છેલ્લા એક દાયકામાં યુવાનો વચ્ચે લિવ ઈન રિલેશનશિપ ઘણું જ પોપ્યુલર થઈ ગયું છે. હાલમાં જ કરાયેલા એક રિસર્ચ મુજબ, લિવ ઈન રિલેશનશિપમાં રહેતાં લોકો લગ્નજીવનનો ભરપૂર આનંદ માણી શકતા નથી. લગ્ન પહેલાં સાથે રહેનાર કપલનો આગળ જતાં સેક્સ લાઈફમાં ઈન્ટરસ્ટ ઓછો થઈ જાય છે.
લિવ-ઈન-રિલેશનશિપમાં રહેતાં લોકો માટે કામના સમાચાર
લાંબો સમય સેક્સ લાઈફ એન્જોય નહીં કરી શકે આવા કપલ
લગ્નજીવનમાં ઊભી થશે સમસ્યાઓ
'જર્નલ ઓફ સેક્સ રિસર્ચ'માં પ્રકાશિત એક રિપોર્ટ મુજબ લિવ ઈન રિલેશનશિપ બાદ લગ્ન કરનાર લોકોના જીવનમાં સેક્સ લાઈફમાં પહેલાં જેવી મજા આવતી નથી. રિપોર્ટમાં દાવો કર્યો છે કે, લિવ ઈનમાં રહેનાર લોકો લગ્ન પછી સેક્સ લાઈફ એન્જોય કરી શકતા નથી. જ્યારે લગ્ન પછી જાતીય સંબંધ બાંધનાર લોકો સેક્સની વધુ મજા માણી શકે છે.
100 કપલ્સ પર કરાઈ રિસર્ચ
લગભગ 100 કપલ્સ પર કરાયેલા આ રિસર્ચમાં જણાવ્યું છે કે, લગ્ન પહેલાં પાર્ટનર સાથે સેક્સની મજા માણનાર લોકો લગ્ન પછી પોતાના પાર્ટનરથી સંતુષ્ટ થતા નથી. સંશોધકોએ દાવો કર્યો છે કે, આની અસર કપલ્સની સેક્સ લાઈફ પર જ નહીં પણ તેમની આવનારી લાઈફ પર પણ પડે છે. વર્ષ 2018માં જર્નલ ઓફ મેરિજ એન્ડ ફેમિલીએ પણ જણાવ્યું હતું કે, લગ્ન બાદ એવા લોકો વધુ ડિવોર્સ લે છે જેઓ લગ્ન પહેલાં લિવ ઈનમાં રહી ચૂક્યા હતા.
લગ્ન પછી સેક્સમાં ઈન્ટરસ્ટ ઘટી જાય છે
ન્યૂયોર્કની એક સેક્સોલોજિસ્ટ લોગન લેવકોફનું કહેવું છે કે, જ્યારે બે વ્યક્તિ લિવ ઈનમાં સાથે રહેવાનો નિર્ણય લે છે ત્યારે તેમની વચ્ચે શારિરીક સંબંધો પણ બંધાય છે અને આ જ કારણથી લગ્ન પછી એ લોકોમાં સેક્સ પ્રત્યેનો ઈન્ટરસ્ટ ઘટતો જાય છે. લેવફોક કહે છે કે, લિવ ઈન દરમિયાન પણ કપલ પર કેટલીક જવાબદારીની સાથે તણાવ આવે છે. આમાં વસ્તુઓને પ્રાથમિકતા આપો છો. જો તમને તેની પહેલાં આદત નહીં હોય તો તમે લાંબા સમય સુધી તમારી સેક્સ લાઈફ એન્જોય નહીં કરી શકો.
લાંબો સમય ટકતી નથી સેક્સ લાઈફ
રિસર્ચમાં જણાવ્યા પ્રમાણે, લગ્ન પહેલાંથી સાથે રહેનાર કપલ્સ લગ્ન પછી સાથે રહેતાં કપલ્સની તુલનામાં સેક્સ લાઈફમાં વધુ ખુશ હતા. જોકે, 4 વર્ષમાં જ આ લોકોની સેક્સ લાઈફ પહેલાં જેવી રહી નહોતી. લેવકોફ કહે છે કે, કોઈની સાથે રહેવામાં કંઈ ખોટું નથી. લાંબા સમયથી સાથે રહેતાં લોકો ફરી કનેક્ટ થઈ શકે છે.