જગત જમાદાર ટ્રમ્પના ગુજરાત આગમનને પગલે ગુજરાત ઘેલુ ઘેલુ થઈ ગયુ છે ત્યારે ડોનાલ્ડ ટ્રમ્પ અને નરેન્દ્ર મોદી એકબીજાને ભેટી પડ્યા હતા. અને 1000 કલાકારોએ ઢોલ વગાડીને તેમનું સ્વાગત કર્યુ હતુ. ડોનાલ્ડ ટ્રમ્પ અને પીએમ મોદીનો રોડ શો જોવા ગુજરાતીઓ ઉમટી પડ્યા હતા.
જગત જમાદાર ટ્રમ્પ અમદાવાદના આંગણે
ટ્રમ્પ અને મેલેનિયાના સ્વાગતમાં લાખો લોકોની જનમેદની
વિવિધ રાજ્યોની કલાઓ ટ્રમ્પ સમક્ષ રજૂ કરાશે
ડોનાલ્ડ ટ્રમ્પ અને પીએમ મોદીનો રોડ શો જુઓ લાઈવ
ડોનાલ્ડ ટ્રમ્પે શું લખ્યુ ગાંધી બુકમાં?
અમેરિકાના રાષ્ટ્રપતિ ડોનાલ્ડ ટ્રમ્પનું ગાંધી આશ્રમમાં ખેસ પહેરાવીને સ્વાગત કરવામાં આવ્યું હતું. મોદી હ્રદય કુંજમાં ટ્રમ્પના ગાઇડ બન્યા. પીએમ મોદી અને ટ્રમ્પે ગાંધીજીની તસ્વીરને સૂતરની આંટી પહેરાવી વંદન કર્યા. ત્યાર બાદ ગાંધીજીના ચરખાને પણ કાત્યો હતો. આ પ્રસંગે મેલેનિયા ટ્રમ્પે પણ ચરખો કેવી રીતે ચાલે છે તે નિહાળ્યું હતું. તો સમગ્ર મુલાકાતમાં વડાપ્રધાન મોદી તેમના ગાઈડ બન્યા હતા. ગાંધી આશ્રમની વિઝીટર બૂકમાં ટ્રમ્પે ખાસ મેસેજ પણ લખ્યો હતો. ટ્રમ્પે લખ્યું કે મારા મિત્ર નરેન્દ્ર મોદીનો અદભુત મુલાકાત બદલ આભાર.
પીએમ મોદીએ ટ્રમ્પનું કર્યું સ્વાગત્
અમેરિકન રાષ્ટ્રપતિ ડોનાલ્ડ ટ્રમ્પ પોતાના બે દિવસીય માટે સોમવાર સવારે અમદાવાદ પહોંચ્યા. પીએમ મોદીએ અહીં એરપોર્ટ પર ડોનાલ્ડ ટ્રમ્પનું ગળે લગાવીને શાહી સ્વાગત કર્યું હતું. ટ્રમ્પની સાથે તેમના પત્ની મેલેનિયા ટ્રમ્પ, દીકરી ઇવાન્કા ટ્રમ્પ અને જમાઇ પણ અમદાવાદ પહોંચ્યા. એરપોર્ટથી તેઓ સાબરમતી આશ્રમ પહોંચ્યા હતા. આ અગાઉ પીએમ મોદીએ ટ્વિટ કરીને કહ્યું હતું કે, અતિથિ દેવો ભવઃ
એરપોર્ટથી સાબરમતી આશ્રમ સુધી યોજાયો રોડ શો
પીએમ મોદી અને ડોનાલ્ડ ટ્રમ્પ બન્ને નેતાઓ સાબરમતી આશ્રમ પહોંચ્યા હતા. આ દરમિયાન તેમનો રોડ શો યોજાયો હતો. જેમાં મોટી સંખ્યામાં લોકો તેમને નિહાળવા માટે ઉમટ્યા હતા. ત્યારે બન્ને નેતાઓ સાબરમતી આશ્રમ પહોંચ્યા હતા. મહત્વનું છે કે એરપોર્ટથી મોટેરા સ્ટેડિયમ સુધી બન્ને નેતાને 22 કિમી. લાંબો રોડ શો યોજાઇ રહ્યો છે.
વડાપ્રધાન નરેન્દ્ર મોદી અમદાવાદ એરપોર્ટ પહોંચ્યા. ગુજરાતી કલાકારોની મોટેરા સ્ટેડિયમમાં ધૂમ, કિર્તીદાન ગઢવીએ નગરમેં જોગી આયો કહીને છેડ્યા સૂર તો કિંજલ દવેએ મોદી જી ગુજરાતી... ગાંધીજી ગુજરાતી ઉપર સ્ટેડિયમના લોકોને ઝુમાવ્યા.
ટ્રમ્પ બપોરે 11.30 કલાકે અમદાવાદ પહોંચશે. જ્યાં તેમનું ભવ્ય સ્વાગ્ત કરવામાં આવશે. ત્યાર બાદ PM મોદી અને ટ્રમ્પ ઈન્ડિયા રોડ શોમાં ભાગ લેશે.
આ દરમિયાન ડોનાલ્ડ ટ્રમ્પ ગાંધી આશ્રમની પણ મુલાકાત લેશે. તો મોટેરા સ્ટેડિયમમાં નમસ્તે ટ્રમ્પ કાર્યક્રમમાં પણ હાજર રહેશે. અને અહીં 1 લાખથી વધુ લોકોને સંબોધન કરશે.