાડીઓને મારા તરફથી ખુબ ખુબ શુભકામના.

36મી નેશનલ ગેમ્સની ઓપનિંગ સેરેમની : અમદાવાદના નરેન્દ્ર મોદી સ્ટેડિયમમાં 1 હજારથી વધુ કલાકારો કરી રહ્યા છે પર્ફોમ

દેશના ખૂણે ખૂણેથી આવેલા ખેલાડીઓનું ગુજરાતીઓ તરફથી સ્વાગત : CM ભૂપેન્દ્ર પટેલ

36મી નેશનલ ગેમ્સનો પ્રારંભ સમારોહમાં CM ભૂપેન્દ્ર પટેલે નિવેદન આપતા કહ્યું હત આજે વિશ્વના સૌથી મોટા સ્ટેડિયમ નરેન્દ્ર મોદી સ્ટેડિયમમાં મિનિ ઇન્ડિયાના દર્શન થઇ રહ્યા છે. 36માં નેશનલ ગેમ્સમાં ભાગ લેવા દેશના ખૂણે ખૂણેથી ખેલાડીઓ આવ્યા છે, તમામ ખેલાડીઓનું ગુજરાતીઓ તરફથી સ્વાગત કરું છું.

36મી નેશનલ ગેમ્સનો પ્રારંભ કરાવવા માટે નરેન્દ્ર મોદી સ્ટેડિયમ પહોંચ્યા પ્રધાનમંત્રી મોદી, 1 લાખથી વધુ લોકો સ્ટેડિયમમાં ઉપસ્થિત

PM મોદી નેશનલ ગેમ્સના પ્રારંભ અર્થે નરેન્દ્ર મોદી સ્ટેડીયમ પહોંચ્યા

પીએમ મોદી આજથી ગુજરાતની બે દિવસની મુલાકાતે છે. ત્યારે હવે થોડી જ વારમાં પીએમ મોદી નેશનલ ગેમ્સની ઓપનિંગ સેરેમનીમાં હાજરી આપશે. ઓપનિંગ સેરેમની સમયે સ્ટેડિયમમાં 5 હજારથી વધુ ખેલાડીઓ માર્ચ પાસ્ટ કરશે. સરદાર પટેલને ટ્રિબ્યૂટ આપતા 'ટોર્ચ ઓફ યુનિટી'ને સમગ્ર રાજ્યમાં ફેરવ્યા બાદ તે ઓપનિંગ સેરેમનીમાં પ્રજ્વલિત કરવામાં આવશે. એક રાષ્ટ્રીય અને એક આંતરરાષ્ટ્રીય ખેલાડી એમ બે એથ્લિટ પીએમ મોદીને 'ટોર્ચ ઓફ યુનિટી' સોંપશે. 

I’m going be there very soon for the opening of the National Games. pic.twitter.com/OQcQL9ZiX3

— Narendra Modi (@narendramodi) September 29, 2022

આ ઉપરાંત ઓપનિંગ સેરેમની દરમિયાન આઈપીએલ ફાઈનલ કરતા પણ ભવ્ય અંદાજમાં લાઈટ શો અને આતશબાજી જોવા મળશે. આ માટે સ્ટેડિયમમાં ઠેર-ઠેર રિંગ્સ ઓફ ફાયર મુકવામાં આવી છે.સ્ટેન્ડ્સ અને ગ્રાઉન્ડમાં મોટાપાયે લાઈટ્સ ગોઠવવામાં આવી છે.આ નેશનલ ગેમ્સને લઈને રિવરફ્રન્ટ પર સ્પોર્ટ્સ કોમ્પ્લેક્સ બનાવવા આવ્યું છે જેમાં સવારથી જ નેશનલ ગેમ્સમાં ભાગ લેનાર ખેલાડીઓ પ્રેક્ટિસ કરતા પણ નજરે પડે છે.સ્પોર્ટ્સ કોમ્પ્લેક્સ માં ટેન્ટ પણ બનાવવામાં આવ્યા છે.

36મી નેશનલ ગેમ્સનો આજથી થશે પ્રારંભ 

• PM મોદી નેશનલ ગેમ્સનો કરાવશે પ્રારંભ 
• નરેન્દ્ર મોદી સ્ટેડિયમ ખાતે કરાયું આયોજન 
• ઓપનિંગ સેરેમનીમાં 1 હજારથી વધુ કલાકારો કરશે પર્ફોમ
• નેશનલ ગેમ્સમાં કુલ 7420 રમતવીરો લેશે ભાગ
• સૌથી વધુ ગુજરાતના 681 રમતવીરો લેશે ભાગ
• નેશનલ ગેમ્સમાં 44 એથ્લીટ્સ પણ લેશે ભાગ 
• કાર્યક્રમને લઈ જડબેસલાક પોલીસ બંદોબસ્ત ગોઠવાયો
• 1 લાખથી વધુ લોકો નરેન્દ્ર મોદી સ્ટેડિયમમાં રહેશે હાજર